ଭୁବନେଶ୍ୱର,୧୩।୨: ୧୦ଟି ରାଜ୍ୟରେ ଖାଲି ହେବାକୁ ଯାଉଛି ୩୭ଟି ରାଜ୍ୟସଭା ଆସନ। ଏଥିପାଇଁ ନିର୍ବାଚନ କମିଶନ (ECI) ପ୍ରକ୍ରିୟା ଆରମ୍ଭ କରିଛନ୍ତି। ଏଥିରେ ଓଡ଼ିଶାର ୪ଟି ଆସନ ରହିଛି, ଯାହାକୁ ନେଇ ରାଜ୍ୟ ରାଜନୀତି ଏବେ ସରଗରମ ହୋଇଛି। ଭାଜପା ରାଜ୍ୟ ପ୍ରଭାରୀ ବିଜୟ ପାଲ ସିଂ ତୋମାର ଓଡ଼ିଶାରୁ ୩ଟି ସିଟ୍ ଦଖଲ କରିବେ ବୋଲି ଦମ୍ଭୋକ୍ତି ପ୍ରକାଶ କରିଛନ୍ତି।
ଏପ୍ରିଲ ୨, ୨୦୨୬ରେ ଓଡ଼ିଶାର ଭାଜପା ଏମପି ସୁଜିତ କୁମାର ଓ ମମତା ମହନ୍ତ ଏବଂ ବିଜେଡିର ମୁଜିବୁଲ୍ଲା ଖାଁ (ମୁନା ଖାଁ) ଓ ନିରଞ୍ଜନ ବିଶିଙ୍କ କାର୍ଯ୍ୟକାଳ ଶେଷ ହେଉଛି।
ବର୍ତ୍ତମାନର ବିଧାନସଭା ସଂଖ୍ୟା ଦୃଷ୍ଟିରୁ ଭାଜପା ଦୁଇଟି ଓ ବିଜେଡି ଖାତାକୁ ଗୋଟିଏ ଲେଖାଏଁ ସିଟ୍ ସହଜରେ ଯିବ। କିନ୍ତୁ ଚତୁର୍ଥ ଆସନ ପାଇଁ ଗଣିତ ବେଶ୍ ଜଟିଳ। ଏହି ଆସନ ପାଇଁ କଂଗ୍ରେସର ଭୂମିକା ଗୁରୁତ୍ୱପୂର୍ଣ୍ଣ ହୋଇପାରେ। ଭାଜପା ଓ କଂଗ୍ରେସ ମଧ୍ୟରେ ସମନ୍ୱୟର ସମ୍ଭାବନା କମ୍ ଥିବାରୁ, ବିଜେଡି ଓ କଂଗ୍ରେସର ମିଳିତ ରଣନୀତି କିମ୍ବା ଭାଜପା -ବିଜେଡି ମଧ୍ୟରେ କୌଣସି ବୁଝାମଣା ଉପରେ ସମସ୍ତଙ୍କ ନଜର ରହିଛି।
