ବ୍ରିସ୍ବେନ୍,୧୧।୧୨: ଅଷ୍ଟ୍ରେଲୀୟ ଅଭିଜ୍ଞ ସ୍ପିନର ନାଥନ ଲିୟନ ଏକ ବିରଳ ସଫଳତା ହାସଲ କରିଛନ୍ତି। ଇଂଲଣ୍ଡ ବିପକ୍ଷ ପ୍ରଥମ ଆଶେସ ଟେଷ୍ଟରେ ସେ ୪୦୦ ଉଇକେଟ ଅକ୍ତିଆର କରି ଏଲିଟ୍ କ୍ଲବରେ ସାମିଲ ହୋଇଛନ୍ତି। ୩୯୯ ଉଇକେଟ ହାସଲ କରିଥିବା ଲିୟନଙ୍କୁ ଆଉ ଗୋଟିଏ ଉଇକେଟ ହାସଲ କରିବା ପାଇଁ ୧୧ମାସ ଅପେକ୍ଷା କରିବାକୁ ପଡିଥିଲା। ଅଷ୍ଟ୍ରେଲିଆର ତୃତୀୟ ବୋଲର ଭାବେ ସେ ଏହି ସଫଳତା ପାଇଛନ୍ତି। ପୂର୍ବରୁ କିମ୍ବଦନ୍ତୀ ସ୍ପିନର ଶେନ ଓ୍ବର୍ନ ଓ ଗ୍ଲେନ ମ୍ୟାକଗ୍ରା ୪୦୦ରୁ ଉର୍ଦ୍ଧ ଉଇକେଟ ହାସଲ କରିଥିଲେ। ଫଳରେ ଲିୟନ ଓ୍ବର୍ନ ଓ ମ୍ୟାକଗ୍ରାଙ୍କ କ୍ଲବରେ ସାମିଲ ହୋଇଛନ୍ତି। ପ୍ରଥମ ଇନିଂସରେ ଲିୟନ ଗୋଟିଏ ହେଲେ ଉଇକେଟ ହାସଲ କରି ନ ଥିଲେ। ତେବେ ଦ୍ୱିତୀୟ ଇନିଂସରେ ସେ ୪ ଉଇକେଟ ପାଇଥିଲେ। ଦାଓ୍ବିଦ ମଲନଙ୍କୁ ଆଉଟ କରି ସେ ଏହି ମାଇଲଖୁଣ୍ଟ ଛୁଇଁ ଥିଲେ। ୧୦୧ଟି ଟେଷ୍ଟ ଖେଳି ୪୦୩ ଉଇକେଟ ହାସଲ କରିଛନ୍ତି।
