ନ୍ୟୁୟର୍କ, ୧୯।୫ : ଜାତିସଂଘର ସେକ୍ରେଟେରୀ ଜେନେରାଲ ଆଣ୍ଟୋନିଓ ଗୁଟେରସ କହିଛନ୍ତି ଯେ ସାରା ବିଶ୍ୱରେ କ୍ଷୁଧା ସ୍ତର ଏକ ନୂତନ ସ୍ଥାନରେ ପହଞ୍ଚିଛି। ଏହା ବିରୋଧରେ ଲଢ଼ିିବାକୁ ସେ ବିଶ୍ୱବାସୀକୁ ଆହ୍ବାନ ଦେଇଛନ୍ତି। ନ୍ୟୁୟର୍କରେ ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କନଙ୍କ ଅଧ୍ୟକ୍ଷତାରେ ଅନୁଷ୍ଠିତ ’ଗ୍ଲୋବାଲ ଫୁଡ ସିକ୍ୟୁରିଟି-କଲ ଟୁ ଆକ୍ସନ’ରେ ସେ ଏଭଳି ଅନୁରୋଧ କରିଛନ୍ତି। ଜାତିସଂଘର ମୁଖ୍ୟ କହିଛନ୍ତି ଯେ ଖାଦ୍ୟ ଅଭାବରୁ ଗୁରୁତର ଲୋକଙ୍କ ସଂଖ୍ୟା ମାତ୍ର ଦୁଇ ବର୍ଷ ମଧ୍ୟରେ ଦ୍ୱିଗୁଣିତ ହୋଇଛି।
ପୂର୍ବରୁ ଏହି ସଂଖ୍ୟା ୧୩.୫ କୋଟି ଥିଲା ବର୍ତ୍ତମାନ ଦୁଇ ଗୁଣା ବୃଦ୍ଧି ପାଇ ୨୭.୬ କୋଟି ଛୁଇଁଛି। ସେ କହିଛନ୍ତି ଯେ ୨୦୧୬ ପରଠାରୁ ଭୋକିଲାଙ୍କ ସଂଖ୍ୟାରେ ୫୦୦ ପ୍ରତିଶତରୁ ଅଧିକ ବୃଦ୍ଧି ଘଟିଛି। ଏହା ବ୍ୟତୀତ କରୋନା ଯୋଗୁ ସୃଷ୍ଟି ହୋଇଥିବା ଆର୍ଥିକ ଧକ୍କା ଲୋକଙ୍କ ଆୟକୁ ହ୍ରାସ କରିଛି ବୋଲି ସେ କହିଛନ୍ତି। ସେହିପରି ଯୋଗାଣ ଶୃଙ୍ଖଳାରେ ବାଧା ଯୋଗୁ ଖାଦ୍ୟ ନିରାପତ୍ତା ଉପରେ ସଙ୍କଟ ବୃଦ୍ଧି ପାଇଛି।
ଏହି କାରଣଗୁଡ଼ିକ ବିଶ୍ୱରେ ଅସମାନ ଅର୍ଥନୈତିକ ସ୍ଥିତି ସୃଷ୍ଟି କରୁଛି। କେତେକ ବିକାଶଶୀଳ ବେଶ ବର୍ତ୍ତମାନ ଋଣ ଖିଲାପକାରୀ ତାଲିକାରେ ରହିଛନ୍ତି ବୋଲି ସେ କହିଛନ୍ତି। ୟୁକ୍ରେନ ଏବଂ ରୁଷିଆ ପୃଥିବୀର ପ୍ରାୟ ଏକ ତୃତୀୟାଂଶ ଗହମ ଏବଂ ବାଜରା ଉତ୍ପାଦନ କରନ୍ତି । ଏହାର ଅଧା ସୂର୍ଯ୍ୟମୁଖୀ ତେଲ ଉତ୍ପାଦନ ମଧ୍ୟ ଏହି ଦୁଇ ଦେଶ କରନ୍ତି। ତେବେ ଯୁଦ୍ଧରେ ଲକ୍ଷ ଲକ୍ଷ ଲୋକଙ୍କୁ ଖାଦ୍ୟ ନିରାପତ୍ତା, ପୁଷ୍ଟିହୀନତା, ଜନ କ୍ଷୁଧା ଏବଂ ଦୁର୍ଭିକ୍ଷର ସଙ୍କଟରେ ପକାଇବାକୁ ଯାଉଛି। ଜାତିସଂଘର ମୁଖ୍ୟ କହିଛନ୍ତି ଯେ, ଭୋକ ବ୍ୟକ୍ତିବିଶେଷ, ପରିବାର ଏବଂ ସମାଜ ଉପରେ ଭୟଙ୍କର ପ୍ରଭାବ ପକାଇଛି ବୋଲି ସେ କହିଛନ୍ତି।
