ବେଙ୍ଗାଲୁରୁ,୯ ।୩: ଆମେରିକା ବାୟୁସେନାର ସି-୧୭ ବିମାନ ବୁଧବାର ବେଙ୍ଗାଲୁରୁରେ ପହଞ୍ଚିଛି ଓ ନାସା-ଇସ୍ରୋ ସିନ୍ଥେଟିକ ଏପର୍ଚର ରାଡାର (NISAR) କୁ ଭାରତୀୟ ମହାକାଶ ଏଜେନ୍ସିକୁ ହସ୍ତାନ୍ତର କରିଛି । ଏହାକୁ ଆମେରିକା–ଭାରତ ସମ୍ପର୍କ ମଧ୍ୟରେ ଏକ ଦୃଢ ସେତୁ ବୋଲି କୁହାଯାଉଛି । ଏହାକୁ ନାସା ଓ ଭାରତୀୟ ମହାକାଶ ଗବେଷଣା କେନ୍ଦ୍ର ମିଳିତ ଭାବେ ପ୍ରସ୍ତୁତ କରିଛନ୍ତି ।
ଆମେରିକାର ମହାବାଣିଜ୍ୟିକ ଦୂତାବାସ ଟୁଇଟ କରିଛନ୍ତି, ନିସାର ଉପଗ୍ରହ ବେଙ୍ଗାଲୁରୁ ପହଞ୍ଚିଛି । ଇସ୍ରୋ କାଲିଫର୍ନିଆରେ ନାସାରୁ ପୃଥିବୀକୁ ଅବଲୋକନ କରୁଥିବା ସାଟେଲାଇଟ ପ୍ରାପ୍ତ କରିଛି, ଯାହାକୁ ଆମେରିକା ବାୟୁସେନାର ସି-୧୭ ବିମାନରେ ଭାରତରେ ପହଞ୍ଚାଯାଇଛି । ଏହ ଦୁଇ ଦେଶ ମଧ୍ୟରେ ଅନ୍ତରିକ୍ଷ ବା ମହାକାଶ ସହଯୋଗର ଏକ ସଚ୍ଚା ପ୍ରତିକ ।
ନିସାର ହେଉଛି ଏକ ଉପଗ୍ରହ ଯାହା ପୃଥିବୀ ପୃଷ୍ଠକୁ ସମ୍ପୂର୍ଣ୍ଣ ବିଶ୍ଳେଷର କରି ତଥ୍ୟ ପ୍ରସ୍ତୁତ କରିବ । ଏହା କୃଷି ମ୍ୟାପିଂ ଏବଂ ଭୂସ୍ଖଳନ ପ୍ରବଣ ସ୍ଥାନ ଗୁଡିକ ସହିତ ବିଭିନ୍ନ ଉଦ୍ଦେଶ୍ୟରେ ବ୍ୟବହାର କରାଯିବ । ଏହି ଉପଗ୍ରହ ୨୦୨୪ରେ ଆନ୍ଧ୍ର ପ୍ରଦେଶରେ ସତୀଶ ଧୱନ ମହାକାଶ କେନ୍ଦ୍ରରୁ ଉତକ୍ଷେପଣ କରାଯିବ ବୋଲି ଆଶା କରାଯାଉଛି । ନ୍ୟୁଜ ଏଜେନ୍ସି ଏଏନଆଇର ରିପୋର୍ଟ ଅନୁଯାୟୀ, ଏହି ଉପଗ୍ରହ ଅତିକମରେ ୩ ବର୍ଷ କାମ କରିବ । ନିସାର ୧୨ ଦିନ ମଧ୍ୟରେ ସମଗ୍ର ବିଶ୍ୱର ମାନଚିତ୍ର ପ୍ରସ୍ତୁତ କରିବ ।
https://twitter.com/USAndChennai/status/1633395172041187329?ref_src=twsrc%5Etfw%7Ctwcamp%5Etweetembed%7Ctwterm%5E1633395172041187329%7Ctwgr%5E8bc00f700d18f795ed4282c9e9cd52a0101df9a8%7Ctwcon%5Es1_&ref_url=https%3A%2F%2Fwww.abplive.com%2Fnews%2Findia%2Fnisar-satellite-key-features-will-give-information-on-natural-disasters-isro-will-launch-it-in-2024-2353378
