ଦୁବାଇ,୫।୩: ଭାରତ ଚାମ୍ପିଅନ୍ସ ଟ୍ରଫି ୨୦୨୫ର ଫାଇନାଲରେ ପ୍ରବେଶ କରିସାରିଛି। ଏବେ ଦ୍ୱିତୀୟ ସେମିଫାଇନାଲ ମାର୍ଚ୍ଚ ୫ରେ ଦକ୍ଷିଣ ଆଫ୍ରିକା ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ହେବାକୁ ଯାଉଛି। ଦୁବାଇରେ ଭାରତ-ଅଷ୍ଟ୍ରେଲିଆ ମ୍ୟାଚ ସମୟରେ ଖରାପ ପାଗର କୌଣସି ସମସ୍ୟା ନଥିଲା। କିନ୍ତୁ ପାକିସ୍ତାନରେ ଖେଳାଯାଇଥିବା ଚାରୋଟି ମ୍ୟାଚରେ ବର୍ଷା ବାଧା ସୃଷ୍ଟି କରିଥିଲା। ଏପରି ପରିସ୍ଥିତିରେ, ଯଦି ସେମିଫାଇନାଲ ମ୍ୟାଚ ସମୟରେ ବର୍ଷା ହୁଏ, ତେବେ କ’ଣ ମ୍ୟାଚ ବାତିଲ ହୋଇଯିବ? ବର୍ଷା ହେଲେ ସେମିଫାଇନାଲ ମ୍ୟାଚ ପାଇଁ କୌଣସି ରିଜର୍ଭ ଡେ ରଖାଯାଇଛି କି ନାହିଁ ତାହା ଏଠାରେ ଜାଣନ୍ତୁ।
ଯଦି ବର୍ଷା ହୁଏ ତେବେ ସେମିଫାଇନାଲ ବାତିଲ ହୋଇଯିବ କି?
ଚାମ୍ପିଅନ୍ସ ଟ୍ରଫି 2025 ଟୁର୍ଣ୍ଣାମେଣ୍ଟ ଆରମ୍ଭ ହେବା ପୂର୍ବରୁ ହିଁ ରିଜର୍ଭ ଡେ ସ୍ଥିର କରାଯାଇଥିଲା। ଭାରତ-ଅଷ୍ଟ୍ରେଲିଆ ମ୍ୟାଚ ୪ ମାର୍ଚ୍ଚରେ ଖେଳାଯାଇଥିଲା। ମ୍ୟାଚରେ କୌଣସି ବାଧା ଉପୁଜିବା ଆଶଙ୍କାରେ, ପ୍ରଥମ ସେମିଫାଇନାଲ ପାଇଁ ମାର୍ଚ୍ଚ ୫ ତାରିଖକୁ ରିଜର୍ଭ ଡେ ଭାବରେ ରଖାଯାଇଥିଲା। ନ୍ୟୁଜିଲାଣ୍ଡ ବନାମ ଦକ୍ଷିଣ ଆଫ୍ରିକା ମ୍ୟାଚ ମାର୍ଚ୍ଚ ୫ରେ ଖେଳାଯାଉଛି। ଯଦି ଏହି ମ୍ୟାଚ ସମୟରେ ବର୍ଷା ହୁଏ, ତେବେ ମାର୍ଚ୍ଚ 6 ତାରିଖକୁ ଏଥିପାଇଁ ରିଜର୍ଭ ଡେ ଭାବରେ ରଖାଯାଇଛି। ନକଆଉଟ ମ୍ୟାଚଗୁଡ଼ିକରେ ଫଳାଫଳ ଆଣିବା ପାଇଁ ମ୍ୟାଚ୍ର ର୍ନିଦ୍ଧାରିତ ସମୟ ବୃଦ୍ଧି କରିବାର ବ୍ୟବସ୍ଥା ମଧ୍ୟ ରହିଛି।
ଫାଇନାଲ ମ୍ୟାଚ ପାଇଁ ମଧ୍ୟ କୌଣସି ରିଜର୍ଭ ଡେ ଅଛି କି?
ଚାମ୍ପିଅନ୍ସ ଟ୍ରଫି 2025ର ଫାଇନାଲ ମ୍ୟାଚ 9 ମାର୍ଚ୍ଚରେ ଦୁବାଇରେ ଖେଳାଯିବ। ଭାରତୀୟ ଦଳ ଫାଇନାଲରେ ପହଞ୍ଚିବା ପରଠାରୁ, ହାଇବ୍ରିଡ ମଡେଲ ଅନୁଯାୟୀ, ଫାଇନାଲର ସ୍ଥାନକୁ ଲାହୋରରୁ ଦୁବାଇକୁ ପରିବର୍ତ୍ତନ କରାଯାଇଛି। ଯଦି କୌଣସି ପରିସ୍ଥିତିରେ ଫାଇନାଲ ମ୍ୟାଚରେ ଫଳାଫଳ ୯ ମାର୍ଚ୍ଚରେ ର୍ନିଣ୍ଣୟ ହୁଏ ନାହିଁ, ତେବେ ଟାଇଟଲ ମ୍ୟାଚ ରିଜର୍ଭ ଡେ ଅର୍ଥାତ୍ ୧୦ ମାର୍ଚ୍ଚରେ ଖେଳାଯିବ।
ଆପଣଙ୍କୁ କହି ରଖୁଛୁ ଯେ ୨୦୦୨ ଚାମ୍ପିଅନ୍ସ ଟ୍ରଫିର ଫାଇନାଲରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଥିଲା। ସେତେବେଳେ, ବର୍ଷା ଯୋଗୁଁ ଶେଷ ଦିନ ଏବଂ ରିଜର୍ଭ ଦିବସରେ ମଧ୍ୟ ମ୍ୟାଚ ସମାପ୍ତ ହୋଇପାରି ନ ଥିଲା। ଏପରି ପରିସ୍ଥିତିରେ, ଭାରତ ଏବଂ ଶ୍ରୀଲଙ୍କାକୁ ମିଳିତ ବିଜେତା ଘୋଷିତ କରାଯାଇଥିଲା।
