ନୂଆଦିଲ୍ଲୀ,୨୪।୮ : ୟୁପିଏ ସରକାରରେ କେନ୍ଦ୍ର ମନ୍ତ୍ରୀ ଥିବା ବରିଷ୍ଠ କଂଗ୍ରେସ ନେତା ମଣି ଶଙ୍କର ଆୟାର ପୂର୍ବତନ ପ୍ରଧାନମନ୍ତ୍ରୀ ପି.ଭି ନରସିଂହ ରାଓଙ୍କ ଉପରେ କଟାକ୍ଷ କରିଛନ୍ତି। ତାଙ୍କ ଆତ୍ମଜୀବନୀ ପୁସ୍ତକ ମେମୋୟର୍ସ ଅଫ ଏ ମାଭେରିକ ରିଲିଜ ହେବାବେଳେ ସେ କହିଥିଲେ ନରସିଂହ ରାଓ ଦେଶର ପ୍ରଥମ ଭାଜପା ପ୍ରଧାନମନ୍ତ୍ରୀ ଥିଲେ।
ତାଙ୍କ ପୁସ୍ତକ ରିଲିଜ ଉପରେ ହୋଇଥିବା ଆଲୋଚନାରେ ଆୟର କହିଛନ୍ତି ନରସିଂହ ରାଓ ଜଣେ ସାମ୍ପ୍ରଦାୟିକ ତଥା ହିନ୍ଦୁତ୍ୱବାଦୀ ନେତା ଥିଲେ। ଏହି ସମୟରେ, ଆୟର୍ ନରସିଂହ ରାଓଙ୍କ ସହ ତାଙ୍କ ବାର୍ତ୍ତାଳାପ ବିଷୟରେ ମଧ୍ୟ ଉଲ୍ଲେଖ କରିଥିଲେ ।
ମଣିଶଙ୍କର ଆୟର କହିଛନ୍ତି ଥରେ ମୁଁ ପି.ଭି ନରସିଂହ ରାଓଙ୍କ ସହ ରାମ-ରହିମ ଯାତ୍ରା କରିଥିଲି। ସେହି ସମୟରେ ରାଓ ତାଙ୍କୁ କହିଥିଲେ, ଏହି ଯାତ୍ରାରେ ତାଙ୍କର କୌଣସି ଆପତ୍ତି ନାହିଁ, କିନ୍ତୁ ଧର୍ମନିରପେକ୍ଷ ହେବାର ସଂଜ୍ଞା ଉପରେ ତାଙ୍କର ଆପତ୍ତି ରହିଥିଲା। ଆୟର କହିଛନ୍ତି ଯେତେବେଳେ ମୁଁ ତାଙ୍କୁ ପଚାରିଲି ମୋର ସଂଜ୍ଞା ସହିତ ଅସୁବିଧା କ’ଣ? ସେ କହିଥିଲେ ମଣି ତୁମେ ବୁଝୁନାହଁ ଏହା ଏକ ହିନ୍ଦୁ ଦେଶ। ମୁଁ ଚେୟାରରେ ବସି ଯାଇଥିଲା। ତାଙ୍କୁ କହିଥିଲି ଭାଜପା ମଧ୍ୟ ସମାନ କଥା କହୁଛି।
ଆୟରଙ୍କ ଆତ୍ମଜୀବନୀ ମେମୋରିସ ଅଫ ଏ ମାଭେରିକ – ଦ ଫାଷ୍ଟ ଫିଫ୍ଟି ଇୟରର୍ସ (୧୯୪୧-୧୯୯୧) ସୋମବାର ବଜାରକୁ ଆସିଛି। ଜଗରନୋଟ ବୁକ୍ସ ଦ୍ୱାରା ପ୍ରକାଶିତ ଏହି ପୁସ୍ତକରେ ଆୟାରଙ୍କ ଡୁନ ସ୍କୁଲରୁ ସେଣ୍ଟ ଷ୍ଟିଫେନ କଲେଜ ଏବଂ କେମ୍ବ୍ରିଜ ବିଶ୍ୱବିଦ୍ୟାଳୟ ପର୍ଯ୍ୟନ୍ତ ଯାତ୍ରା ଏବଂ ଜଣେ ବରିଷ୍ଠ କୂଟନୀତିଜ୍ଞଙ୍କ ଠାରୁ ତତ୍କାଳୀନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଘନିଷ୍ଠ ସହାୟକ ପର୍ଯ୍ୟନ୍ତ କାହାଣୀ ରହିଛି।
