କେନ୍ଦୁଝର,୧୧।୩(ନରେଶ ଚନ୍ଦ୍ର ପଟ୍ଟନାୟକ) : ମୁଖ୍ୟାଳୟରୁ ଅନଧିକୃତ ଅନୁପସ୍ଥିତି, ପ୍ରଶାସନିକ ଅନୁଶାସନ ଏବଂ ଜଙ୍ଗଲ ଅଗ୍ନିକାଣ୍ଡ ସମେତ ବନ କାର୍ଯ୍ୟର ଭୁଲ ପରିଚାଳନା ଓ ହାତୀ ଫସଲ କ୍ଷୟ କ୍ଷତି ଆକଳନ ରେ ବିଳମ୍ବ ପାଇଁ ତିନି ଜଣ କର୍ମଚାରୀଙ୍କ ବିରୁଦ୍ଧରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ସେମାନେ ହେଲେ ଘଟଗାଁ ରେଞ୍ଜ ଘଟଗାଁ ସେକ୍ସନ ଫରେଷ୍ଟର ବିଶ୍ୱମୋହନ ମିଶ୍ର, ଘଟଗାଁ ରେଞ୍ଜ କାର୍ଯ୍ୟାଳୟର ଫରେଷ୍ଟର ପ୍ରମୋଦ ବେହେରା, ପାଟଣା ସେକ୍ସନ ପାଟଣା ବିଟ୍ ଫରେଷ୍ଟ ଗାର୍ଡ ହୃଦାନନ୍ଦ ମହାନ୍ତିଙ୍କୁ ନିଲମ୍ବିତ କରାଯାଇଛି । କାର୍ଯ୍ୟରେ ଅବହେଳା କାରଣରୁ ଏହି ୩ ଜଣ କର୍ମଚାରୀଙ୍କୁ ନିଲମ୍ବିତ କରାଯାଇଥିବା ଜଣାପଡିଛି ।
ଫରେଷ୍ଟର ପ୍ରମୋଦ ବେହେରା ପ୍ରଶାସନିକ ଅନୁଶାସନ ଏବଂ ଜଙ୍ଗଲ ଅଗ୍ନିକାଣ୍ଡରେ ଅବହେଳା ପାଇଁ
ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ସେହିପରି ଫରେଷ୍ଟର ବିଶ୍ୱରଞ୍ଜନ ମିଶ୍ର, ଘଟଗାଁ
ଅନଧିକୃତ ଅନୁପସ୍ଥିତି ଏବଂ ପାଟ୍ରୋଲିଂ ଏବଂ ଅଗ୍ନି ପରିଚାଳନାରେ ତ୍ରୁଟି ପାଇଁ ନିଲମ୍ବିତ ହୋଇଛନ୍ତି । ସେହିପରି ଫରେଷ୍ଟର ହୃଦାନନ୍ଦ ମହାନ୍ତି ପାଟଣାରେ ହାତୀ ଫସଲ କ୍ଷତି ଆକଳନରେ ଅନେକ ସ୍ମରଣ ଏବଂ ବିଳମ୍ବ ସତ୍ତ୍ୱେ ଡ୍ୟୁଟିରେ ଥିବା ସମୟରେ ଲଗାତାର ମଦ୍ୟପାନ ପାଇଁ ନିଲମ୍ବିତ କରାଯାଇଥିବା ଡି ଏଫ୍ ଓ ଧନରାଜ ଏଚ ଡି ସୂଚନା ଦେଇଛନ୍ତି। ସୂଚନା ଯୋଗ୍ୟ ଯେ ବନ କର୍ମଚାରୀମାନେ ସଠିକ୍ ଭାବେ ଡ୍ୟୁଟି କରୁନଥିବାରୁ ଘଟଗାଁ ଏବଂ ପାଟଣା ରେଞ୍ଜରେ ଏକର ଏକର ଜଙ୍ଗଲ ପୋଡି ପାଉଁଶ ହୋଇଯାଇଛି ।
