ଭୋପାଳ,୧୮।୭: ନିର୍ବାଚନକୁ ନେଇ ମଧ୍ୟପ୍ରଦେଶର ଶିବରାଜ ସିଂ ଚୈହାନ ସରକାର ପ୍ରସ୍ତୁତ ହେଉଛନ୍ତି। ରାଜ୍ୟର ପ୍ରତ୍ୟେକ ଛୋଟ ଏବଂ ବଡ ପ୍ରସଙ୍ଗକୁ ଗୁରୁତ୍ୱ ଦିଆଯାଉଛି। ସରକାରଙ୍କ ଯୋଜନାକୁ ଜନସାଧାରଣଙ୍କ ନିକଟକୁ ନେବାରେ କୌଣସି ଅସୁବିଧା ନହେବାକୁ ସରକାର ୧୨ଟି ବେସରକାରୀ ବିମାନ ଚୁକ୍ତି କରିଛନ୍ତି, ଯାହାଫଳରେ ମୁଖ୍ୟମନ୍ତ୍ରୀ ଶିବରାଜଙ୍କ ସମେତ ମନ୍ତ୍ରୀମାନେ ବିମାନ ବ୍ୟବହାର କରି ଜନସାଧାରଣଙ୍କ ନିକଟରେ ପହଞ୍ଚି ପାରିବେ। ଆଚରଣ ସଂହିତା ଲାଗୁ ନ ହେବା ପର୍ଯ୍ୟନ୍ତ ଏହି ବିମାନଗୁଡିକ ବ୍ୟବହାର କରାଯାଇପାରିବ। ରାଜ୍ୟ ସରକାର ୧୩ ବର୍ଷ ମଧ୍ୟରେ ବିମାନ କମ୍ପାନୀମାନଙ୍କୁ ଭଡ଼ା ଭାବରେ ୧୧୩ କୋଟି ୪୫ ଲକ୍ଷ ୭୦ ହଜାର ୫୩୭ ଟଙ୍କା ପ୍ରଦାନ କରିଛନ୍ତି।
୨୦୨୩-୨୪ ଆର୍ଥିକ ବର୍ଷ ପାଇଁ ଶିବରାଜ କ୍ୟାବିନେଟ ଘରୋଇ ବିମାନ ପାଇଁ ୩୦ କୋଟି ଟଙ୍କା ବଜେଟ ବ୍ୟବସ୍ଥା କରିଥିଲା, କିନ୍ତୁ ବର୍ତ୍ତମାନ ଏହାକୁ ୪୦ କୋଟି ଟଙ୍କାକୁ ବୃଦ୍ଧି କରାଯାଇଛି। ଏହି ବଜେଟରୁ ବିମାନ ଯାତ୍ରା ପାଇଁ ବିମାନ ସେବା ପ୍ରଦାନ କରାଯିବ। ଏହି ବିମାନକୁ ମୁଖ୍ରମନ୍ତ୍ରୀ ଶିବରାଜ ସିଂ ଚୌହାନଙ୍କ ସମେତ କ୍ୟାବିନେଟ ସଦସ୍ୟମାନେ ବ୍ୟବହାର କରିବେ। ଏହି ବିମାନଗୁଡିକ ବ୍ୟବହାର କରି ମନ୍ତ୍ରୀ ଜନସାଧାରଣଙ୍କ ମଧ୍ୟରେ ପହଞ୍ଚି ସରକାରଙ୍କ କଲ୍ୟାଣ ଯୋଜନା ବିଷୟରେ ଜନସାଧାରଣଙ୍କୁ ଜଣାଇବେ।
