ଉତ୍କଳରେ ନ୍ୟୁକ୍ଲିୟର୍‌ ମେଡିସିନ୍‌ ଅପଡେଟ୍‌ ସମ୍ମିଳନୀ
8:16 amApril 27, 2024April 27, 2024 / 02

ଭୁବନେଶ୍ୱର,୨୭।୪(ଅନୁରାଧା ମହାରଣା): ଭୁବନେଶ୍ବର ନୀଳାଦ୍ରିବିହାରସ୍ଥିତ ସୁପର ମଲ୍ଟିସ୍ପେଶାଲିଟି ଉତ୍କଳ ହସ୍ପିଟାଲର ପରିସରରେ ‘ଉତ୍କଳ ନ୍ୟୁକ୍ଲିୟର୍‌ ମେଡିସିନ୍‌ ଅପଡେଟ୍‌-୨୦୨୪’ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କର୍ମଶାଳାରେ ପ୍ରାରମ୍ଭିକ ଉଦବୋଧନ ଦେଇ ଉତ୍କଳ ହସ୍ପିଟାଲର ଡିନ୍‌ ଡାଇରେକ୍ଟର ପ୍ରଫେସର ଡା. ପିକେ ଦାସ କହିଥିଲେ, ଉତ୍କଳ ହସ୍ପିଟାଲ ରାଜ୍ୟ ତଥା ପଡ଼ୋଶୀ ରାଜ୍ୟରେ ନ୍ୟୁକ୍ଲିୟର୍‌ ମେଡିସିନ୍‌ କ୍ଷେତ୍ରରେ ଏକ ଅଗ୍ରଣୀ ଭୂମିକା ଗ୍ରହଣ କରିଛି l ହସ୍ପିଟାଲର ନ୍ୟୁକ୍ଳିୟର୍‌ ମେଡିସିନ୍‌ ବିଭାଗର ମୁଖ୍ୟ ଡା. ସରୋଜ କୁମାର ସାହୁ କହିଥିଲେ ଯେ, ମେଡିକାଲ କ୍ଷେତ୍ରରେ ବିଭିନ୍ନ ରୋଗୀଙ୍କ ପାଇଁ ନ୍ୟୁକ୍ଲିୟର୍‌ ମେଡିସିନର ଉପାଦେୟତା କେବଳ ରୋଗ ଚିହ୍ନଟରେ ସୀମିତ ନୁହେଁ, ଚିକିତ୍ସା କ୍ଷେତ୍ରରେ ମଧ୍ୟ ବିଶେଷ ସହାୟକ ହୋଇଥାଏ l ଏହି କ୍ଷେତ୍ରରେ ଉତ୍କଳ ହସ୍ପିଟାଲରେ ଉପଲବ୍ଧ ସେବା ଓ ସୁବିଧା ସମ୍ପର୍କରେ ଯୋଗଦେଇଥିବl ଡାକ୍ତରମାନଙ୍କ ସହିତ ଆଲୋଚନା କରାଯାଇଥିଲା। ଶେଷରେ ହସ୍ପିଟାଲର ମେଡିକାଲ ସର୍ଭିସେସ୍‌ ଡାଇରେକ୍ଟର ଡା. ରଞ୍ଜନ କୁମାର ମହାପାତ୍ର କହିଥିଲେ, ଏପରି କର୍ମଶାଳl ଏଠାରେ ପ୍ରତିବର୍ଷ କରାଯିବାକୁ କର୍ତ୍ତୃପକ୍ଷଙ୍କ ଯୋଜନା ରହିଛି l
ଏହି କର୍ମଶାଳାରେ ଉତ୍କଳ ହସ୍ପିଟାଲର ନ୍ୟୁକ୍ଲିୟର୍‌ ମେଡିସିନ୍‌ ଆରଏସଓ ଲତିକା ଦେବୀ ମଞ୍ଚ ପରିଚାଳନା କରିଥିଲେ l