କୋଲକାତା,୨୩।୧ : ମହାନ ସ୍ବାଧୀନତା ସଂଗ୍ରାମୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ବାର୍ଷିକୀ ସୋମବାର ସାରା ଦେଶରେ ପାଳନ କରାଯାଉଛି। ଏହାକୁ ପରାକ୍ରମ ଦିବସ ଭାବରେ ପାଳନ କରାଯାଉଛି। ଏହି ଅବସରରେ ପଶ୍ଚିମବଙ୍ଗରେ ବଡ଼ ଧରଣର କାର୍ଯ୍ୟକ୍ରମ ଆୟୋଜନ କରାଯାଇଛି। ଏହି କ୍ରମରେ ଆରଏସଏସ ଦ୍ୱାରା ଏକ ବଡ଼ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମ କୋଲକାତାର ସହିଦ ମିନାର ମୈଦାନରେ ସମୁହ ପ୍ରାର୍ଥନା ସହିତ ଆରମ୍ଭ ହୋଇଥିଲା।
ଏହି କାର୍ଯ୍ୟକ୍ରମରେ ଯୋଗ ନେଇ ଆରଏସଏସ ମୁଖ୍ୟ ମୋହନ ଭାଗଓ୍ବତ କହିଛନ୍ତି ଯେ, ମଧ୍ୟ ଆସିଥିଲେ। ନେତାଜୀ ନିଜ ଜୀବନକୁ ଦେଶ ପାଇଁ ଉତ୍ସର୍ଗ କରିଛନ୍ତି। ନେତାଜୀଙ୍କ ଜୀବନ ପ୍ରାୟ ବନବାସରେ ରହିବା ପରି ଥିଲା। ସେ ଜୀବନର ଅଧିକାଂଶ ସମୟ ବନବାସରେ ବିତାଇଥିଲେ। ସେ ଦେଶ ପାଇଁ ନିଜର ସବୁକିଛି ବଳିଦାନ ଦେଇଥିଲେ।
ସମଗ୍ର ବିଶ୍ୱ ଆଜି ଭାରତ ଆଡକୁ ଚାହିଁଛି। ନେତାଜୀଙ୍କ ସ୍ବପ୍ନ ଏପର୍ଯ୍ୟନ୍ତ ପୂରଣ ହୋଇନାହିଁ। ଏହାକୁ ଆମେ ପୂରଣ କରିବା। ଏଥି ପାଇଁ ଏକଜୁଟ ହେବାକୁ ପଡ଼ିବ। ନେତାଜୀ ସୁଭାଷ ଚନ୍ଦ୍ର ବୋଷ ଏବଂ ଆମର ପୂର୍ବପୁରୁଷଙ୍କ ଦ୍ୱାରା ପ୍ରଦର୍ଶିତ ପଥ ଅନୁସରଣ କରି ଆମେ ଏହି ଦୁନିଆରେ ଶାନ୍ତି ଏବଂ ଭାଇଚାରା ସୃଷ୍ଟି କରିପାରିବା।
