ନୂଆଦିଲ୍ଲୀ,୧୨।୧: ଦିଲ୍ଲୀର ଶାହଦରା ଜିଲାର ଫର୍ଶ ବଜାର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ଜଣେ ଦୋକାନୀ ଅତିରିକ୍ତ ମୋମୋ ଚଟଣି ମାଗିବାରୁ ଯୁବକଙ୍କୁ ଛୁରିରେ ଆକ୍ରମଣ କରିଛନ୍ତି। ପୀଡିତ ଜୀବନ ବଞ୍ଚାଇବା ପାଇଁ ଏଠାକୁ ଦୌଡିବା ଆରମ୍ଭ କରିଥିଲେ। ସେ କୌଣସି ପ୍ରକାରେ ତାଙ୍କ ଜୀବନ ରକ୍ଷା କରିଥିଲେ।
ଘଟଣା ପରେ ଅଭିଯୁକ୍ତ ଘଟଣାସ୍ଥଳରୁ ପଳାଇ ଯାଇଥିଲେ। ପୀଡିତ ସନ୍ଦୀପଙ୍କୁ ନିକଟସ୍ଥ ହେଡଗ୍ବାର ହସ୍ପିଟାଲରେ ଭର୍ତ୍ତି କରାଯାଇଥିଲା। ପ୍ରାଥମିକ ଚିକିତ୍ସା ପରେ ତାଙ୍କୁ ଜିଟିବି ଡାକ୍ତରଖାନାକୁ ପଠାଯାଇଥିଲା। ଫର୍ଶ ବଜାର ପୋଲିସ ଏକ ମାମଲା ରୁଜୁ କରି ଅଭିଯୁକ୍ତ ମୋମୋ ଦୋକାନୀଙ୍କୁ ଗିରଫ କରିଛି। ତାଙ୍କ ନାଁ ବିକାଶ ଭାବରେ ଚିହ୍ନଟ କରାଯାଇଛି। ପୋଲିସ ତାଙ୍କୁ ପଚରାଉଚରା କରୁଛି ଏବଂ ଘଟଣାର ତଦନ୍ତ କରୁଛି।
ପୋଲିସର ସୂଚନାନୁସାରେ, ସନ୍ଦୀପ ତାଙ୍କ ପରିବାର ସହିତ ନୂଆ ସଞ୍ଜୟ ଅମର କଲୋନୀରେ ରୁହନ୍ତି। ସେ ଏକ ଘରୋଇ କମ୍ପାନୀରେ କାମ କରନ୍ତି। ସେ ନିଜ ବନ୍ଧୁ ରବିଙ୍କ ସହ ରାସ୍ତାର କଡ଼ ଦୋକାନକୁ ବର୍ଗର ଏବଂ ମୋମୋ ଖାଇବାକୁ ଯାଇଥିଲେ। ମୋମୋ ଖାଇବାବେଳେ ସନ୍ଦୀପ ପୁଣି ଦୋକାନୀ ବିକାଶଙ୍କଠାରୁ ଚଟଣି ମାଗିବାରୁ ସେ ତାଙ୍କୁ ଆକ୍ରମଣ କରିଥିଲେ।
