ଲକ୍ଷ୍ନୌ,୧୯।୧୦: କଂଗ୍ରେସ ପକ୍ଷରୁ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସରକାରଙ୍କୁ ଟାର୍ଗେଟ କରାଯାଇଛି। ଏହି ମର୍ମରେ କଂଗ୍ରେସ ରାଷ୍ଟ୍ରୀୟ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଟୁଇଟ୍ କରି କହିଛନ୍ତି ଭାଜପା ସରକାର ଚାଷୀଙ୍କ ବିରୋଧରେ ଏନ୍ଏସ୍ଏ ଲଗାଇବାକୁ ପ୍ରସ୍ତୁତ। ମାତ୍ର ଖାଦ୍ୟ ଶସ୍ୟର ବିକ୍ରି କ୍ଷେତ୍ରରେ ସର୍ବନିମ୍ନ ସହାୟକ ମୂଲ୍ୟ(ଏମ୍ଏସ୍ପି) ଦେବାକୁ ଅମଙ୍ଗ ଥିବା କହି କଟାକ୍ଷ କରିଛନ୍ତି।
ଫଳରେ ରାଜ୍ୟର ବହୁ ଜିଲାରେ ଚାଷୀ କ୍ୱିଣ୍ଟାଲ ପିଛା ୯୦୦ରୁ ୧୦୦୦ ଟଙ୍କା କ୍ଷତି ସହି ବାଧ୍ୟ ହୋଇ ଧାନ ବିକ୍ରି କରୁଛନ୍ତି। ଏହା ସମ୍ପୂର୍ଣ୍ଣ ଅନ୍ୟାୟ। ଏହା ବିରୋଧରେ କଂଗ୍ରେସ ଲଢ଼େଇ ଜାରି ରଖିବ ବୋଲି ପ୍ରିୟଙ୍କା କହିଛନ୍ତି।
ରାଜ୍ୟରେ ଧାନର ସରକାରୀ ସହାୟକ ମୂଲ୍ୟ କ୍ୱିଣ୍ଟାଲ ପିଛା ୧୯୪୦ ଟଙ୍କା ରହିଛି। ତେବେ ଏହା ଦ୍ୱାରା ଚାଷୀ ଉପକୃତ ହୋଇ ପାରୁ ନାହାନ୍ତି ବୋଲି ସେ ଅଭିଯୋଗ କରିଛନ୍ତି।
ଚାଷୀଙ୍କଠାରୁ ଧାନ କିଣିବା ସମୟରେ ବେପାରୀ ୧୦୦୦ରୁ ୧୨୦୦ ଟଙ୍କା ଦେଉଛନ୍ତି। ତେବେ ନଗଦ କାରବାରରେ ଏଭଳି ହେଉଛି। ତେବେ ୨ ମାସ ପରେ ଟଙ୍କା ନେବାକୁ ଚାହୁଁଥିବା ଚାଷୀଙ୍କୁ ବେପାରୀ ୧୨୦୦ରୁ ୧୪୦୦ ଟଙ୍କା ଦେଉଛନ୍ତି।
ସରକାରଙ୍କ ଜାଣତରେ ଧାନର ଏଭଳି ୩ ପ୍ରକାର ସର୍ବନିମ୍ନ ସହାୟକ ମୂଲ୍ୟ ରହିଛି। ତେବେ କୌଣସି ପଦକ୍ଷେପ ଗ୍ରହଣ କରାଯା ନ ଥିବା ପ୍ରିୟଙ୍କା ଅଭିଯୋଗ କରିଛନ୍ତି।
