ଓ୍ବାଶିଂଟନ୍, ୧୫।୧୧: ଇସ୍ରାଏଲ-ହମାସ ଯୁଦ୍ଧ ଦିନକୁ ଦିନ ଭୟଙ୍କର ହେଉଥିବାବେଳେ ସାରା ଅଞ୍ଚଳ ଏବେ ଛାରଖାର ହୋଇଯାଇଛି। ଆମେରିକା ଇସ୍ରାଏଲକୁ ସମର୍ଥନ କରି ବିଭିନ୍ନ ଘାତକ ଅସ୍ତ୍ରଶସ୍ତ୍ର ସହ ଆର୍ଥିକ ପ୍ୟାକେଜ ଯୋଗେଇ ଦେଇ ଆସୁଛି। ଏନେଇ ଆମେରିକାରର ମୁସଲିମ ମହିଳା ଏମପି ଇଲହାନ ଓମାର ଏକ ବଡ ପଦକ୍ଷେପ ନେଇଛନ୍ତି। ସଂସଦରେ ଓମାର ଏକ ପ୍ରସ୍ତାବ ଆଗତ କରିବାକୁ ଯାଉଛନ୍ତି ଯାହାଦ୍ୱାରା ଆମେରିକାର ଇସ୍ରାଏଲର ପ୍ଲାନିଂରେ ବାଧା ଆସିପାରେ। ବାଇଡେନ ପ୍ରଶାସନ ସଂସଦରେ ଇସ୍ରାଏଲ ପାଇଁ ଘାତକ ବୋମା ଉପକରଣ ଉପଲବ୍ଧ କରିବା ପାଇଁ ମଲ୍ଟି-ମିଲିୟନ ଡଲାର ପ୍ୟାକେଜ ପ୍ରସ୍ତାବ ଆଗତ କରିଛନ୍ତି। ଏହି ପ୍ରସ୍ତାବକୁ ଅସ୍ବୀକାର କରିବା ପାଇଁ ଓମାର ଏହି ସପ୍ତାହରେ ପ୍ରସ୍ତାବ ଆଣିବେ। ଏନେଇ ଏକ ଅନ୍ତର୍ଜାତୀୟ ଗଣମାଧ୍ୟମରୁ ସୂଚନା ମିଳିଛି।
ସୂଚନାଯୋଗ୍ୟ, ଆମେରିକା ରାଷ୍ଟ୍ରପତି ଜୋ ବାଇଡେନ ଇସ୍ରାଏଲ ପାଇଁ ୩୨୦ମିଲିୟନ ଡଲାରର ସହାୟତା ରାଶି ଘୋଷଣା କରିଛନ୍ତି। ଏହି କ୍ୟାକେଜକୁ ରୋକିବା ପାଇଁ ଓମର ବିଲ୍ ଆଗତ କରିବେ। ଏହି ବିଲ୍ ସମର୍ଥନରେ ଡେମୋକ୍ରାଟିକ ଏମପିମାନଙ୍କର ଏକ ସମୂହ ମଧ୍ୟ ସାମିଲ ହେବେ। ଯଦି ପ୍ରତିନିଧି ସଭା ଓ ସିନେଟ୍ରେ ଏହି ବିଲ୍ ପାରିତ ହୋଇଯାଏ ତେବେ ଆମେରିକା ଇସ୍ରାଏଲକୁ କୌଣସି ସହାୟତା ଯୋଗାଇ ପାରିବ ନାହିଁ।
