ଇଣ୍ଡୋନେସିଆର ନୂଆ ରାଜଧାନୀ ନୁସନ୍ତରା…

ଜାକର୍ତା, ୧୯।୧ : ଇଣ୍ଡୋନେସିଆର ସଂସଦ ଦେଶର ନୂତନ ରାଜଧାନୀ ପାଇଁ ଏକ ଆଇନ ଅନୁମୋଦନ କରିଛି। ବର୍ତ୍ତମାନର ରାଜଧାନୀ ଜାକର୍ତ୍ତା ବୁଡ଼ିଯିବାର ଆଶଙ୍କା ବୃଦ୍ଧି ପାଇଛି। ଏହା ସମ୍ପୂର୍ଣ୍ଣ ପ୍ରଦୂଷିତ ହୋଇସାରିଛି । ଏଠାରେ ବାରମ୍ବାର ବନ୍ୟା ପରିସ୍ଥିତି ସୃଷ୍ଟି ହେବା ସହିତ ସହର ପ୍ରାୟତଃ ଜଳମଗ୍ନ ହୋଇଯାଉଛି। ଏହାଯୋଗୁ ସରକାରଙ୍କ କାର୍ଯ୍ୟକାରିତା ଉପରେ ମଧ୍ୟ ପ୍ରଭାବ ପଡୁଛି। ସଂସଦରେ ଜାତୀୟ ରାଜଧାନୀ ବିଲ ମଙ୍ଗଳବାର ପାରିତ ହୋଇଛି। ନୂଆ ଯୋଜନା ଅନୁସାରେ ବର୍ତ୍ତମାନ ନୂତନ ରାଜଧାନୀ ନୁସନ୍ତରା ହେବ। ଏହା ବୋର୍ନେଓ ଦ୍ୱୀପର ଏକ ଅଂଶ ପୂର୍ବ କାଲିମାଣ୍ଟନରେ ସ୍ଥାପିତ ହେବ।

ନୂଆ ରାଜଧାନୀ ନିର୍ମାଣ ପାଇଁ ପ୍ରାୟ ୩୨ ବିଲିୟନ ଡଲାର କିପରି ଖର୍ଚ୍ଚ ହେବ ସେନେଇ ବିଲରେ ଉଲ୍ଲେଖ କରାଯାଇଛି। ନୂତନ ରାଜଧାନୀ ଦେଶର ପରିଚୟ ହେବ ବୋଲି ପ୍ରଧାନମନ୍ତ୍ରୀ ସୁହାର୍ସୋ ମୋନୋର୍ଫା କହିଛନ୍ତି। ଏହା ଅର୍ନ୍ତଜାତୀୟସ୍ତରରେ ଦେଶର ନୂଆ ପରିଚୟ ସୃଷ୍ଟି କରିବାକୁ ସକ୍ଷମ ହେବ। ଏହା ମଧ୍ୟ ଅର୍ଥନୈତିକ ଅଭିବୃଦ୍ଧିର ଏକ କେନ୍ଦ୍ର ହେବ ବୋଲି ସେ କହିଛନ୍ତି। ବର୍ତ୍ତମାନର ରାଜଧାନୀ ଜାକର୍ତ୍ତା ଏକ ଅତି ଜନବହୁଳ ସହରରେ ପରିଣତ ହୋଇଛି। ଏହି କାରଣରୁ, ସେଠାରେ ଥିବା ମୌଳିକ ସୁବିଧା ଉପରେ ଅତ୍ୟଧିକ ଚାପ ପଡ଼ିବାରେ ଲାଗିଛି।

କେନ୍ଦ୍ର ସରକାରଙ୍କ ସମସ୍ତ ମନ୍ତ୍ରଣାଳୟ ଏବଂ ବୈଦେଶିକ ମିଶନ-ଦୂତାବାସଗୁଡ଼ିକୁ ନୂଆ ରାଜଧାନୀକୁ ସ୍ଥାନାନ୍ତର କରାଯିବ। ତେବେ, ନୂଆ ରାଜଧାନୀ କେବେ ପ୍ରସ୍ତୁତ ହେବ ସେନେଇ ଚିତ୍ର ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଏହାର ନିର୍ମାଣ କାର୍ଯ୍ୟ ୨୦୨୪ ମାର୍ଚ୍ଚ ସୁଦ୍ଧା ଆରମ୍ଭ ହେବ।

ଇଣ୍ଡୋନେସିଆର ରାଷ୍ଟ୍ରପତି ଜୋକୋ ୱିଡୋଡୋ ୨୦୧୯ରେ ପ୍ରଥମ ଥର ପାଇଁ ନୂତନ ରାଜଧାନୀ ପ୍ରତିଷ୍ଠା ପାଇଁ ସଂସଦରେ ଏକ ବିଲ ଆଗତ କରିଥିଲେ। ଏହାର ବିଚାର କରିବା ପାଇଁ ଏକ ସ୍ବତନ୍ତ୍ର କମିଟି ଗଠନ କରାଯାଇଥିଲା। ଏହି ପ୍ରସ୍ତାବକୁ ବିଲର ରୂପ ଦିଆଯାଇଥିଲା। ବର୍ତ୍ତମାନ ଏହାକୁ ଅନୁମୋଦନ କରାଯାଇଛି। ନୂତନ ରାଜଧାନୀର ପ୍ରଶାସନ ଦାୟିତ୍ୱ ରାଜ୍ୟ ରାଜଧାନୀ ପ୍ରାଧିକରଣର ମୁଖ୍ୟଙ୍କର ହେବ। ଯଦିଓ ବୋର୍ନେଓ ଏକ ବୃହତ ଦ୍ୱୀପ, ତେବେ ୨୫୬,୧୪୨ ହେକ୍ଟରରେ ନୂଆ ରାଜଧାନୀ ନୁସନ୍ତରା ନିର୍ମାଣ କରାଯିବ।

ମାତ୍ର ନୂଆ ରାଜଧାନୀ ଦ୍ୱାରା ଇକୋସିଷ୍ଟମ୍‌ ଉପରେ ପ୍ରଭାବ ପଡ଼ିବାର ଆଶଙ୍କା ରହିଛି। ଏଠାରେ ଘଞ୍ଚ ଜଙ୍ଗଲ ଏବଂ ଛୋଟ ନଦୀ ଅଛି । ଦ ଗାର୍ଡିଆନ ଅନୁଯାୟୀ, ନୂଆ ରାଜଧାନୀ ନିର୍ମାଣ ଫଳରେ ଏଠାକାର ସବୁଜତା ହ୍ରାସ ପାଇବା। ସେହିପରି ପ୍ରଦୂଷଣ ମଧ୍ୟ ବୃଦ୍ଧି ପାଇବ। ଜଙ୍ଗଲ ପରିସୀମା କମ ହେବା କାରଣରୁ ବନ୍ୟଜନ୍ତୁମାନଙ୍କ ପାଇଁ ବଞ୍ଚିବା କଷ୍ଟକର ହେବାର ଆଶଙ୍କା ରହିଛି। ଏଠାରେ ଭାଲୁ ଏବଂ ଲମ୍ବା ନାକ ମାଙ୍କଡ଼ ଅଧିକ ଦେଖାଯାଇଥାନ୍ତି। ଜଙ୍ଗଲ ପରିସୀମା କମିଲେ ସେମାନେ ମଧ୍ୟ ହିଂସ୍ର ହେବାର ଆଶଙ୍କା ରହିଛି।

 


Enter your email to get our daily news in your inbox.

All Right Reserved By Dharitri.Com

ଘରୋଇ ହସ୍ପିଟାଲରେ ରୁଷିଆର ଏୟାର ଷ୍ଟାଇକ୍‌

କ୍ୱିଭ,୧।୩: ରୁଷିଆ ଓ ୟୁକ୍ରେନ ମଧ୍ୟରେ ଯୁଦ୍ଧର ୬ଷ୍ଠ ଦିନ। ୟୁକ୍ରେନ ଉପରେ ରୁଷିଆ ସୈନ୍ୟମାନେ ଲଗାତର ଭାବେ ଆକ୍ରମଣ ଜାରି ରଖିବା ସହ ବଡ଼...

ସ୍ବଦେଶକୁ ଅଧିକ ଟଙ୍କା ପଠାନ୍ତି ଏନ୍‌ଆର୍‌ଆଇ: ୨୦୧୮ରେ ଆସିଛି ୫ ଶହ ୫୧କୋଟି ହଜାର

ନୂଆଦିଲ୍ଲୀ/ଓ୍ବାଶିଂଟନ,୧୬।୬: ସ୍ବଦେଶକୁ ବିଦେଶରୁ ଟଙ୍କା ପଠାଇବାରେ ଏନଆର୍‌ଆଇମାନେ ପୃଥିବୀରେ ପୁଣି ଏକ ନମ୍ବର ସ୍ଥାନରେ ରହିଛନ୍ତି। ୨୦୧୮ରେ ସେମାନେ ଭାରତକୁ ୫ ଶହ ୫୧ କୋଟି...

କରୋନା ଭୟ: ଚାଇନା ନାଗରିକଙ୍କ ଅନ୍‌ଲାଇନ୍‌ ଭିଜା ଆବେଦନ ଉପରେ ସାମୟିକ କଟକଣା ଜାରି କଲା ଭାରତ

ବେଜିଂ,୨।୨: କରୋନା ଭୁତାଣୁ ଯୋଗୁ ଚାଇନାର ବୁହାନରେ ମୃତକଙ୍କ ସଂଖ୍ୟା ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି ସୁରକ୍ଷା ଲାଗି ଭାରତ ଚାଇନା ନାଗରିକଙ୍କ ଅନ୍‌ଲାଇନ୍‌...

ପୁଟିନ୍‌ଙ୍କ ମାଷ୍ଟର ପ୍ଲାନ୍‌: ୨୦୩୬ ପର୍ଯ୍ୟନ୍ତ ରାଷ୍ଟ୍ରପତି ପଦରେ ରହିବା ପାଇଁ ଯୋଜନା

ମସ୍କୋ,୨୨।୬: ରୁଷ୍‌ ରାଷ୍ଟ୍ରପତି ବ୍ଲାଡ଼ିମୀର ପୁଟିନ୍‌ ୨୦୩୬ ପର୍ଯ୍ୟନ୍ତ ରାଷ୍ଟ୍ରପତି ପଦରେ ରହିବା ପାଇଁ ମାଷ୍ଟର ପ୍ଲାନ୍‌ କରିଛନ୍ତି। ତାଙ୍କର କାର୍ଯ୍ୟକାଳ ବୃଦ୍ଧି ଲାଗି ସମ୍ବିଧାନ...

କରୋନା ସଂକ୍ରମଣ ନେଇ ପ୍ରଚାର ହୋଇଛି ମିଥ୍ୟା ଖବର: ବିଶ୍ୱ ସ୍ବାସ୍ଥ୍ୟ ସଂଗଠନ

ଜେନେଭା,୬।୪: ଭାରତରେ କରୋନା ସଂକ୍ରମଣ ଜାରି ରହିଛି। ତେବେ ଏହାକୁ ନେଇ ମିଥ୍ୟା ଖବର ସୋସିଆଲ୍‌ ମିଡ଼ିଆରେ ପ୍ରଚାର ହୋଇଥିବା ବିଶ୍ୱସ୍ବାସ୍ଥ୍ୟ ସଂଗଠନ ପକ୍ଷରୁ ସ୍ପଷ୍ଟୀକରଣ...

ରାଷ୍ଟ୍ରପତିଙ୍କୁ ୧୦ ଦିନ ଧରି ହାକୁଟି, ହସ୍ପିଟାଲରେ ଭର୍ତ୍ତି…

ରିଓ ଡି ଜେନେରିଓ,୧୫।୭: ବ୍ରାଜିଲ୍‌ର ରାଷ୍ଟ୍ରପତି ଜେୟର ବୋଲସୋନାରୋଙ୍କୁ ଗତ ୧୦ ଦିନ ଧରି ହାକୁଟି ଆସୁଛି। ହାକୁଟି ବନ୍ଦ ନ ହେବାରୁ ତାଙ୍କୁ ଚିକିତ୍ସା...

ପାଶ୍ଚାତ୍ୟ ରାଷ୍ଟ୍ର ମିଥ୍ୟା ସାମ୍ରାଜ୍ୟ

ମସ୍କୋ,୧।୩: ରୁଷିଆ ୟୁକ୍ରେନ୍‌ ଉପରେ ଆକ୍ରମଣ କରିବା ପରେ ଆମେରିକା, ବ୍ରିଟେନ ସମେତ ପାଶ୍ଚାତ୍ୟ ରାଷ୍ଟ୍ରଗୁଡ଼ିକ ଏହା ଉପରେ ପ୍ରତିବନ୍ଧକ ବଢ଼ାଇବାରେ ଲାଗିଛନ୍ତି। ରୁଷିଆର କେତେକ...

ତାଲିବାନ୍‌ ପାଇଁ ଆର୍ଥିକ ଚ୍ୟାଲେଞ୍ଜ

କାବୁଲ,୨୨।୮: ତାଲିବାନ୍‌ର କାବୁଲ ଦଖଲ ପରେ ପ୍ରଥମ ଥର ପାଇଁ ରାଜଧାନୀରେ ପାଦ ଥାପିଛନ୍ତି ଆତଙ୍କବାଦୀ ସଙ୍ଗଠନର ସହପ୍ରତିଷ୍ଠାତା ତଥା ଉପନେତା ମୁଲ୍ଲା ଅବ୍‌ଦୁଲ ଗନି...

Advertisement
Archives

Model This Week