ନୂଆଦିଲ୍ଲୀ,୧୯।୧୨: ସଂସଦର ଶୀତକାଳୀନ ଅଧିବେଶନ ଅନିର୍ଦ୍ଦିଷ୍ଟ କାଳ ପାଇଁ ସ୍ଥଗିତ ରହିବା ପରେ ଲୋକ ସଭା ବାଚସ୍ପତି ଓମ ବିର୍ଲା ସଂସଦ ଭବନରେ ଥିବା ତାଙ୍କ ଚାମ୍ବରରେ ଦଳୀୟ ନେତା ଏବଂ ସଂସଦ ସଦସ୍ୟଙ୍କ ସହିତ ଏକ ବୈଠକ କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଭାରତୀୟ ଜାତୀୟ କଂଗ୍ରେସ ନେତା ତଥା ୱାୟାନାଡ ଏମ୍ପି ପ୍ରିୟଙ୍କା ଗାନ୍ଧୀ ଭଦ୍ରା, ଆଜମଗଡ ଏମ୍ପି ଧର୍ମେନ୍ଦ୍ର ଯାଦବ ଏବଂ ଘୋସି ଏମ୍ପି ରାଜୀବ ରାୟଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।
ସୂତ୍ର ଅନୁସାରେ, ଧର୍ମେନ୍ଦ୍ର ଯାଦବ ଗୃହ ଅଧିବେଶନର ଅବଧି ବୃଦ୍ଧି କରିବାକୁ ଦାବି କରିଥିଲେ। ସେ କହିଥିଲେ, ଅଧିବେଶନ ବହୁତ ଛୋଟ ଥିଲା ଏବଂ ଏହାକୁ ବୃଦ୍ଧି କରାଯିବା ଉଚିତ। ପ୍ରଧାନମନ୍ତ୍ରୀ ମୋଦି ହସି ହସି କହିଥିଲେ, ହଁ, ସ୍ଲୋଗାନ ଦେବା ପାଇଁ…।
ବୈଠକ ପରେ ସଂସଦ ପରିସରରେ ଧର୍ମେନ୍ଦ୍ର ଯାଦବ ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଛନ୍ତି, ଏହା ଏକ ପରମ୍ପରା ରହିଆସିଛି ଯେ ଅଧିବେଶନ ଶେଷରେ ବାଚସ୍ପତି ସମସ୍ତ ଦଳ ସହିତ ଏକ ବୈଠକ କରନ୍ତି। ପ୍ରଧାନମନ୍ତ୍ରୀ ମଧ୍ୟ ଉପସ୍ଥିତ ଥିଲେ। ଅନେକ ବିଷୟରେ ଆଲୋଚନା ହୋଇଥିଲା, ଯାହା ଆମେ ବାହାରେ ପ୍ରକାଶ କରିପାରିବୁ ନାହିଁ।
ସୂଚନାଯୋଗ୍ୟ, ଶୁକ୍ରବାର ଲୋକସଭାକୁ ଅନିର୍ଦ୍ଦିଷ୍ଟ ସମୟ ପାଇଁ ମୁଲତବୀ କରାଯାଇଥିଲା। ଡିସେମ୍ବର ୧ ତାରିଖରେ ସଂସଦର ଶୀତକାଳୀନ ଅଧିବେଶନ ଆରମ୍ଭ ହୋଇଥିଲା।
Dharitri – Odisha’s No.1 Odia Daily
