ଭୁବନେଶ୍ୱର,୯।୨(କ୍ରୀଡ଼ା ପ୍ରତିନିଧି)-
ବେଙ୍ଗାଲୁରୁଠାରେ ସୋମବାରଠାରୁ ୩ୟ ନଗେଶ ଟ୍ରଫି ଜାତୀୟ କ୍ରିକେଟ ଟୁର୍ନାମେଣ୍ଟ ଆରମ୍ଭ ହୋଇଛି। ଓଡ଼ିଶା ଏହାର ପ୍ରଥମ ମ୍ୟାଚରେ ମଧ୍ୟପ୍ରଦେଶକୁ ୧୩୯ ରନରେ ହରାଇ ଅଭିଯାନ ଆରମ୍ଭ କରିଛି। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଓଡ଼ିଶା ନକୁଳ ବଡ଼ନାୟକ(୫୯ ବଲ୍ରୁ ୧୦୧ ରନ)ଙ୍କ ଦ୍ରୁତ ଅପରାଜିତ ଶତକ, ସୁଖରାମ ମାଝିଙ୍କ ୭୨*(୩୯ ବଲ) ଓ ଅଧିନାୟକ ଜାଫର ଇକବାଲଙ୍କ ୩୬(୧୭ ବଲ) ରନ ବଳରେ ୨୦ ଓଭରରେ ୨ ଉଇକେଟ ହରାଇ ୨୪୯ ରନ କରିଥିଲା। ଜବାବରେ ମଧ୍ୟପ୍ରଦେଶ ୨୦ ଓଭରରେ ୯ ଉଇକେଟ ହରାଇ ୧୧୦ ରନ କରିପାରିଥିଲା। ଓଡ଼ିଶା ବୋଲରଙ୍କ ମଧ୍ୟରେ ସୁଖରାମ ୩ଟି, ପଙ୍କଜ ଭୁଏ ୨ଟି ଏବଂ ନକୁଳ, ତପନ କୁମାର ଗୌଡ଼ା ଓ ରଘୁରାମ ନାୟକ ଗୋଟିଏ ଲେଖାଏ ଉଇକେଟ ନେଇଥିଲେ। ଅଲରାଉଣ୍ଡ ପ୍ରଦର୍ଶନ ପାଇଁ ସୁଖରାମ ମ୍ୟାନ ଅଫ୍ ଦି ମ୍ୟାଚ ପୁରସ୍କାର ପାଇଥିଲେ। ଓଡ଼ିଶା ମଙ୍ଗଳବାର ପଶ୍ଚିମବଙ୍ଗକୁ ଭେଟିବ।
ଓଡ଼ିଶା ଦଳ: ମହମ୍ମଦ ଜାଫର ଇକବାଲ (ଅଧିନାୟକ), କାଳିଆ ପ୍ରଧାନ, ତପନ କୁମାର ଗୌଡ଼ା, ଦେବରାଜ ବେହେରା, ଅନିଲ କୁମାର ମଲିକ, ଲାଲ ପ୍ରସାଦ ସୋରେନ, ସିଂ ରାଇ ମାଝି, ନକୁଳ ବଡ଼ନାୟକ, ରଘୁରାମ ନାୟକ, ଶୁକଦେବ ସୋରେନ, ପଙ୍କଜ ଭୁଏ, ସୁଖରାମ ମାଝି, ଧନପତି ଗୌଡ଼ା, ଲିଙ୍ଗରାଜ ରାଉତରା। କୋଚ୍: ଚନ୍ଦ୍ରଶେଖର ପଟ୍ଟନାୟକ, ସହକାରୀ କୋଚ୍: ଦେବାଶିଷ ଜେନା।
