ଭୁବନେଶ୍ୱର,୨୧।୧୧: ଶିଳ୍ପ ମନ୍ତ୍ରୀ ସମ୍ପଦ ସ୍ୱାଇଁ ମୁଖ୍ୟ ସଚିବ ମନୋଜ ଅହୁଜାଙ୍କ ସହ ଗୁରୁବାର ସିଙ୍ଗାପୁର ଗସ୍ତ ସାରି ଓଡ଼ିଶା ଫେରିଛନ୍ତି। ଏହି ସମୟରେ ଖବରଦାତାଙ୍କ ସହ କଥାବାର୍ତ୍ତା କରି ମନ୍ତ୍ରୀ ସ୍ୱାଇଁ ଯେ, ଆସନ୍ତା ପାଞ୍ଚ ବର୍ଷ ମଧ୍ୟରେ ୫ ଲକ୍ଷ କୋଟି ଟଙ୍କାର ପୁଞ୍ଜି ବିନିଯୋଗ କରିବାକୁ ଓଡ଼ିଶା ଲକ୍ଷ୍ୟ ରଖିଛି, ଯାହା ରାଜ୍ୟର ଅଭିବୃଦ୍ଧି ପଥରେ ଏକ ରଣନୀତିକ ପରିବର୍ତ୍ତନକୁ ସୂଚାଉଛି।
ସ୍ୱାଇଁ କହିଛନ୍ତି ପୂର୍ବ ପ୍ରଶାସନ ତୁଳନାରେ ବର୍ତ୍ତମାନର ସରକାର ଚୁକ୍ତିକୁ ଆଗକୁ ବଢ଼ାଇ ଏହି ପୁଞ୍ଜି ବିନିଯୋଗ ପଦକ୍ଷେପଗୁଡ଼ିକୁ ଓଡିଶାବାସୀଙ୍କ ପାଇଁ ପ୍ରକୃତ ଚାକିରି ସୁଯୋଗରେ ପରିଣତ କରିବାକୁ ପ୍ରତିଶ୍ରୁତିବଦ୍ଧ। ମୁଖ୍ୟମନ୍ତ୍ରୀ ମୋହନ ମାଝୀଙ୍କ ନେତୃତ୍ୱରେ ବରିଷ୍ଠ ଅଧିକାରୀଙ୍କ ସମେତ ଏକ ପ୍ରତିନିଧୀ ଦଳ ସିଙ୍ଗାପୁର ଯାଇଥିଲେ ଏବଂ ଏହି ଗସ୍ତ ଅତ୍ୟନ୍ତ ଫଳପ୍ରଦ କୁହାଯାଉଛି। ଏହି ଗସ୍ତରେ ମୁଖ୍ୟମନ୍ତ୍ରୀ ସିଙ୍ଗାପୁର ସରକାର, ଅଗ୍ରଣୀ ଶିଳ୍ପପତି, ଶିଳ୍ପ ମୁଖ୍ୟ ଏବଂ କମ୍ପାନୀଗୁଡିକ ସହିତ ଆମର ଫଳପ୍ରଦ ଆଲୋଚନା ହୋଇଥିଲା। ଆଗାମୀ ପାଞ୍ଚ ବର୍ଷ ମଧ୍ୟରେ ୫ ଲକ୍ଷ କୋଟି ଟଙ୍କା ବିନିଯୋଗ କରିବାକୁ ଆମ ସରକାର ଲକ୍ଷ୍ୟ ରଖିଛନ୍ତି ବୋଲି ଶିଳ୍ପ ମନ୍ତ୍ରୀ ସୂଚନା ଦେଇଛନ୍ତି।
ସେ ଆହୁରି ମଧ୍ୟ କହିଛନ୍ତି, “ଆମେ ଅନେକ ସ୍ଥାନ ପରିଦର୍ଶନ କରିଛୁ ଏବଂ ସିଙ୍ଗାପୁରରେ ମଧ୍ୟ ଆଧୁନିକ ପ୍ରଯୁକ୍ତିବିଦ୍ୟା ତଥା ସୁବିଧା ପ୍ରୟୋଗ କରିବାକୁ ମୁଖ୍ୟମନ୍ତ୍ରୀ ଆମକୁ ନିର୍ଦ୍ଦେଶ ଦେଇଛନ୍ତି। ଗ୍ରୀନ୍ ହାଇଡ୍ରୋଜେନ୍, ଗ୍ରୀନ୍ ଆମୋନିୟା, ନବୀକରଣ ଯୋଗ୍ୟ ଶକ୍ତି, ଟେକ୍ସଟାଇଲ୍, ଜାହାଜ ନିର୍ମାଣ କିମ୍ବା କଣ୍ଟେନର ଉତ୍ପାଦନ ହେଉ, ସମସ୍ତ ଶିଳ୍ପ ମୁଖ୍ୟଙ୍କ ସହ ଆମର ଗୋଟିଏ ପରେ ଗୋଟିଏ ଆଲୋଚନା ହୋଇଥିଲା ଏବଂ ସେମାନେ ଆମକୁ ଓଡିଶାରେ ବିନିଯୋଗ କରିବାକୁ ନିଶ୍ଚିତ କରିଛନ୍ତି।”
“ନିବେଶକମାନେ ଓଡ଼ିଶାରେ ଗ୍ୟାସ କାରଖାନା ସ୍ଥାପନ ଏବଂ ଗ୍ୟାସ ପାଇପଲାଇନ କାର୍ଯ୍ୟ କରିବେ ବୋଲି ପ୍ରତିଶୃତି ଦେଇଛନ୍ତି। ଆମର ଲକ୍ଷ୍ୟ ଉତ୍କର୍ଷ ଓଡ଼ିଶା: ମେକ୍ ଇନ୍ ଓଡିଶା ୨୦୨୫ ହେଉଛି ରାଜ୍ୟକୁ ଯଥାସମ୍ଭବ ନିବେଶକଙ୍କୁ ଆକର୍ଷିତ କରିବା। ମୁଖ୍ୟମନ୍ତ୍ରୀଙ୍କ ଭିଜନ ହେଉଛି କମ୍ପାନୀଗୁଡିକୁ ବୃଦ୍ଧି କରିବା ଯାହା ରାଜ୍ୟରେ ଯୁବକମାନଙ୍କ ପାଇଁ ଅଧିକ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ମନ୍ତ୍ରୀ କହିଛନ୍ତି।
ଓଡିଶାର ଆକର୍ଷଣୀୟ ପୁଞ୍ଜି ବିନିଯୋଗ ପରିବେଶକୁ ଆହୁରି ପ୍ରଦର୍ଶନ କରିବାକୁ ଏକ ପ୍ରୟାସରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୬ ଦିନିଆ ସିଙ୍ଗାପୁର ଗସ୍ତରେ ଏକ ଉଚ୍ଚ ସ୍ତରୀୟ ପ୍ରତିନିଧୀଙ୍କ ନେତୃତ୍ୱ ନେଇଥିଲେ। ସମ୍ଭାବ୍ୟ ନିବେଶକ ଏବଂ ଶିଳ୍ପପତିଙ୍କ ସହ ସିଧାସଳଖ ଜଡିତ ହେବା ପାଇଁ ଏହି ପଦକ୍ଷେପ ରାଜ୍ୟର ସକ୍ରିୟ ରଣନୀତିର ଏକ ଅଂଶ।
