ହାଟଡିହୀ,୩୧l୧୦(ଶୁଭକାନ୍ତ ନାୟକ): କେନ୍ଦୁଝର ଜିଲା ଆନନ୍ଦପୁର ବିଧାନସଭା କ୍ଷେତ୍ର ଅଧୀନ ହାଟଡିହୀ ବ୍ଲକ ବେତିରା ଗ୍ରାମର ହରମୋହନ ଶାସିନୀଙ୍କୁ ଏମ୍ପି ପ୍ରତିନିଧି ଭାବେ ନିଯୁକ୍ତି ମିଳିଛି । କେନ୍ଦୁଝର ଏମ୍ପି ଅନନ୍ତ ନାୟକ ଏନେଇ ପତ୍ର ମାଧ୍ୟମରେ ବିଭିନ୍ନ ବିଭାଗକୁ ଅବଗତ କରାଇଛନ୍ତି। ହରମୋହନଙ୍କୁ ନନ୍ଦିପଦା ଥାନା ଏବଂ ଆନନ୍ଦପୁର ଏଆର୍ସିଏସ୍ର ଏମ୍ପି ପ୍ରତିନିଧି ଭାବେ ନିଯୁକ୍ତି ମିଳିଛି । ହରମୋହନ ଭାଜପାର ଜଣେ ସକ୍ରିୟ ଏବଂ ଦକ୍ଷ କର୍ମୀ ତଥା ନେତା ଭାବେ ଜଣାଶୁଣା ଅଟନ୍ତି । ବିଭିନ୍ନ ଜିଲା ସହ ଝାଡ଼ଖଣ୍ଡ ଏବଂ ପଶ୍ଚିମବଙ୍ଗରେ ସେ ଦଳୀୟ ଦାୟିତ୍ୱ ମଧ୍ୟ ତୁଲାଇଛନ୍ତି । ହରମୋହନ ୨୦୦୩-୦୬ ପର୍ଯ୍ୟନ୍ତ ଭାଜପା ଯୁବ ମୋର୍ଚ୍ଚା ବ୍ଲକ ସଭାପତି,୨୦୦୭-୧୧ ପର୍ଯ୍ୟନ୍ତ ମରୈଗାଁ ସମବାୟ ସମିତି ସଭାପତି,୨୦୧୧-୧୪ ପର୍ଯ୍ୟନ୍ତ ବ୍ଲକ ଭାଜପା ସାଧାରଣ ସମ୍ପାଦକ,୨୦୧୪-୧୭ ପର୍ଯ୍ୟନ୍ତ ଭାଜପା ଜିଲା କାର୍ଯ୍ୟ ନିର୍ବାହୀ କମିଟି ମେମ୍ବର,୨୦୧୭-୧୯ ପର୍ଯ୍ୟନ୍ତ ମାହାଙ୍ଗା ବିଧାନସଭା କ୍ଷେତ୍ରର ପୂର୍ଣ୍ଣକାଳୀନ ବିସ୍ତାରକ,୨୦୨୦-୨୨ ପର୍ଯ୍ୟନ୍ତ କୃଷକ ମୋର୍ଚ୍ଚା ଜିଲା ସାଧାରଣ ସମ୍ପାଦକ,୨୦୨୨-୨୪ ପର୍ଯ୍ୟନ୍ତ ହାଟଡିହୀ ଭାଜପା ମଣ୍ଡଳ ସଭାପତି ଭାବେ ସୂଚାରୁ ରୂପେ କାର୍ଯ୍ୟ ନିର୍ବାହ କରି ଦଳୀୟ ସ୍ଥିତିକୁ ମଜଭୁତ କରିବାରେ ସକ୍ଷମ ହୋଇପାରିଛନ୍ତି ।
