କଟକ,୩୧ା୮: ଓଡ଼ିଶା କ୍ରିକେଟ୍ ଆସୋସିଏସନ୍ (OCA) ସେପ୍ଟେମ୍ବର ୨୦୨୫ରେ ଆରମ୍ଭ ହେବାକୁ ଥିବା ଓଡ଼ିଶା ପ୍ରୋ ଟି-୨୦ ଲିଗ୍ (OPTL) ପାଇଁ ପୂର୍ବତନ ଅଷ୍ଟ୍ରେଲିଆ ଦ୍ରୁତ ବୋଲର ବ୍ରେଟ ଲି ଓ ଦେବାଶିଷ ମହାନ୍ତିଙ୍କୁ ବ୍ରାଣ୍ଡ ଆମ୍ବାସାଡର ଘୋଷଣା କରିଛି। ଏହି ଫ୍ରାଞ୍ଚାଇଜି ଭିତ୍ତିକ ଟୁର୍ନାମେଣ୍ଟ ୧୫ରୁ ୨୪ ସେପ୍ଟେମ୍ବର ମଧ୍ୟରେ ଦିବାରାତ୍ର ମ୍ୟାଚ୍ ଆକାରରେ ଖେଳାଯିବ।
୬ଟି ଫ୍ରାଞ୍ଚାଇଜି ଟିମ୍ରେ କେବଳ ଓଡ଼ିଆ ଖେଳାଳି ସାମିଲ ହେବେ। ଫ୍ରାଞ୍ଚାଇଜି ପାଇଁ ୭ରୁ ୧୩ ସେପ୍ଟେମ୍ବର ଯାଏଁ OCA ୱେବସାଇଟ୍ରେ ଆବେଦନ କରାଯାଇପାରିବ। ଅରିଭା ସ୍ପୋର୍ଟ୍ସ ପରିଚାଳନା ଦାୟିତ୍ୱ ନେବ। OPTL ଉଦୀୟମାନ ପ୍ରତିଭାଙ୍କୁ ପ୍ରୋତ୍ସାହିତ କରିବା ପାଇଁ ଏକ ପ୍ଲାଟଫର୍ମ ହେବ। OCA ସଚିବ ସଞ୍ଜୟ ବେହେରା କହିଛନ୍ତି, “ଏହି ଲିଗ୍ ଓଡ଼ିଶାରେ କ୍ରିକେଟ୍ରେ ପରିବର୍ତ୍ତନଶୀଳ ପଦକ୍ଷେପ। ଏହା ଭାରତୀୟ ଘରୋଇ କ୍ରିକେଟ୍ରେ ପ୍ରମୁଖ ଶକ୍ତି ହେବ।”
