ପାଟଣା,୨୧ା୯(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ନିର୍ବାଚନମଣ୍ଡଳୀ ଅଧୀନ ପାଟଣା ଓ ସାହାରପଡ଼ା ବ୍ଲକ ବିଜେଡିର କାର୍ଯ୍ୟକାରୀ କମିଟିକୁ ଗତ ଶନିବାର ଦଳର ବରିଷ୍ଠ ଉପସଭାପତି ଦେବିପ୍ରସାଦ ମିଶ୍ର ଅନୁମୋଦନ କରିଛନ୍ତି । ପାଟଣା ବ୍ଲକ ବିଜେଡି ସଭାପତି ଭାବେ ମାଧବାନନ୍ଦ ପୃଷ୍ଟିଙ୍କୁ ପୁନର୍ବାର ଦାୟିତ୍ୱ ଦିଆଯାଇଛି । ଉପସଭାପତି ଭାବେ ଡମ୍ବରୁଧର ମହାନ୍ତ, ଅଯୋଧ୍ୟା ବେହେରା ଓ ସୁଶୀଲ କୁମାର ସାହୁ ଏବଂ ସାଧାରଣ ସମ୍ପାଦକ ଭାବେ ନବକିଶୋର ପୃଷ୍ଟି, ସୁରେଶ ଚନ୍ଦ୍ର ସାହୁ, ଭୋଳାନାଥ ସେଠୀ, ରାମଚନ୍ଦ୍ର ସାହୁ ଓ ଲୋକନାଥ ନାୟକଙ୍କୁ ଦାୟିତ୍ୱ ମିଳିଛି ।
ସମ୍ପାଦକ ଭାବେ ଶ୍ରୀହରି ନାଏକ, ମଙ୍ଗୁଳୁଚରଣ ନାଏକ, ଚନ୍ଦ୍ରମୋହନ ମହାକୁଡ଼, ହରିହର ରଣା, ସନ୍ତୋଷ କୁମାର କର ଓ ଦୀପକ କୁମାର ଭଞ୍ଜଦେଓ ଏବଂ କୋଷାଧ୍ୟକ୍ଷ ଭାବେ ସଞ୍ଜିତ ଚକ୍ରଙ୍କୁ ନିଯୁକ୍ତ କରାଯାଇଛି ।
ସେହିପରି ସାହାରପଡ଼ା ବ୍ଲକ ବିଜେଡି ସଭାପତି ପଦରେ ଦିଲ୍ଲୀପ କୁମାର ସାହୁ ବଜାୟ ରହିଛନ୍ତି । କାର୍ଯ୍ୟକାରୀ ସଭାପତି ଭାବେ କୃଷ୍ଣଚନ୍ଦ୍ର ମହାପାତ୍ର, ଉପସଭାପତି ଭାବେ ଭରତ ଚନ୍ଦ୍ର ମହାନ୍ତ, ମୋହନ ଚରଣ ନାଏକ ଓ ଭୋଳାନାଥ ମହାନ୍ତଙ୍କୁ ଦାୟିତ୍ୱ ମିଳିଛି । ସାଧାରଣ ସମ୍ପାଦକ ଭାବେ କାମପାଳ ସେଠୀ, ରାଜବଲ୍ଲଭ ଦେହୁରୀ, ସୁରେନ୍ଦ୍ରନାଥ ମାଝୀ, ମନୋରଞ୍ଜନ ଦିଘାର ଓ ଦୁଷ୍ମନ୍ତ ତରାଇ ଏବଂ ସମ୍ପାଦକ ଭାବେ ମନ୍ମଥ ମହାନ୍ତ, ଅକ୍ଷୟ ରାଉତ, ରଙ୍ଗାଧର ମହାନ୍ତ, ଜତିନ୍ଦ୍ର ପାତ୍ର, ରାମଭଜନ ମହାନ୍ତ, ତୁଳସୀ ମହାନ୍ତ ଓ ଈଶ୍ୱର ଚନ୍ଦ୍ର ପଲେଇଙ୍କୁ ଦାୟିତ୍ୱ ଦିଆଯାଇଛି। ଜଗଦୀଶ ସିଂହଙ୍କୁ କୋଷାଧ୍ୟକ୍ଷ ନିଯୁକ୍ତ କରାଯାଇଛି।
ନବନିଯୁକ୍ତ କର୍ମକର୍ତ୍ତାମାନେ ବିଜେଡି ରାଜ୍ୟ ସଭାପତି ନବୀନ ପଟ୍ଟନାୟକ, କେନ୍ଦୁଝର ଜିଲା ସଭାପତି ଆଶିଷ ଚକ୍ରବର୍ତ୍ତୀ ଓ ପାଟଣାର ପୂର୍ବତନ ବିଧାୟକ ଜଗନ୍ନାଥ ନାଏକଙ୍କୁ ଧନ୍ୟବାଦ ଜଣାଇଛନ୍ତି ।
