ନୂଆଦିଲ୍ଲୀ, ୨୯।୩ : ତିନି ବର୍ଷରୁ ଅଧିକ ସମୟ ଧରି ୧୨ ହଜାରରୁ ଅଧିକ ମାମଲା କାହିଁକି ବିଚାରାଧୀନ ଅଛି ତାହା ସ୍ପଷ୍ଟ କରିବାକୁ ସଂସଦୀୟ କମିଟି କେନ୍ଦ୍ରୀୟ ଭିଜିଲାନ୍ସ କମିଶନ(ସିବିସି)ଙ୍କୁ କହିଛି। ସଂସଦରେ ଦାଖଲ ହୋଇଥିବା ଏହାର ସଦ୍ୟତମ ରିପୋର୍ଟରେ, ପ୍ୟାନେଲ ପ୍ରମୁଖ ଯୋଜନାଗୁଡିକ ପାଇଁ ବ୍ୟବହୃତ ପାଣ୍ଠିର ଅଣ-ଉପଯୋଗ ଉପରେ ଗୁରୁତ୍ୱାରୋପ କରିଛି ଏବଂ ତଦାରଖକୁ ସୁଦୃଢ଼ କରିବାକୁ ସିଭିସିକୁ ଏହାର ସମ୍ବଳର ଏକ ପ୍ରମୁଖ ଅଂଶ ଖର୍ଚ୍ଚ କରିବାକୁ କହିଛି। କମିଟି ଏହାର ରିପୋର୍ଟରେ କହିଛି ଯେ ଗୁରୁତର ଅଭିଯୋଗ ସହ ଜଡିତ ୭୨ ଟି ମାମଲା ତିନିମାସରୁ ଅଧିକ ଧରି କାହିଁକି ଶୁଣାଣି ପାଇଁ ବିଚାରାଧୀନ ରହିଛି ବୋଲି ସଂସଦୀୟ କମିଟି ପ୍ରଶ୍ନ କରିଛନ୍ତି।
କମିଟି କହିଛନ୍ତି ଯେ, ଯେ ନିର୍ଦ୍ଧାରିତ ସମୟସୀମା ମଧ୍ୟରେ ଦୋଷୀ ସାବ୍ୟସ୍ତ ନକରିବା ଏକ ନିତିଦିନିଆ କାର୍ଯ୍ୟରେ ପରିଣତ ହୋଇଛି। ରିପୋର୍ଟରେ କୁହାଯାଇଛି ଯେ, ବ୍ୟବସ୍ଥାକୁ ସଂଶୋଧନ କରିବା ଏବଂ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସିଭିସିକୁ ସଶକ୍ତିକରଣ କରିବା ଅବାଶ୍ୟବକ। କ୍ଷମତାପ୍ରାପ୍ତ କର୍ତ୍ତୃପକ୍ଷ ବୈଧ କାରଣ ବିନା ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଫିଇସଲା ଦେବାରେ ବିଫଳ ହେଉଥିବା ରିପୋର୍ଟରେ ଦର୍ଶାଯାଇଛି।
ସିଭିସିର ବାର୍ଷିକ ରିପୋର୍ଟ ଅନୁଯାୟୀ, ଜାନୁଆରୀରୁ ଡିସେମ୍ବର ୨୦୨୦ ମଧ୍ୟରେ, ସିଭିସି ମାଧ୍ୟମରେ ସିଭିଓ ଦ୍ୱାରା ଗ୍ରହଣ କରାଯାଇଥିବା ୫୬୯ ଟି ଅଭିଯୋଗ ଏବଂ ସିଧାସଳଖ ଗ୍ରହଣ କରାଯାଇଥିବା ୧୧,୬୯୩ ଅଭିଯୋଗ ତିନିମାସରୁ ଅଧିକ ସମୟ ଧରି ବିଚାରାଧୀନ ଅଛି। ଏଥିରେ ଆହୁରି ମଧ୍ୟ କୁହାଯାଇଛି ଯେ କିଛି ଅଭିଯୋଗ ତିନି ବର୍ଷରୁ ଅଧିକ ସମୟ ଧରି ବିଚାରାଧୀନ ରହିଛି। ଭାଜପାର ରାଜ୍ୟସଭା ଏମ୍ପି ସୁଶୀଲ କୁମାର ମୋଦିଙ୍କ ନେତୃତ୍ୱରେ ଗଠିତ କମିଟିର ରିପୋର୍ଟରେ କୁହାଯାଇଛି ଯେ ସିଭିସିରେ ଏତେ ସଂଖ୍ୟକ ଅଭିଯୋଗ କାହିଁକି ବିଚାରାଧୀନ ଅଛି ଏବଂ ନିର୍ଦ୍ଦିଷ୍ଟ ସମୟସୀମା କାହିଁକି ପାଳନ କରାଯାଉନାହିଁ ତାହା କମିଟିି ଜାଣିବାକୁ ଚାହୁଁଛି।
