ଦାରିଙ୍ଗବାଡି,୫ା୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ଥାନାରେ ନୂତନ ଆଇଆଇସି ଭାବେ କନକ କୁମାର ମାଝୀ ରବିବାର ସଂନ୍ଧ୍ୟାରେ କାର୍ଯ୍ୟରେ ଯୋଗ ଦେଇଛନ୍ତି। ସେ ଫୁଲବାଣୀ ଟାଉନ ଥାନାରୁ ବଦଳି ହୋଇ ଦାରିଙ୍ଗବାଡି ଥାନାକୁ ଆସିଛନ୍ତି।
ଦାରିଙ୍ଗବାଡି ଥାନାରେ କାର୍ଯ୍ୟରତ ଆଇଆଇସି ଅଶୋକ କୁମାର ହାଁସଦାଙ୍କ କେ. ନୂଆଗାଁ ଥାନାକୁ ବଦଳି ହୋଇଛି। ସେ ଦାରିଙ୍ଗବାଡି ଥାନାରେ ପହଞ୍ଚିବା ପରେ ସବନ୍ସପେକ୍ଟର ଜୟନ୍ତ ସେଠିଙ୍କ ସମେତ ମହିଳା ସବନ୍ସପେକ୍ଟର ବାସନ୍ତି ବେହେରା, ଲଷ୍ମୀ ମାଝୀ, ଏଏସଆଇ ଅର୍ଜୁନ ଶବର, ଶ୍ରୀନିବାସ ରାଓ ଓ ଅନ୍ୟକର୍ମଚାରି ଉପସ୍ଥିତ ରହିଥିଲେ ନୂତନ ଆଇଆଇସିଙ୍କୁ ଥାନାର ସମସ୍ତ ଅଫିସର ଓ କର୍ମଚାରି ମାନେ ସ୍ୱାଗତ ସମ୍ବର୍ଦ୍ଦନା ଜଣାଇଥିଲେ।
ନୂତନ ଆଇଆଇସି ଅଞ୍ଚଳରେ ଆଇନଶୃଙ୍ଖଳା ପରିସ୍ଥିତିକୁ ଗୁରୁତ୍ୱ ପ୍ରଦାନ ସହ ଟ୍ରାଫିକ ନିୟନ୍ତ୍ରଣ, ଅପରାଧିକ କାର୍ଯ୍ୟକୁ ରୋକିବା ଭଳି କାର୍ଯ୍ୟକୁ ଗୁରୁତ୍ୱ ଦେବା ସହ ସାମାଜିକ ସୁରକ୍ଷା ପ୍ରଦାନ ଦିଗରେ ସେ କାର୍ଯ୍ୟ କରିବେ ବୋଲି କହିଛନ୍ତି ସେ ଅଞ୍ଚଳର ସାଧାରଣ ଲୋକଙ୍କ ସହଯୋଗ ନିତ୍ୟାନ୍ତ ଆବଶ୍ୟକ ବୋଲି କହିଛନ୍ତି।
