ନ୍ୟୁୟର୍କ,୧୧।୯: ୟୁଏସ ଓପନ ୨୦୨୩ ବ୍ୟାଡମିଣ୍ଟନ ଚାମ୍ପିଅନଶିପର ଫାଇନାଲରେ ଡୋନାଏଲ ମେଡଭେଡେଭଙ୍କୁ ପରାସ୍ତ କରି ନୋଭାକ ଜୋକୋଭିକ ଟାଇଟଲ ଜିତିଛନ୍ତି। ଏହା ଜୋକୋଭିକଙ୍କ ୨୪ତମ ପୁରୁଷ ଏକକ ଗ୍ରାଣ୍ଡ ସ୍ଲାମ ଟାଇଟଲ ଥିଲା। ଜୋକୋଭିକ ଫାଇନାଲରେ ଡାନିଏଲ ମେଡଭେଡେଭଙ୍କୁ ୬-୩, ୭-୬, ୬-୩ରେ ପରାସ୍ତ କରିଛନ୍ତି। ଏହା ଜୋକୋଭିକଙ୍କ ଚତୁର୍ଥ ୟୁଏସ୍ ଓପନ ଟାଇଟଲ ଥିଲା। ଜୋକୋଭିକ ମ୍ୟାଚ୍ରେ ସମ୍ପୂର୍ଣ୍ଣ ଅଗ୍ରଣୀ ବଜାୟ ରଖିଥିଲେ। ସେ ରୁଷୀୟ ଖେଳାଳି ଡାନିଏଲ ମେଡଭେଡେଭଙ୍କୁ ଥରେ ମଧ୍ୟ ଆଗକୁ ଯିବାର ସୁଯୋଗ ଦେଇ ନ ଥିଲେ।
ଜୋକୋଭିକ ୨୦୨୧ରେ ମେଡଭେଡେଭଙ୍କ ବିପକ୍ଷରେ ପରାଜୟର ସମ୍ମୁଖୀନ ହୋଇଥିଲେ। ଦୁଇ ବର୍ଷ ପୂର୍ବେ ୟୁଏସ ଓପନ ୨୦୨୧ର ଅନ୍ତିମ ମ୍ୟାଚ ଡାନିଏଲ ମେଡଭେଡେଭ ଏବଂ ନୋଭାକ ଜୋକୋଭିକଙ୍କ ମଧ୍ୟରେ ମଧ୍ୟ ଖେଳାଯାଇଥିଲା, ଯେଉଁଥିରେ ଜୋକୋଭିକ ରୁଷିଆର ଡାନିଏଲ ମେଡଭେଡେଭଙ୍କ ଦ୍ୱାରା ପରାସ୍ତ ହୋଇଥିଲେ। କିନ୍ତୁ ଏଥର ୟୁଏସ ଓପନ ୨୦୨୩ରେ ସର୍ବିଆର ନୋଭାକ ଜୋକୋଭିକ ଡାନିଏଲ ମେଡଭେଡେଭଙ୍କୁ ପରାସ୍ତ କରି ଜିତିଥିଲେ।
ନୋଭାକ ଜୋକୋଭିକ ତାଙ୍କର ୩୬ ତମ ଗ୍ରାଣ୍ଡସ୍ଲାମ ଫାଇନାଲ ୟୁଏସ ଓପନ ୨୦୨୩ ମାଧ୍ୟମରେ ଖେଳିଥିଲେ। ଜୋକୋଭିକ ୩୬ଟି ମଧ୍ୟରୁ ୨୪ ଥର ଟାଇଟଲ ଜିତିଛନ୍ତି। ସେ ୧୦ ଥର ଅଷ୍ଟ୍ରେଲୀୟ ଓପନ, ୱିମ୍ବଲଡନ ସାତଥର, ଫ୍ରେଞ୍ଚ ଓପନ ୩ ଥର ଏବଂ ୟୁଏସ ଓପନ ୪ ଥର ଜିତିଛନ୍ତି। ଏଥର ଜୋକୋଭିକ ୟୁଏସ ଓପନର ଚତୁର୍ଥ ଟାଇଟଲ ଜିତିଲେ। ଏହାପୂର୍ବରୁ ସର୍ବିଆ ଟେନିସ ତାରକା ୨୦୧୧, ୨୦୧୫ ଏବଂ ୨୦୧୮ରେ ୟୁଏସ ଓପନ ଟାଇଟଲ ଜିତିଛନ୍ତି।
