ଗଞ୍ଜାମ,୧୩।୪(ବିଦ୍ୟାଧର ସାହୁ ): ଗଞ୍ଜାମ ଜିଲାର ପ୍ରମୁଖ ସହର ହେଉଛି ଗଞ୍ଜାମ ସହର। ଏଠାରେ ବାର ମାସରେ ତେର ପର୍ବ । ଏଥିପାଇଁ ଗଞ୍ଜାମ ସହରକୁ ଧାର୍ମିକ ସହର ବୋଲି ବିବେଚନା କରାଯାଏ। ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ବଡ଼ ବଜାର ଲଚ୍ଛମନ ବାଲାଜୀ ହନୁମାନ ମନ୍ଦିରରେ ପବିତ୍ର ଶ୍ରୀରାମ ନବମୀ ଠାରୁ ଆରମ୍ଭ ହୋଇଥିବା ନବାହ୍ନ ପାରାୟଣ ଓ ରାମଚରିତ ମାନସ ପାଠ ଜାରି ରହିଛି। ଏହା ନଅ ଦିନ ବ୍ୟାପୀ ପାଳନ ହେବ। ଏହି ଉପଲକ୍ଷେ ପ୍ରତ୍ୟେକ ଦିନ ହୋମ ଯଂଜ୍ଞ ଏବଂ ହୁମା ହନୁମାନ ମନ୍ଦିର ପୂଜକ ପ୍ରଶାନ୍ତ ତ୍ରିପାଠୀ ପାରାୟଣ ଦାୟିତ୍ୱ ବହନ କରିଛନ୍ତ। ହୋମରେ କର୍ତ୍ତା ଭାବେ ବଡ଼ ବଜାର ବଣିକ ସଙ୍ଘ ସଭାପତି ଗୌରୀ ଶଙ୍କର ବାରିକି ଏବଂ ଜଗନ୍ନାଥ ପୂଜକ କାଳିଆ ଶତପଥୀଙ୍କ ଦ୍ୱାରା ହୋମଯଂଜ୍ଞ ସମ୍ପର୍ଣ ହୋଇଥିଲା। ଗୋବିନ୍ଦ ଚନ୍ଦ୍ର ବାରିକି, କୃଷ୍ଣ ଚନ୍ଦ୍ର ଦାସ, ଶୁଭ ପଟ୍ଟନାୟକ, କାମରାଜୂ ବିଶ୍ୱାଳ,ବିଶୁ ନାୟକ ପ୍ରମୁଖ ସହଯୋଗ ପରିଚାଳନା କରୁଛନ୍ତି। ଆସନ୍ତା ମଙ୍ଗଳବାର ପୂର୍ଣ୍ଣାହୁତି ହେବ।
