ଡେରାବିଶ,୨୬।୨(ସ୍ବ.ପ୍ର.): କେନ୍ଦ୍ରାପଡ଼ା ଓ କଟକ ଜିଲାର କେନ୍ଦ୍ରସ୍ଥଳୀରେ ଅବସ୍ଥିତ ଓଳକଣା ମେଳନ ପଡ଼ିଆ ନିକଟ ଡେରାବିଶ ବ୍ଲକ ଅଧୀନ ଏଣ୍ଡର ପଞ୍ଚାୟତ ଅରାଖଣ୍ଡ ଗଁାରେ ପୂଜା ପାଉଥିବା ଭକ୍ତ ବିଦୂର ଏକ ଅନନ୍ୟ ପରମ୍ପରାର ପ୍ରତୀକ। ପୁରାଣ ବର୍ଣ୍ଣିତ ଦ୍ୱାପର ଯୁଗର ଭଗବାନ ଶ୍ରୀକୃଷ୍ଣ ଓ ସଖା ବିଦୂରଙ୍କ କାହାଣୀର ସ୍ମୃୃତି ପାଲଟିଛି ଏହି ମନ୍ଦିର ା ବୌଦ୍ଧ ଗବେଷକ ଡ.ହରିଶ୍ଚନ୍ଦ୍ର ପୃଷ୍ଟିଙ୍କ ସୂଚନା ଅନୁଯାୟୀ ,ମହାଭାରତ ଯୁଦ୍ଧ ସମୟରେ ପାଣ୍ଡବ ପାଞ୍ଚଭାଇ ମାତା କୁନ୍ତି ଓ ସ୍ତ୍ରୀ ଦ୍ରୌପଦୀଙ୍କ ଅଜ୍ଞାତବାସ ଡେରାଡ଼ିହଠାରେ ହୋଇଥିଲା। ଏହାର ଅନତି ଦୂରରେ ଥିବା ଅରାଖଣ୍ଡର ଘଞ୍ଚ ଅରଣ୍ୟରେ ଶ୍ରୀକୃଷ୍ଣଙ୍କ ପ୍ରିୟ ଭକ୍ତ ବିଦୂରଙ୍କ ଆଶ୍ରମ ଥିଲା ା ଏହି ସମୟରେ ବିଦୂରଙ୍କ ଆଶ୍ରମରେ ଶ୍ରୀକୃଷ୍ଣ କିଛିଦିନ ପାଇଁ ଆତିଥ୍ୟ ଗ୍ରହଣ କରିଥିଲେ ା ପ୍ରିୟ ଖାଦ୍ୟ ଶାଗଭଜା ପଖାଳ ଭୋଜନରେ ତୋଷ ହୋଇ ଶ୍ରୀକୃଷ୍ଣ ବିଦୂରଙ୍କୁ ବର ମାଗିବା ପାଇଁ କହିିଥିଲେ। ନିଷ୍କାମ ଭକ୍ତିରେ ଥିବା ବିଦୂର ଫାଲ୍ଗୁନ ଶୁକ୍ଳ ଚତୁର୍ଦ୍ଦଶୀ ତିଥିରେ ହରି ଓ ହରଙ୍କୁ ଦର୍ଶନ କରିବା ପାଇଁ ଇଚ୍ଛା ପ୍ରକଟ କରିଥିଲେ ା ଶ୍ରୀକୃଷ୍ଣ ବିଦୂରଙ୍କ ଇଚ୍ଛା ପୁରଣ କରିବାକୁ ଯାଇ ଫାଲ୍ଗୁନ ମାସ ଶୁକ୍ଳପକ୍ଷ ତିଥିରେ ଏହି ଦିବ୍ୟ ଦର୍ଶନ ପାଇଁ ବର ପ୍ରଦାନ କରିଥିଲେ ା ସେହିଦିନଠାରୁ ଓଳକଣାରେ ମେଳଣ ଅନୁଷ୍ଠିତ ହୋଇ ଆସୁଛି ା
ମେଳଣ ପଡ଼ିଆକୁ ଆସୁଥିବା ସମସ୍ତ ବିମାନରେ ରାଧାକୃଷ୍ଣ ଉପବେଶନ କରିଥାନ୍ତି। କଟକ ଜିଲାର ପ୍ରସିଦ୍ଧ ଶୈବପୀଠ ଭଦ୍ରେଶ୍ୱରଙ୍କ ମନ୍ଦିରରୁ ଏକ ସୁସଜ୍ଜିତ ବିମାନରେ ଶିବଶକ୍ତି ଆସିଥାନ୍ତି ବୋଲି ଅରାଖଣ୍ଡ ଗ୍ରାମର ବଟକୃଷ୍ଣ ସାମଲ କହିଛନ୍ତି ା ତେବେ ଏହି ମହାମିଳନର ଦର୍ଶନ ପାଇଁ ଫାଲ୍ଗୁନ ଶୁକ୍ଳ ଚତୁର୍ଦ୍ଦଶୀ ତିଥିରେ ସେହି ପଡ଼ିଆ ଲୋକାରଣ୍ୟ ହୋଇଯାଏ। ଏଥିସହିତ ଏହି ମେଳନର ଅନ୍ୟ ଏକ ପରମ୍ପରା ହେଉଛି ଆଳି ରାଜାଙ୍କ ଡେରାବିଶ ବ୍ଳକ ଅଧୀନ ରାଜନଗରରୁ ଆସୁଥିବା ପଞ୍ଚମୁଖି ବିମାନରେ ରାଧାକୃଷ୍ଣ ଓ ଡେରାବିଶରୁ ଆସୁଥିବା ବିମାନରେ ମା’ଲକ୍ଷ୍ମୀ ମେଳନ।
ଗବେଷକ ପୃଷ୍ଟିଙ୍କ ମତ ଅନୁଯାୟୀ ପରବର୍ତ୍ତୀ ଅବସ୍ଥାରେ ଆଳି ରାଜାଙ୍କ ଇଲାକାରେ ମେଳନ ପଡ଼ିଆ ଓ ଭକ୍ତ ବିଦୂରଙ୍କ ମନ୍ଦିର ଅବସ୍ଥିତି ଥିବାରୁ ମେଳନର ଅଧିପତି ଭାବେ ମା’ ଲକ୍ଷ୍ମୀ ଓ ଶ୍ରୀ ରାଧାକୃଷ୍ଣଙ୍କ ବିମାନଦ୍ୱୟ ଉପବେଶନ ପାଇଁ ମାଟିରେ ଏକ କନକ ବେଦୀ ପୂର୍ବରୁ ନିର୍ମିତ ହୋଇଥାଏ ା ସ୍ବତନ୍ତ୍ର ଝୁଲଣରେ ଆଳି ରାଜା ଓ ରାଣୀଙ୍କ ଏହି ମେଳନ ଦର୍ଶନ ଏକ ପରମ୍ପରା ଥିଲା ବୋଲି ପୃଷ୍ଟି କହିଛନ୍ତି ା ଆସନ୍ତା ମାର୍ଚ୍ଚ ୬ ରେ ମେଳନ ଥିବାରୁ ଉଭୟ କେନ୍ଦ୍ରାପଡ଼ା ଓ କଟକ ଜିଲା ମେଳନ କମିଟି ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି।