କାଠମାଣ୍ଡୁ,୧୨।୧୨: GEN-Z ଯୁବକମାନଙ୍କ ନେତୃତ୍ୱରେ ସେପ୍ଟେମ୍ବରରେ ହୋଇଥିବା ଦୁର୍ନୀତି ବିରୋଧୀ ଆନ୍ଦୋଳନରେ ନେପାଳକୁ ବହୁ କ୍ଷତି ସହିବାକୁ ପଡିଲା। ଜେନ-ଜେଡ ଆନ୍ଦୋଳନ ଦ୍ୱାରା ହୋଇଥିବା ହିଂସା, ପୋଡ଼ାଜଳା ଏବଂ ଭଙ୍ଗାରୁଜା ଦେଶର ୪୨ ବିଲିୟନ ଡଲାର ଅର୍ଥନୀତିକୁ ପ୍ରାୟ ୫୮୬ ନିୟୁତ ଡଲାର (ପ୍ରାୟ ୪,୯୦୦ କୋଟି ନେପାଳୀ ଟଙ୍କା) କ୍ଷତି ପହଞ୍ଚାଇଛି।
ଶୁକ୍ରବାର ମଧ୍ୟବର୍ତ୍ତୀକାଳୀନ ସରକାରଙ୍କ ଦ୍ୱାରା ଜାରି କରାଯାଇଥିବା ଏକ ସରକାରୀ ବିବୃତ୍ତି ଅନୁଯାୟୀ, ସେପ୍ଟେମ୍ବରରେ ତିନି ମାସ ପୂର୍ବେ ଆରମ୍ଭ ହୋଇଥିବା ହିଂସାତ୍ମକ ପ୍ରତିବାଦରେ ନେପାଳକୁ ଯଥେଷ୍ଟ କ୍ଷତି ସହିବାକୁ ପଡିଲା। ୭୭ ଜଣ ପ୍ରାଣ ହରାଇଥିଲେ ଏବଂ ୨୦୦୦ ରୁ ଅଧିକ ଲୋକ ଆହତ ହୋଇଥିଲେ। ପ୍ରତିବାଦ ଏତେ ହିଂସାତ୍ମକ ହୋଇଗଲା ଯେ ତତ୍କାଳୀନ ପ୍ରଧାନମନ୍ତ୍ରୀ କେପି ଶର୍ମା ଓଲିଙ୍କୁ ଇସ୍ତଫା ଦେବାକୁ ବାଧ୍ୟ କରାଯାଇଥିଲା।
ଶୁକ୍ରବାର ନେପାଳର ମଧ୍ୟବର୍ତ୍ତୀକାଳୀନ ସରକାରଙ୍କ ଦ୍ୱାରା ଜାରି କରାଯାଇଥିବା ଏକ ବିବୃତ୍ତି ଅନୁଯାୟୀ, ପ୍ରତିବାଦ ସମୟରେ ନେପାଳର ୪୨ ବିଲିୟନ ଡଲାର ଅର୍ଥନୀତିକୁ ୫୮୬ ନିୟୁତ ଡଲାରରୁ ଅଧିକ କ୍ଷତି ସହିବାକୁ ପଡିଲା।
ଜେନ-ଜେଡ ଯୁବକମାନଙ୍କ ନେତୃତ୍ୱରେ ହୋଇଥିବା ଦୁର୍ନୀତି ବିରୋଧୀ ଆନ୍ଦୋଳନ ସମୟରେ ସରକାରୀ ଏବଂ ବେସରକାରୀ ସମ୍ପତ୍ତି କ୍ଷତିଗ୍ରସ୍ତ ହୋଇଥିଲା। ବିରାଟ ସିଂହ ଦରବାର କାର୍ଯ୍ୟାଳୟ ପରିସର, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ସୁପ୍ରିମକୋର୍ଟ, ସଂସଦ ଭବନ, ରାଜନେତାଙ୍କ ବ୍ୟକ୍ତିଗତ ବାସଭବନ ଏବଂ କିଛି ରାଜନେତାଙ୍କ ନିକଟତର ବ୍ୟକ୍ତିଙ୍କ ମାଲିକାନାରେ ଥିବା ବ୍ୟବସାୟିକ ପରିସର ଅଗ୍ନିକାଣ୍ଡରେ ନଷ୍ଟ ହୋଇଯାଇଛି।
ନେପାଳର ମଧ୍ୟବର୍ତ୍ତୀକାଳୀନ ସରକାରଙ୍କ ମୁଖ୍ୟ ସୁଶୀଳା କାର୍କିଙ୍କ କାର୍ଯ୍ୟାଳୟ ଦ୍ୱାରା ଜାରି ଏକ ବିବୃତ୍ତି ଅନୁଯାୟୀ, କ୍ଷୟକ୍ଷତି ଆକଳନ ପାଇଁ ଗଠିତ ଏକ ସରକାରୀ କମିଟି ଆକଳନ କରିଛି ଯେ ପୁନଃନିର୍ମାଣ ଖର୍ଚ୍ଚ ୨୫୨ ନିୟୁତ ଡଲାରରୁ ଅଧିକ ହେବ।
ଅଧିକାରୀମାନେ କହିଛନ୍ତି ଯେ ମଧ୍ୟବର୍ତ୍ତୀକାଳୀନ ସରକାର ପୁନଃନିର୍ମାଣ ପାଇଁ ସମ୍ବଳ ସଂଗ୍ରହ କରିବା ପାଇଁ ଏକ ସରକାରୀ ପାଣ୍ଠି ପ୍ରତିଷ୍ଠା କରିଛି ଏବଂ ଏପର୍ଯ୍ୟନ୍ତ ଜନସାଧାରଣ ଏବଂ ବିଭିନ୍ନ ପ୍ରତିଷ୍ଠାନରୁ ୧ ନିୟୁତ ଡଲାରରୁ କମ ସଂଗ୍ରହ କରିଛି। ତଥାପି, ସରକାର ପୁନଃନିର୍ମାଣ ପାଇଁ ସମ୍ବଳର ଅଭାବକୁ କିପରି ପୂରଣ କରିବାକୁ ଯୋଜନା କରୁଛି ତାହା ପ୍ରକାଶ କରିନାହାଁନ୍ତି।
ନଗର ବିକାଶ ମନ୍ତ୍ରଣାଳୟର ସାଧାରଣ ଭିତ୍ତିଭୂମି ଦାୟିତ୍ୱରେ ଥିବା ବରିଷ୍ଠ ଇଞ୍ଜିନିୟର ଚକ୍ରବର୍ତ୍ତୀ କଣ୍ଠ କହିଛନ୍ତି ଯେ ସିଂହ ଦରବାର, ରାଷ୍ଟ୍ରପତି ଭବନ, ସୁପ୍ରିମକୋର୍ଟ ଏବଂ ପ୍ରମୁଖ ମନ୍ତ୍ରଣାଳୟଗୁଡ଼ିକର ପୁନଃନିର୍ମାଣ ପୂର୍ବରୁ ଆରମ୍ଭ ହୋଇସାରିଛି।
Dharitri – The Largest & Most Trusted Odia Daily
