ନୂଆଦିଲ୍ଲୀ,୨୦।୩: ମାନ୍ୟବର ଉଚ୍ଚତମ ନ୍ୟାୟାଳୟ ସର୍ବଦା ଭାରତର ନାଗରିକ ମାନଙ୍କ ସହିତ ରହିଛନ୍ତି। ”ଧନ, ସାମାଜିକ ସ୍ଥିତି, ଜାତି, ଧର୍ମ, ଲିଙ୍ଗ କିମ୍ବା ବ୍ୟକ୍ତି କୌଣସି କ୍ଷମତାରେ ଥାଆନ୍ତୁ ନା କାହିଁକି ନ୍ୟାୟାଳୟ ଆଗରେ ସେ ସମାନ। ଦେଶର ସର୍ବୋଚ୍ଚ ନ୍ୟାୟାଳୟ ପାଇଁ କୌଣସି ମାମଲା ଛୋଟ ନୁହେଁ।” ପ୍ରଧାନ ବିଚାରପତି ଡି.ୱାୟୀ ଚନ୍ଦ୍ରଚୂଡ଼ ବୁଧବାର ଏକ ସ୍ୱତନ୍ତ୍ର ସାକ୍ଷାତକାରରେ ଏଭଳି କହିଛନ୍ତି।
ଏହା ସହିତ ସେ ”ଦେଶର ପୁରୁଷ ଓ ମହିଳାମାନେ ନ୍ୟାୟପାଳିକାର ପ୍ରତ୍ୟେକ ସ୍ତରରେ ପ୍ରବେଶ କରିପାରିବେ ବୋଲି ସୁନିଶ୍ଚିତ କରିବା ପାଇଁ ଟେକ୍ନୋଲୋଜିର ବ୍ୟବହାର ଉପରେ ଗୁରୁତ୍ୱ ଦିଆଯାଇଥିବା ଏକ ବିସ୍ତୃତ ଆଲୋଚନାରେ, ମୁଁ ସମସ୍ତଙ୍କୁ ଏହି ବାର୍ତ୍ତା ଦେବାକୁ ଚାହୁଁଛି – ଆମେ ସାଧାରଣ ନାଗରିକଙ୍କ ପାଇଁ ସର୍ବଦା ରହିଛୁ।”
ସେ କହିଛନ୍ତି, “ବେଳେବେଳେ ମୁଁ ମଧ୍ୟରାତ୍ରିରେ ଇ-ମେଲ୍ ପାଇଥାଏ। ଥରେ ଜଣେ ମହିଳା ଥିଲେ ଯିଏ ଗର୍ଭଧାରଣର ଚିକିତ୍ସା ସମାପ୍ତ କରିବାକୁ ଆବଶ୍ୟକ କରୁଥିଲେ … ମୋର କର୍ମଚାରୀମାନେ ମୋତେ ଯୋଗାଯୋଗ କରିଥିଲେ ଏବଂ ପରଦିନ ଆମେ ଏକ ବେଞ୍ଚ ଗଠନ କରିଥିଲୁ।”
ସେହିଭଳି (କାହାର ଘର ଭାଙ୍ଗି ଯାଇଥାଇପାରେ … କାହାକୁ ସେମାନଙ୍କ ଘରୁ ବାହାର କରିଦିଆ ଯାଇଥାଇପାରେ। କାହାକୁ ଆତ୍ମସମର୍ପଣ କରିବାକୁ ପଡିପାରେ କିନ୍ତୁ ସେ ଅସୁସ୍ଥ ଅଛନ୍ତି) … ଏହି ସମସ୍ତ ହୃଦୟ ବିଦାରକ ମାମଲାକୁ କୋର୍ଟ ଗୁରୁତ୍ଵପୂର୍ଣ ଭାବେ ବିଚାର କରୁଛନ୍ତି ବୋଲି ପ୍ରଧାନ ବିଚାରପତି କହିଛନ୍ତି।
“ଏପରି କୌଣସି ମାମଲା ନାହିଁ ଯାହା ବହୁତ ଛୋଟ ଅଟେ … ଆମେ ସମସ୍ତଙ୍କୁ ସମାନ ବ୍ୟବହାର କରୁ ଏବଂ ସାଧାରଣ ଲୋକଙ୍କ ପାଖରେ ଠିଆ ହେବା ଆମର ଲକ୍ଷ୍ୟ। ଆମେ ଜାଣିଛୁ ଯେ କ୍ଷମତାରେ ଥାଉ ନା କାହିଁକି ସାଧାରଣ ଲୋକଙ୍କ ଚିନ୍ତା ରହିଛି ଏବଂ ନ୍ୟାୟପାଳିକା ହେଉଛି ଆଇନ ସଂରକ୍ଷଣରେ ଗୁରୁତ୍ୱପୂର୍ଣ୍ଣ ଉପାଦାନ ବୋଲି ସେ କହିଛନ୍ତି।
