ଭୁବନେଶ୍ୱର,୨।୧୧: ବଲିଉଡ୍ରେ ଓଡିଆ ପୁଅଙ୍କ କମାଲ। ଭୁଲଭୁଲେୟା-ଥ୍ରୀରେ ଯାଦୁ ଦେଖାଇଛନ୍ତି ଓଡିଆ ପୁଆ। ଆସିଷ୍ଟାଣ୍ଟ ଡିରେକ୍ଟର ବା ସହ ନିର୍ଦ୍ଦେଶକ ଭାବେ କାମ କରି ସୋନପୁର ଜିଲାର ରାଜ କିଶୋର ହୋତା ଚର୍ଚ୍ଚାକୁ ଆସିଛନ୍ତି। ରାଜ କିଶୋର ଅନେକ ଦିନ ଧରି ବଲିଉଡ ଇଣ୍ଡଷ୍ଟ୍ରିରେ କାମ କରି ଆସୁଛନ୍ତି । ସେ ପୂର୍ବରୁ ଅନେକ ସିନେମାରେ ନିଜ ଟ୍ୟାଲେଣ୍ଟ ଦେଖାଇଛନ୍ତି ।
ଆସିଷ୍ଟାଣ୍ଟ ଡିରେକ୍ଟର ଭାବେ ସେ କାମ କରିଥିବା ଫିଲ୍ମଗୁଡ଼ିକ ହେଲା ଆଇ ଆମ କଲାମ, କୌନ କିତନେ ପାନି ମେ, ଡ୍ରିମ ଗାର୍ଲ-୨ । କେବଳ ସେତିକି ନୁହେଁ ଓଡ଼ିଶାର କାହାଣୀ ଦ ମାଉଣ୍ଟନ ହକି ସିନେମାର ପ୍ରଯୋଜନା ଦାୟିତ୍ୱ ମଧ୍ୟ ତୁଲାଇଛନ୍ତି ରାଜ । ସେ ଏବେ ନିଜ ଫିଲ୍ମ ଭୁଲଭୂଲେୟା-ଥ୍ରୀକୁ ନେଇ ଏବେ ବେଶ ଉତ୍ସାହିତ ଅଛନ୍ତି । ଫ୍ରାଇଡେ ରିଲିଜରେ ମୁକ୍ତିଲାଭ କରିଚି ତାଙ୍କ ସିନେମା ଭୁଲଭୂଲେୟା-ଥ୍ରୀ ।
