ବଲାଙ୍ଗୀର,୭ା୨(ସୁନିଲ କୁମାର ମହାନ୍ତି): ସରକାରୀ ବଲାଙ୍ଗୀର କଲେଜରେ ଉତ୍ତେଜନା ପ୍ରକାଶ ପାଇଛି। ଅଣଛାତ୍ରଙ୍କ ମାଡ଼ରେ ଦୁଇ କଲେଜ ଛାତ୍ର ଗୁରୁତର ହୋଇପଡ଼ିଛନ୍ତି। ବଲାଙ୍ଗୀର ସହର ଉପକଣ୍ଠରେ ଥିବା ସରକାରୀ ବଲାଙ୍ଗୀର କଲେଜରେ ଶନିବାର ବାର୍ଷିକ ଉତ୍ସବ ଚାଲିଥିଲା। କୌଣସି କାରଣକୁ ନେଇ ଗଣ୍ଡଗୋଳ ପରେ ସହର ଭିତରର ଅଣଛାତ୍ରମାନେ କଲେଜ ଛାତ୍ରଙ୍କୁ ଆକ୍ରମଣ କରିଥିଲେ। ଯାହା ଫଳରେ ଦୁଇଜଣ କଲେଜ ଛାତ୍ର ଗୁରୁତର ହୋଇଛନ୍ତି। ସେମାନଙ୍କୁ ବଲାଙ୍ଗୀର ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। କଲେଜରେ ଚାଲିଥିବା ବାର୍ଷିକ ଉତ୍ସବକୁ ଅଧାରୁ ବାତିଲ କରାଯାଇଛି। ଏବେବି କଲେଜରେ ଉତ୍ତେଜନା ଜାରି ରହିଛି l ବଲାଙ୍ଗୀର କଲେଜର ଘଟଣାକୁ ନେଉ ପୁଇଁନ୍ତଳା ପୋଲିସ ଆକ୍ରମଣ କରିଥିବା ଦୁଇଜଣଙ୍କୁ ଥାନାକୁ ଆଣି ଅଟକ ରଖି ପଚରାଉଚରା କରୁଥିବା ଜଣାପଡ଼ିଛି। କଲେଜର ବାର୍ଷିକ ଉତ୍ସବ ଘଟଣାକୁ ନେଇ ପୋଲିସ ତଦନ୍ତ କରୁଥିବା ଥାନାଧିକାରୀ ସଞ୍ଜୟ ରାଉତରାୟ କହିଛନ୍ତି।
