କାଠମାଣ୍ଡୁ,୯।୯: ନେପାଳରେ ଚାଲିଥିବା ପ୍ରତିବାଦ ମଧ୍ୟରେ ଏପର୍ଯ୍ୟନ୍ତ ୧୯ ଜଣଙ୍କ ମୃତ୍ୟୁ ଘଟିଥିବାବେଳେ ଶହ ଶହ ଲୋକ ଆହତ ହୋଇଛନ୍ତି। ମଙ୍ଗଳବାର ନେପାଳର ରାଷ୍ଟ୍ରପତି ରାମ ଚନ୍ଦ୍ର ପୌଡେଲଙ୍କ ଘର ଉପରେ ବିକ୍ଷୋଭକାରୀମାନେ ଆକ୍ରମଣ କରିଥିଲେ। ପ୍ରତିବାଦକାରୀମାନେ ଅନେକ ମନ୍ତ୍ରୀଙ୍କ ଘର ଉପରେ ମଧ୍ୟ ଆକ୍ରମଣ କରିଛନ୍ତି। ରିପୋର୍ଟ ଅନୁଯାୟୀ, ପୂର୍ବତନ ପ୍ରଧାନମନ୍ତ୍ରୀ ପୁଷ୍ପ କମଳ ଦହଲ ପ୍ରଚଣ୍ଡଙ୍କ ଘର ମଧ୍ୟ ଟାର୍ଗେଟ କରାଯାଇଛି।
ନେପାଳରେ ସୋସିଆଲ ମିଡିଆ ଉପରେ ପ୍ରତିବନ୍ଧକ ଲଗାଇ ପ୍ରତିବାଦ କରୁଥିବା ଜେନେରାଲ-ଜେଡ ପୋଲିସ ଏବଂ ସେନା ଉପରକୁ ମଧ୍ୟ ପଥର ମାଡ଼ କରିଥିଲେ। ପ୍ରତିବାଦକାରୀମାନେ ସଂସଦ ଭବନରେ ମଧ୍ୟ ପ୍ରବେଶ କରିଥିଲେ। ସେମାନେ ଗେଟରେ ଟାୟାର ରଖି ନିଆଁ ଲଗାଇ ଦେଇଥିଲେ। ଏହାର ଅନେକ ଭିଡିଓ ସାମ୍ନାକୁ ଆସିଛି। ଗୁରୁତ୍ୱପୂର୍ଣ୍ଣ କଥା ହେଉଛି ପ୍ରତିବାଦକାରୀମାନେ ରାଷ୍ଟ୍ରପତି ପୌଡେଲଙ୍କ ଘରକୁ ମଧ୍ୟ ଛାଡି ନଥିଲେ। ତାଙ୍କ ଘରକୁ ନିଆଁ ଲଗାଇ ଦିଆଯାଇଛି।
କାଠମାଣ୍ଡୁର ଗୃହ ମନ୍ତ୍ରଣାଳୟ ଅଧୀନରେ ଥିବା ତିନୋଟି ଜିଲା ପ୍ରଶାସନିକ କାର୍ଯ୍ୟାଳୟ (ଡିଏଓ) ସହରର ପ୍ରମୁଖ ପ୍ରବେଶ ସ୍ଥାନ ସମେତ ଅନେକ ସ୍ଥାନରେ କର୍ଫ୍ୟୁ ଜାରି କରିବା ପାଇଁ ପୃଥକ ବିଜ୍ଞପ୍ତି ଜାରି କରିଛନ୍ତି। କାଠମାଣ୍ଡୁ ଡିଏଓ ମଙ୍ଗଳବାର ଦିନ ରାଜଧାନୀରେ ଅର୍ନିଦ୍ଦିଷ୍ଟ କାଳ ପାଇଁ କର୍ଫ୍ୟୁ ଜାରି କରିଛି। ଲୋକଙ୍କୁ ଯିବା ଆସିବା, ପ୍ରଦର୍ଶନ, ଏକାଠି ହେବା କିମ୍ବା ଧାରଣା ଦେବାରୁ ନିଷେଧ କରିଛି। କର୍ଫ୍ୟୁ ସମୟରେ, ଆମ୍ବୁଲାନ୍ସ, ଅଗ୍ନିଶମ ଯାନ, ଶବବାହନ, ସ୍ବାସ୍ଥ୍ୟ କର୍ମୀ, ପର୍ଯ୍ୟଟକ ଯାନ, ବିମାନ ଯାତ୍ରୀ ଏବଂ ମାନବାଧିକାର ଏବଂ କୂଟନୈତିକ ମିଶନର ଯାନବାହନ ପରି ଅତ୍ୟାବଶ୍ୟକୀୟ ସେବାଗୁଡ଼ିକର ଚଳାଚଳକୁ ଅନୁମତି ଦିଆଯିବ।
VIDEO | Kathmandu, Nepal: Protesters put the ruling Nepali Congress party’s office on fire.#NepalProtests #KathmanduProtest
(Full video available on PTI Videos – https://t.co/n147TvrpG7) pic.twitter.com/eeeISoqOTm
— Press Trust of India (@PTI_News) September 9, 2025
