ପାଟନା,୨୮।୧ : ବିହାର ସିଏମ ନୀତୀଶ କୁମାର ରବିବାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ଏହା ସହିତ ବିହାରରେ ଗ୍ରାଣ୍ଡ ଆଲାଇନ୍ସ ସହିତ ତାଙ୍କର ୧୮ ମାସର ମେଣ୍ଟ ଶେଷ କରିଛନ୍ତି। ଗତ ୯ ବର୍ଷରେ ନୀତୀଶ ୪ ଥର ଦଳବଦଳ କରିଛନ୍ତି ।ଚଳିତ ଇସ୍ଥାପାକୁ ମିଶାଇ ସେ ୮ ଥର ମୁଖ୍ୟମନ୍ତ୍ରୀ ପଦ ଛାଡିଛନ୍ତି। ଏବେ ନବମ ଥର ପାଇଁ ପୁଣି ଶପଥ ନେବେ। ଗତ ୨୮ ବର୍ଷ ମଧ୍ୟରେ ସେ ତୃତୀୟ ଥର ପାଇଁ ଭାଜପା ଶିବିର ମୁହାଁ ହୋଇଛନ୍ତି। ଏହା ସହିତ ସେ ଭାଜପା ପଦ୍ମରେ ରଙ୍ଗ ଦେଇଛନ୍ତି।
୩ ମାର୍ଚ୍ଚ ୨୦୦୦ରେ ନୀତୀଶ କୁମାର ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ହୋଇଥିଲେ। ତଥାପି, ସଂଖ୍ୟାଗରିଷ୍ଠତା ସଂଗ୍ରହ କରି ନ ଥିବାରୁ ତାଙ୍କୁ ୧୦ ମାର୍ଚ୍ଚ ୨୦୦୦ ରେ ଏହି ପଦରୁ ଇସ୍ତଫା ଦେବାକୁ ପଡିଲା।
୨୦୦୫ ରେ ବିହାରରେ ଅନୁଷ୍ଠିତ ନିର୍ବାଚନରେ ନୀତୀଶ ଦ୍ୱିତୀୟ ଥର ପାଇଁ ଭାଜପା ସମର୍ଥନରେ ମୁଖ୍ୟମନ୍ତ୍ରୀ ହୋଇଥିଲେ।
୨୦୧୦ରେ ଅନୁଷ୍ଠିତ ବିଧାନସଭା ନିର୍ବାଚନ ପରେ ନୀତୀଶ ପୁଣି ଥରେ ସିଏମ ହୋଇଥିଲେ। ଲୋକସଭା ନିର୍ବାଚନରେ ଭାଜପା ବିରୋଧରେ ଦଳର ପ୍ରଦର୍ଶନ ଭଲ ନ ଥିବାରୁ ସେ ସିଏମ ପଦରୁ ଇସ୍ତଫା ଦେଇଥିଲେ। ଏହି ସମୟ ମଧ୍ୟରେ ସେ ମୁଖ୍ୟମନ୍ତ୍ରୀ ପଦକୁ ଜିତନ ରାମ ମ ାଂଝୀଙ୍କୁ ଦେଇଥିଲେ। ଅବଶ୍ୟ, ଯେତେବେଳେ ୨୦୧୫ ରେ ପାର୍ଟିରେ ଆଭ୍ୟନ୍ତରୀଣ କଳହ ଆରମ୍ଭ ହୋଇଥିଲା, ନୀତୀଶ ମ ାଂଝୀଙ୍କୁ ହଟାଇ ପୁଣି ଥରେ ସିଏମ ପଦ ଗ୍ରହଣ କରିଥିଲେ।
୨୦୧୫ବିଧାନସଭା ନିର୍ବାଚନରେ ଏନଡିଏ ବିରୋଧରେ ଗ୍ରାଣ୍ଡ ଆଲାଇନ୍ସ (ଜେଡିୟୁ, ଆରଜେଡି, କଂଗ୍ରେସ ଏବଂ ବାମପନ୍ଥୀ ଦଳ) ର ବିଜୟ ପରେ ନୀତୀଶ କୁମାର ପୁଣି ଥରେ ବିହାରର ମୁଖ୍ୟମନ୍ତ୍ରୀ ହୋଇଥିଲେ। ଏହା ପଞ୍ଚମ ଥର ଥିଲା ନୀତୀଶ ସିଏମ ଭାବରେ ଶପଥ ଗ୍ରହଣ କରିଥିଲେ।
ଡେପୁଟି ସିଏମ ତେଜସ୍ବୀ ଯାଦବଙ୍କ ବିରୋଧରେ ଦୁର୍ନୀତି ଅଭିଯୋଗ ପରେ ନୀତୀଶ କୁମାର ଗ୍ରାଣ୍ଡ ଆଲାଇନ୍ସରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ। ସେ ଜୁଲାଇ ୨୦୧୭ ରେ ଏହି ପଦରୁ ଇସ୍ତଫା ଦେଇଥିଲେ ଏବଂ ପୁଣି ଥରେ ଏନଡିଏରେ ଯୋଗ ଦେଇ ସିଏମ ପଦ ଗ୍ରହଣ କରିଥିଲେ।
୨୦୨୦ ବିଧାନସଭା ନିର୍ବାଚନରେ ଏନଡିଏ ମିଳିତ ମଞ୍ଚ ଜିତିଛି। ତେବେ ଭାଜପା ତୁଳନାରେ ଜେଡିୟୁ ଆସନ ଯଥେଷ୍ଟ ହ୍ରାସ ପାଇଥିଲା। ଏହା ସତ୍ତ୍ୱେ ନୀତୀଶ କୁମାର ସିଏମ ଭାବେ ଶପଥ ଗ୍ରହଣ କରିଥିଲେ।
୨୦୨୨ରେ ଏନଡିଏରୁ ଅଲଗା ହେବାର ଘୋଷଣା ପରେ ନୀତୀଶ କୁମାର ଆରଜେଡି ନେତୃତ୍ୱାଧୀନ ମହାମେଣ୍ଟରେ ଯୋଗଦେବାକୁ ଘୋଷଣା କରିଥିଲେ। ଏହା ସହ ନୀତୀଶ କୁମାର ଅଷ୍ଟମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ। ଏବେ ୨୮ ଜାନୁଆରୀ ୨୦୨୪ ରେ, ସେ ଅଷ୍ଟମ ଥର ପାଇଁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି।
୧୯୯୬ ରେ ନୀତୀଶ ପ୍ରଥମ ଥର ପାଇଁ ଭାଜପା ସହ ମେଣ୍ଟ କରିଥିଲେ। ୩ ମାର୍ଚ୍ଚ ୨୦୦୦ ରେ ସିଏମ ହୋଇଥିଲେ, କିନ୍ତୁ ସଂଖ୍ୟାଗରିଷ୍ଠତା ସଂଗ୍ରହ କରି ନ ଥିବାରୁ ସେ ଏହି ପଦ ଛାଡି ଅଟଳ ବିହାରୀ ବାଜପେୟୀଙ୍କ ସରକାରଙ୍କ କେନ୍ଦ୍ରରେ ରେଳମନ୍ତ୍ରୀ ହୋଇଥିଲେ।
୧୯୯୬ ରୁ ୨୦୧୩ ପର୍ଯ୍ୟନ୍ତ ନୀତୀଶ ଭାଜପା ସହିତ ଥିଲେ। ଯେତେବେଳେ ନରେନ୍ଦ୍ର ମୋଦିଙ୍କୁ ଭାଜପା ପ୍ରଧାନମନ୍ତ୍ରୀ ପ୍ରାର୍ଥୀ କରାଗଲା, ସେତେବେଳେ ସେ ଏନଡିଏଠାରୁ ଅଲଗା ହୋଇଥିଲେ। ୨୦୧୫ ରେ ଗ୍ରାଣ୍ଡ ଆଲାଇନ୍ସ ସରକାରରେ ସିଏମ ଥିଲେ। ଦ୍ୱିତୀୟ ଥର ପାଇଁ ସେ ୨୦୧୭ରେ ଏନଡିଏକୁ ଫେରି ଭାଜପା ସହାୟତାରେ ସରକାର ଗଠନ କରିଥିଲେ।
ବର୍ତ୍ତମାନ ୨୦୨୪ ରେ ସେ ଭାଜପା ସହାୟତାରେ ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି। ସେ ୨୮ ବର୍ଷ ମଧ୍ୟରେ ତୃତୀୟ ଥର ପାଇଁ ଭାଜପାରେ ଯୋଗ ଦେଇଛନ୍ତି।
