ପ୍ୟୋଙ୍ଗୟାଙ୍ଗ୍,୨୯ା୯: ଆମେରିକାର ଉପରାଷ୍ଟ୍ରପତି କମଳା ହାରିସ୍ ଗୁରୁବାର ଦକ୍ଷିଣ କୋରିଆ ଗସ୍ତ କରିବାର କିଛି ଘଣ୍ଟା ପରେ ଉତ୍ତର କୋରିଆ ଦୁଇଟି ସ୍ବଳ୍ପ ଦୂରଗାମୀ ବାଲାଷ୍ଟିକ୍ କ୍ଷେପଣାସ୍ତ୍ର ପରୀକ୍ଷା କରିଛି। କମଳା ହାରିସ୍ ଏବଂ ଦକ୍ଷିଣ କୋରିଆ ରାଷ୍ଟ୍ରପତି ୟୁ ସୁକ୍-ୟୋଲ ଉତ୍ତର କୋରିଆର ବାଲାଷ୍ଟିକ୍ କ୍ଷେପଣାସ୍ତ୍ର ପରୀକ୍ଷଣକୁ ନିନ୍ଦା କରିଛନ୍ତି।
ହ୍ବାଇଟ୍ ହାଉସ୍ ଏକ ବିବୃତ୍ତିରେ କହିଛି, ଆମେରିକାର ଉପରାଷ୍ଟ୍ରପତି ଏବଂ ଦକ୍ଷିଣ କୋରିଆର ରାଷ୍ଟ୍ରପତି ୟୁ ସୁକ୍ ୟୋଲ ଡିଆରପିର ଉତ୍ତେଜକ ଆଣବିକ କ୍ଷେପଣାସ୍ତ୍ର ପରୀକ୍ଷାକୁ ନିନ୍ଦା କରିଛନ୍ତି।
ଏହାପୂର୍ବରୁ ଉତ୍ତର କୋରିଆ ମଧ୍ୟ କ୍ଷେପଣାସ୍ତ୍ର ପରୀକ୍ଷଣ କରିଛି। ଦକ୍ଷିଣ କୋରିଆ କହିଛି, ଉତ୍ତର କୋରିଆ ଏହାର ପୂର୍ବ ଆଡ଼କୁ ବାଲାଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଛି। ଏହି ଦାବି ଏପରି ଏକ ସମୟରେ କରାଯାଇଥିଲା ଯେତେବେଳେ କମଳା ହାରିସ୍ ଗୁରୁବାର ଦକ୍ଷିଣ କୋରିଆ ଗସ୍ତ କରିବାର କାର୍ଯ୍ୟକ୍ରମ ଥିଲା। ଉତ୍ତର କୋରିଆର କ୍ଷେପଣାସ୍ତ୍ର ପରୀକ୍ଷଣ ଏହି ଅଞ୍ଚଳରେ ଉତ୍ତେଜନା ସୃଷ୍ଟି କରିଛି। ଏହା ପ୍ରଥମ ଘଟଣା ନୁହେଁ ଯେ, ଉତ୍ତର କୋରିଆ ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନ୍ଙ୍କ ନେତୃତ୍ୱରେ କ୍ଷେପଣାସ୍ତ୍ର ନିକ୍ଷେପ କରିଛି। ଗତ ସପ୍ତାହ ପୂର୍ବରୁ ଉତ୍ତର କୋରିଆ ଆଉ ଏକ କ୍ଷେପଣାସ୍ତ୍ର ନିକ୍ଷେପ କରିଥିଲା।
