ନୂଆଦିଲ୍ଲୀ,୧୭।୧୨ : ବିଲକିସ ବାନୋଙ୍କ ଦୁଇଟି ଆବେଦନ ମଧ୍ୟରୁ ଗୋଟିଏକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି। ଏହି ଆବେଦନରେ ବିଲକିସ ବାନୋ ୨୦୦୨ ଗୁଜରାଟ ସାମ୍ପ୍ରଦାୟିକ ହିଂସା ସମୟରେ ତାଙ୍କୁ ଗଣ ବଳାତ୍କାର କରିଥିବା ଏବଂ ତାଙ୍କ ପରିବାରର ଅନେକ ସଦସ୍ୟଙ୍କୁ ହତ୍ୟା କରିଥିବା ୧୧ ଦୋଷୀଙ୍କୁ ନିର୍ଦ୍ଦୋଷରେ ଖଲାସ କରିବା ପାଇଁ ସୁପ୍ରିମକୋର୍ଟଙ୍କ ମେ ୨୦୨୨ ଆଦେଶର ସମୀକ୍ଷା କରିବାକୁ ଚାହିଁଥିଲେ। ଏହି ଆଦେଶରେ ଗୁଜରାଟ ସରକାରଙ୍କୁ ଦୋଷୀମାନଙ୍କ ମୁକ୍ତି ଆବେଦନ ଉପରେ ବିଚାର କରିବାକୁ କୁହାଯାଇଥିଲା। ତେବେ ଦୋଷୀଙ୍କ ନିର୍ଦ୍ଦୋଷର ଆଧାରକୁ ଚ୍ୟାଲେଞ୍ଜ କରୁଥିବା ବିଲକିସଙ୍କ ଦ୍ୱିତୀୟ ଆବେଦନ ଏହି ନିଷ୍ପତ୍ତି ଦ୍ୱାରା ପ୍ରଭାବିତ ହେବ ନାହିଁ।
ଅଗଷ୍ଟ ୧୫ରେ, ଆଜୀବନ କାରାଦଣ୍ଡ ଭୋଗୁଥିବା ବିଲକିସର ୧୧ ଜଣ ଦୋଷୀଙ୍କୁ ଜେଲରୁ ମୁକ୍ତ କରାଯାଇଥିଲା। ଉତ୍ତମ ଆଚରଣ ଯୋଗୁ ସେମାନଙ୍କୁ ସମୟ ପୂର୍ବରୁ ଖଲାସ କରାଯିବା ଲାଗି ନିଷ୍ପତ୍ତି ଗ୍ରହଣ କରାଯାଇଥିଲା।
ଗୁଜରାଟ ସରକାରଙ୍କ ୧୯୯୨ ନୀତି ଅନୁଯାୟୀ ଏହାକୁ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟରୁ ଅନୁମୋଦନ କରିଥିଲେ। ଯଦିଓ ସର୍ବଶେଷ ନୀତିରେ କୁହାଯାଇଥିଲା ଯେ ଗଣବଳାତ୍କାର ଏବଂ ହତ୍ୟା ଦୋଷୀଙ୍କୁ ଶୀଘ୍ର ମୁକ୍ତ କରାଯାଇପାରିବ ନାହିଁ। ସୁପ୍ରିମକୋର୍ଟ ଏହି ଯୁକ୍ତିରେ ସହମତ ହୋଇଥିଲେ ଯେ ୧୯୯୨ ନୀତିରେ ସେପରି ବାଧ୍ୟତାମୂଳକ ନୁହେଁ। ସେଥିପାଇଁ ସେମାନଙ୍କୁ ମୁକ୍ତ କରାଯାଇପାରିବ।
୨୦୦୮ ରେ, ଏହି ମାମଲାରେ ୧୧ ଜଣ ଦୋଷୀ ସାବ୍ୟସ୍ତ ହୋଇଥିଲେ। ପ୍ରାୟ ୧୫ ବର୍ଷ ଜେଲରେ ରହିବା ପରେ, ଦୋଷୀ ମଧ୍ୟରୁ ଜଣେ ଆଜୀବନ କାରାଦଣ୍ଡ ନୀତି ଅନୁଯାୟୀ ସମୟ ପୂର୍ବରୁ ମୁକ୍ତି ପାଇଁ କୋର୍ଟରେ ଆବେଦନ କରାଯାଇଥିଲା। ଏହି ବିବାଦ ସୁପ୍ରିମକୋର୍ଟରେ ପହଞ୍ଚିଥିଲା। ଚଳିତ ବର୍ଷ ମେ ମାସରେ ସୁପ୍ରିମକୋର୍ଟ ଗୁଜରାଟ ସରକାରଙ୍କୁ କହିଥିଲେ ଯେ ଏହି ଅପରାଧୀଙ୍କ ଆବେଦନକୁ ବିଚାର କରାଯିବା ଉଚିତ। ଏହା ପରେ, ତିନି ମାସ ତଳେ ସମସ୍ତ ଦୋଷୀଙ୍କୁ ମୁକ୍ତ କରାଯାଇଥିଲା।
