ଜଗନ୍ନାଥପ୍ରସାଦ,୧୯ା୭(ବିଭୁ ପ୍ରସାଦ ପଟ୍ଟନାୟକ): ଗଞ୍ଜାମ ଜିଲା ଜଗନ୍ନାଥପ୍ରସାଦ ଅଞ୍ଚଳକୁ ନେଇ ନବଗଠିତ ବିଜ୍ଞାପିତ ଅଞ୍ଚଳ ପରିଷଦ(NAC)ର ଓ୍ବାର୍ଡ ସୀମା ନିର୍ଦ୍ଧାରଣ ଓ ଆସନ ସଂରକ୍ଷଣ ନେଇ ଅଧିସୂଚନା ଜାରି ହୋଇଛି l
ଗଞ୍ଜାମ ଜିଲାପାଳ ତଥା ଜିଲା ମାଜିଷ୍ଟ୍ରେଟ ଭି. କୀର୍ତ୍ତିଭାସନଙ୍କ କାର୍ଯ୍ୟାଳୟ ପକ୍ଷରୁ ବିଜ୍ଞପ୍ତି ଜାରି ହୋଇଥିବା ଅଧିସୂଚନା ଅନୁସାରେ, ଜଗନ୍ନାଥପ୍ରସାଦ ବିଜ୍ଞାପିତ ଅଞ୍ଚଳ ପରିଷଦରେ ମୋଟ ୧୨ଟି ଓ୍ବାର୍ଡ ରହିବ। ୧ ନମ୍ବର ଓ୍ବାର୍ଡରେ ବାଣିଖୋଲା, ତାଳପଙ୍କା, ଚିକିଲି ତଳସାହି, ଯାହାର ପଶ୍ଚିମରେ ରହିଛି ହରିପୁର ଓ ଦକ୍ଷିଣରେ ନଡ଼ା, ଚିକିଲି ଗ୍ରାମଟି ୨ନମ୍ବର ୱାର୍ଡ। ଜନସଂଖ୍ୟା ଦୃଷ୍ଟିରୁ ଚୋପରା ଗ୍ରାମଟିକୁ ଦୁଇ ଭାଗରେ ବିଭକ୍ତ କରାଯାଇ ୩ ନମ୍ବର ୱାର୍ଡ ଚୋପରା ଦକ୍ଷିଣ ଓ ୪ ନମ୍ବର ଓ୍ବାର୍ଡ ଚୋପରା ଉତ୍ତର ରହିଛି। ୫ ନମ୍ବର ଓ୍ବାର୍ଡଟି ହେଉଛି କଇଥସାହି, ଯାହା ପୂର୍ବରେ ପାନ୍ତିଆମାନାଳ, ପଶ୍ଚିମରେ ଚୋପରା ଓ ଦକ୍ଷିଣରେ ଭୁକ୍ତାଭୂମି ପର୍ଯ୍ୟନ୍ତ ବିସ୍ତାରିତ,୬ ନମ୍ବର ଓ୍ବାର୍ଡ ଇନ୍ଦ୍ରଗଡ଼, ଥାନାସାହି, ହାଟପଦା, ବଜାର ସାହି, ନୂଆସାହି, ୭ ନମ୍ବର ଓ୍ବାର୍ଡରେ ରହିଛି ଜଳି ସାହି, ଗଡ଼ ସାହି, ବଡ଼ଦାଣ୍ଡ ସାହି ଏବଂ କୁମ୍ଭାର ସାହି। ୮ ନମ୍ବର ଓ୍ବାର୍ଡରେ ଲଙ୍କାଗଡ଼, ତନ୍ତିକୋଲୋଣି, କରଣ ସାହି ଏବଂ ପାଇକ ସାହି। ଓ୍ବାର୍ଡ ନମ୍ବର ୯ରେ ଆଜ୍ଞାପ୍ରସାଦର କିଛି ଅଂଶ ଥିବା ବେଳେ ଓ୍ବାର୍ଡ ନମ୍ବର ୧୦ରେ ଆଜ୍ଞାପ୍ରସାଦର କିଛି ଅଂଶ ଓ ଜଗନ୍ନାଥପୁର ଶାସନ ଯୋଡ଼ି ହୋଇଛି। ନୂତନ ଭାବରେ ଯୋଡ଼ି ହୋଇଥିବା ଚାରିକୋଣିଆ ଗ୍ରାମଟି ହେଉଛି ୧୧ ନମ୍ବର ଓ୍ବାର୍ଡ ଓ ୧୨ ନମ୍ବର ୱାର୍ଡରେ ଡୁଙ୍ଗାପଲ୍ଲି, କ୍ରିୟାଧର, କଟକଟି, ଆକୁଲକୁମ୍ପା, କନ୍ଧଗାଲେରୀ, ବରବରା, ଡିିମିରିପଲ୍ଲୀ, ବଣିଆପଲ୍ଲୀ, କୌରାପଲ୍ଲୀ, ରାମେଶ୍ୱର ପଲ୍ଲୀ, ନାରାୟଣପଲ୍ଲୀକୁ ନେଇ ନବଗଠିତ ଜଗନ୍ନାଥପ୍ରସାଦ ବିଜ୍ଞାପିତ ଅଞ୍ଚଳ ପରିଷଦ।
ଆସନ ସଂଗ୍ରହ କଥା କହିଲେ ଓ୍ବାର୍ଡ-୧ ଓ ୨ ପାଇଁ ସାଧାରଣ ବର୍ଗ, ଓ୍ବାର୍ଡ୍-୩ ଅନୁସୂଚିତ ବର୍ଗ (ମହିଳା), ଓ୍ବାର୍ଡ-୪ ଅନୁସୂଚିତ ଜାତି, ଓ୍ବାର୍ଡ-୫, ୬ଓ ୭ରେ କେବଳ ମହିଳା, ଓ୍ବାର୍ଡ-୮ ଅନୁସୂଚିତ (ମହିଳା), ଓ୍ବାର୍ଡ-୯, ୧୦ ଓ ୧୧ ରେ ସାଧାରଣବର୍ଗ ଏବଂ ଓ୍ବାର୍ଡ-୧୨ ପାଇଁ ଅନୁସୂଚିତ ଜନଜାତି (ମହିଳା)ଙ୍କ ପାଇଁ ସଂରକ୍ଷିତ ଅଛି। ବିଜ୍ଞାପିତ ଅଞ୍ଚଳ ପରିଷଦର ଓ୍ବାର୍ଡ ସୀମା ନିର୍ଦ୍ଧାରଣ ଓ ଆସନ ସଂରକ୍ଷଣ ନିମନ୍ତେ ଚିଠି ନମ୍ବର-୨୭୧ ପ୍ରକାରେ ଚଳିତ ମାସ ୧୩ରିଖରେ ବିଜ୍ଞପ୍ତି ପ୍ରକାଶ ପାଇଥିଲା। ତେବେ ବିଜ୍ଞପ୍ତି ପ୍ରକାଶ ପାଇବାର ୧୦ ଦିନ ଅର୍ଥାତ ଆସନ୍ତା ୨୨ରିଖ ମଧ୍ୟରେ କୌଣସି ବ୍ୟକ୍ତିଙ୍କର ଆପତ୍ତି ଅଭିଯୋଗ କରିପାରିବେ। ନିର୍ଦ୍ଧାରିତ ସମୟ ପରେ ମିଳିଥିବା ଆପତ୍ତି ଗ୍ରହଣ କରାଯିବ ନାହିଁ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି।
