ନୂଆଦିଲ୍ଲୀ,୧୩।୪: ସୁଜୁକି ୨ ଚକିଆ କମ୍ପାନୀ ଫ୍ଲିପକାର୍ଟ ସହିତ ହାତ ମିଳାଇଛି। ବର୍ତ୍ତମାନ ଏହି ସହଭାଗୀତା ଅଧୀନରେ କମ୍ପାନୀ Flipkart ରେ Avenis, V-Strom SX, Gixxer ଏବଂ Gixxer SF ୨୫୦ ଦୁଇ ଚକିଆ ଯାନ ବିକ୍ରି କରିବ। ଖୁବ୍ଶୀଘ୍ର ଗ୍ରାହକମାନେ Flipkart ମାଧ୍ୟମରେ ଏହି ବାଇକ ଏବଂ ସ୍କୁଟରଗୁଡ଼ିକ ଅର୍ଡର କରିପାରିବେ। ସୁଜୁକି ଏହାର ବିକ୍ରୟ ବୃଦ୍ଧି ଏବଂ ଗ୍ରାହକଙ୍କ ସୁବିଧା ବୃଦ୍ଧି କରିବା ପାଇଁ ଏହି ନିଷ୍ପତ୍ତି ନେଇଛି।
ସୁଜୁକି ମୋଟରସାଇକେଲ ଇଣ୍ଡିଆ ଆର୍ଥିକ ବର୍ଷ ୨୫ରେ ଏହାର ସର୍ବୋଚ୍ଚ ବିକ୍ରୟ ହାସଲ କରିଛି, ଯେଉଁଥିରେ ଘରୋଇ ଏବଂ ରପ୍ତାନି ବଜାରରେ ମୋଟ ୧୨,୫୬,୧୬୧ ଦୁଇଚକିଆ ଯାନ ବିକ୍ରି ହୋଇଛି। ଏହା ଆର୍ଥିକ ବର୍ଷ ୨୪ରେ ବିକ୍ରି ହୋଇଥିବା ୧୧,୩୩,୯୦୨ ୟୁନିଟ ତୁଳନାରେ ୧୧ ପ୍ରତିଶତ ବୃଦ୍ଧ ଦର୍ଶାଉଛି। କମ୍ପାନୀ ୧୨୫ ସିସି ସ୍କୁଟର ବଜାରରେ ପ୍ରାଧାନ୍ୟ ବିସ୍ତାର କରିଚାଲିଛି, ଏହାର ବିକ୍ରୟରେ ଆକ୍ସେସ ମଡେଲ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି।
ଆକର୍ଷଣୀୟ କଥା ହେଉଛି ଗତ ୪ ବର୍ଷ ମଧ୍ୟରେ ସୁଜୁକିର ବିକ୍ରି ଦ୍ୱିଗୁଣିତ ହୋଇଛି। ଆର୍ଥିକ ବର୍ଷ ୨୪ରେ ସୁଜୁକିର ଘରୋଇ ବିକ୍ରୟ ୧୦,୪୫,୬୬୨ ୟୁନିଟରେ ପହଞ୍ଚିଛି, ଯାହା ପୂର୍ବ ଆର୍ଥିକ ବର୍ଷରେ ବିକ୍ରି ହୋଇଥିବା ୯,୨୧,୦୦୯ ୟୁନିଟ ତୁଳନାରେ ୧୪% ଅଧିକ। କମ୍ପାନୀ ସେହି ସମୟ ମଧ୍ୟରେ ୨,୧୦,୪୯୯ ୟୁନିଟ ରପ୍ତାନି କରିଛି, ଯାହା FY୨୪ ରେ ୨,୧୨,୮୯୩ ୟୁନିଟ ତୁଳନାରେ ସାମାନ୍ୟ କମ।
