ଭବାନୀପାଟଣା,୭ା୯(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଭବାନୀପାଟଣାସ୍ଥିତ ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ଏମ୍ସିଏଚ୍ କୋଠାର ସଭାଗୃହରେ ରବିବାର ଓଡ଼ିଶା ନର୍ସିଂ କର୍ମଚାରୀ ସଂଘ କଳାହାଣ୍ଡି ଜିଲା ଶାଖାର ଚଳିତ ୨୦୨୫-୨୭ବର୍ଷ ପାଇଁ ନିର୍ବାଚନ ଅନୁଷ୍ଠିତ ହୋଇଯାଇଛି। ଏଥିରେ ସଭାପତି ପଦ ପାଇଁ ସନ୍ଧ୍ୟାରାଣୀ ରଥ, ଉପସଭାପତି ପାଇଁ ତ୍ରିବିକ୍ରମ ପଧାନ, ସମ୍ପାଦକ ପାଇଁ ବସନ୍ତ କୁମାର, ସହ ସମ୍ପାଦକ (ସଂଗଠନ) ପାଇଁ ଅଜିତ କୁମାର ସାହୁ, ସହ ସମ୍ପାଦକ (ଅର୍ଥ) ପାଇଁ ଅନନ୍ତ ସାହୁ, ସହ ସମ୍ପାଦକ (ସମନ୍ବୟ) ପାଇଁ ହିମାଂଶୁ ଶେଖର ପାଢୀ, ସହ ସମ୍ପାଦକ (ସାଂସ୍କୃତିକ) ପାଇଁ ରୋଶନ ସାହୁ, କୋଷାଧ୍ୟକ୍ଷ ପାଇଁ ଖିରସିନ୍ଧୁ ରାଣା, ଅଡିଟର ପଦ ପାଇଁ ମମତା ଶତପଥୀ ନାମାଙ୍କନ ପତ୍ର ଦାଖଲ କରିଥିଲେ। ହେଲେ ସେମାନଙ୍କ ବିରୋଧରେ ଅନ୍ୟ କେହି କୌଣସି ପଦବୀ ପାଇଁ ନାମାଙ୍କନପତ୍ର କରି ନ ଥିବାରୁ ସମସ୍ତେ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିଲେ। ନିର୍ବାଚନ ଅଧିକାରୀ ଭାବରେ ରବିମଣି ସିଂହ ଓ ସୁଭାସିନୀ ଧୁରୁଆ, ପ୍ରିଜାଇଡିଂ ଅଫିସର ଭାବେ କନକଲତା ସେଠୀ ଓ ମେନକା ସ୍ବାଇଁ, ପୁଲିଂ ଅଫିସର ଭାବେ ବେବିଆନା ସାଙ୍ଗା ଓ ସଲିଳା ବିହାରୀଙ୍କ ସମେତ ମୋନୋନିତ ଥିବା ୩୦ ଜଣ ସ୍ବେଚ୍ଛାସେବୀ ମିଶି ସୂଚାରୁରୂପେ ନିର୍ବାଚନ ପରିଚାଳନା କରିଥିଲେ। ଫଳାଫଳ ଘୋଷଣା ହେବା ପରେ ଜିଲାର ସମସ୍ତ ବ୍ଲକରୁ ଆସିଥିବା ସଦସ୍ୟମାନଙ୍କୁ ଧନ୍ୟବାଦ ଜଣାଇଥିଲେ ନିର୍ବାଚିତପ୍ରତିନିଧି। ଛୁଟି ଦିନରେ ସମୟ ବାହାର କରି ସଂଘର କର୍ମକର୍ତ୍ତାମାନଙ୍କ ସହଯୋଗରେ ବିଭିନ୍ନ ଉନ୍ନତିମୂଳକ କାର୍ଯ୍ୟ କରାଯିବା ସହ ସମସ୍ତେ ଏଥିରେ ସହଯୋଗର ହାତ ବଢ଼ାଇବା ପାଇଁ ସଭାରେ ଆଲୋଚନା କରାଯାଇଥିଲା।
