ଭୁବନେଶ୍ୱର,୭।୩: ଦୀର୍ଘ ୧୫ ବର୍ଷ ପରେ ଭାଜପା ନେତୃତ୍ୱାଧୀନ ଏନଡିଏକୁ ବିଜେଡି ଫେରୁଥିବା ଚର୍ଚ୍ଚା ହେଉଛି। ୨୦୨୪ ନିର୍ବାଚନରେ ଏକାକୀ ୩୭୦ ଏବଂ ଏନଡିଏ ୪୦୦ ଆସନ ଜିତିବା ଲକ୍ଷରେ ଥିବା ଭାଜପା ଏହାର ପୁରୁଣା ସହଯୋଗୀ ମାନଙ୍କୁ ନିଜ ସହିତ ଏବେ ସାମିଲ କରିବାରେ ଲାଗିଛି। ଏହି ଧାରାରେ ବିଜେଡି ଏବେ ଭଜାପରେ ସାମିଲ ହେଉଥିବା ଜୁହାଯାଉଛି।
ବର୍ତ୍ତମାନ ସୁଦ୍ଧା ଏଚଡି. ଦେବ ଗୌଡାଙ୍କ ଜନତା ଦଳ(ସେକୁଲାର), ଜୟନ୍ତ ଚୌଧୁରୀଙ୍କ ରାଷ୍ଟ୍ରୀୟ ଲୋକ ଦଳ ଏବଂ ନୀତିଶ କୁମାରଙ୍କ ଜନତା ଦଳ(ୟୁନାଇଟେଡ) ଏନଡିଏକୁ ଫେରି ସାରିଛନ୍ତି।
ବର୍ତମାନ ଉତ୍ତର ଭାରତରେ ଭାଜପା ୮୧ ପ୍ରତିଶତ ସିଟ୍ ଏବଂ ପଶ୍ଚିମ ୬୫ ପ୍ରତିଶତ ସିଟ୍ ସହିତ ସର୍ବାଧିକ ଲୋକସଭା ଆସନରେ ବିଜୟୀ ହୋଇଥିଲା ବେଳେ ଦଳ ପୂର୍ବ ୪୭ ପ୍ରତିଶତ ସିଟ୍ ଏବଂ ଦକ୍ଷିଣରେ ୨୩ ପ୍ରତିଶତ ସିଟ୍ ବିସ୍ତାର କରିବାକୁ ଚାହୁଁଛି। ଏଥିପାଇଁ ଆନ୍ଧ୍ରପ୍ରଦେଶରେ ତେଲୁଗୁ ଦେଶମ ପାର୍ଟି ସହ ଭାଜପା ଆଲୋଚନା କରୁଥିବା ଜଣାପଡିଛି। ଏବଂ ଏହାର ରଣନୀତିଜ୍ଞମାନେ ଆଶା କରୁଛନ୍ତି ଯେ ବିଜେଡି ସହିତ ମେଣ୍ଟ କରି ଓଡିଶାରେ ଏହାର ଆସନ ସଂଖ୍ୟା ବଢାଇବ ଏବଂ ନିଜ ସହିତ ଇଉ ଏକ ଡଜନ ଆସନ ଯୋଗ କରିବେ।
ବିଜେଡି ୧୯୯୭ରେ ପ୍ରତିଷ୍ଠା ହୋଇଥିଲା ବେଳେ ୨୦୦୦ରେ ଭାଜପା-ବିଜେଡି ମିଶି ଓଡ଼ିଶାରେ ୧୦୬ ଆସନରେ ବିଜୟ ସହିତ ସରକାର ଗଠନ କରିଥିଲେ। ତେବେ ୨୦୦୪ରେ କେନ୍ଦ୍ରରେ ଏନଡିଏ ହାରିଯିବା ପରେ ଓଡ଼ିଶାରେ ଭାଜପାର ଆସନ ସଂଖ୍ୟା ହ୍ରାସ ପାଇଥିଲା। ଆଉ ୨୦୦୯ରେ ଆସନ ବୁଝାମଣା ହୋଇ ନ ପାରିବାରୁ ଉଭୟ ସହଯୋଗୀ ଅଲଗା ହୋଇ ଯାଇଥିଲେ।
୨୦୦୯ ଲୋକସଭା ନିର୍ବାଚନରେ ଭାଜପା ପୃଥକ ଭାବରେ ପ୍ରତିଦ୍ୱନ୍ଦ୍ୱିତା କରି ଅମାନତ ହରାଇଥିଲା। ସାଧାରଣ ନିର୍ବାଚନ ସହିତ ଏକ ସମୟରେ ଅନୁଷ୍ଠିତ ରାଜ୍ୟ ନିର୍ବାଚନରେ ପଟ୍ଟନାୟକ ବାଜି ମାରି ନେଇଥିଲେ। ବିଧାନସଭାରେ ବିଜେଡି ୧୦୩ ଟି ଆସନ ଜିତିଥିବା ବେଳେ ଭାଜପା ମାତ୍ର ୬ ଟି ଆସନ ଜିତିଥିଲା।
୨୦୧୪ରେ ସମଗ୍ର ଭାରତରେ ମୋଦି ହାୱା ଦେଖିବାକୁ ମିଳିଥିଲା ବେଳେ ଓଡ଼ିଶାରେ ବିଜେଡି ୨୦ ଲୋକସଭା ଆସନରେ ବିଜୟୀ ହୋଇଥିଲା। ଯେତେବେଳେ କି ବିଧାନସଭାରେ ଭାଜପା ମାତ୍ର ୨୦ ଆସନରେ ବିଜୟୀ ହୋଇଥିଲା। ଏଥର ବିଜେଡି ବିଧାନସଭାରେ ରେକର୍ଡ ୧୧୭ ଆସନରେ ବିଜୟୀ ହୋଇଥିଲା।
ସେହିଭଳି ୨୦୧୯ରେ ମଧ୍ୟ ଓଡ଼ିଶାରେ ବିଜେଡି ଆଗରେ ଫେଲ ମାରିଥିଲା ଭାଜପା। ତେବେ ଲୋକସଭାରେ ବିଜେଡିର ଆସନ ସଂଖ୍ୟା ୧୨ ଖସି ଆସିଥିଲା। ବିଧାନସଭରେ ମଧ୍ୟ ଅଳ୍ପ କିଛି ଆସନ ଖସି ୧୧୨ ସିଟରେ ଜିତିଥିଲା।
ବର୍ତମାନ ଦୁଇ ଦଳ ମଧ୍ୟରେ ମେଣ୍ଟ ହେଉଥିବା ଚର୍ଚ୍ଚା ହେଉଥିଲା ବେଳେ ସିଟ୍ ଶେୟାରିଂ ଫର୍ମୁଲା କିଛି ଜଣାପଡି ନାହିଁ। କୁହାଯାଉଛି ଆସନ ବୁଝାମଣା ଚୂଡାନ୍ତ ପର୍ୟ୍ୟାୟରେ ପହଞ୍ଚିଛି।
ଅନ୍ୟପଟେ ରାଜ୍ୟରେ ଏବେ କଂଗ୍ରେସ ଏକ ପ୍ରକାର ସ୍ଥାଣୁ ପାଲଟି ଯାଇଥିଲା ବେଳେ ମେଣ୍ଟ ହେଲେ ଏକମାତ୍ର ବିରୋଧୀ ଦଳ ହୋଇ ରହିବ। ଯାହା ଦଳକୁ ରାଜ୍ୟରେ ଶକ୍ତି ଜୁଟାଇବାକୁ ସୁଯୋଗ ଦେବ। ତେବେ ଏହି ସୁଯୋଗକୁ ଦଳ କିପରି ଉପଯୋଗ କରୁଛି ତାହା ଆଗକୁ ଦେଖିବାକୁ ପଡିବ।
