ଭୁବନେଶ୍ୱର,୧୯।୭(ବ୍ୟୁରୋ): ରାଷ୍ଟ୍ରପତି ନିର୍ବାଚନରେ ମହମ୍ମଦ ମୋକିମ ଏନ୍ଡିଏ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ଭୋଟ ଦେବା ପ୍ରସଙ୍ଗରେ ପିସିସି ସଭାପତି ଶରତ ପଟ୍ଟନାୟକ କହିଛନ୍ତି, ହାଇକମାଣ୍ଡଙ୍କୁ ଅବଗତ କରାଯାଇଛି। ସଠିକ ସମୟରେ ସଠିକ ନିଷ୍ପତ୍ତି ନିଆଯିବ । ସେପଟେ ମହମ୍ମଦ ମୋକିମ ଯେଉଁ ମାଟିର ଝିଅ କହି ଭୋଟ ଦେଇଥିବା କହିଛନ୍ତି ତାକୁ କାଉଣ୍ଟର କରି ବିଧାୟକ ତାରା ପ୍ରସାଦ ବାହିନୀପତି କହିଛନ୍ତି, ଯଦି ମାଟି କଥା ଉଠେ ତେବେ ଯଶଓ୍ବନ୍ତ ସିହ୍ନା ବିହାରର, ପୁଣି ପୂର୍ବତନ ଭାଜପା ନେତା । ତେବେ ସେଠାକାର ଭାଜପା ଏମ୍ପି କିମ୍ବା ବିଧାୟକ କଣ ପାର୍ଟି ଊର୍ଦ୍ଧ୍ୱକୁ ଯାଇ ତାଙ୍କୁ ଭୋଟ ଦେଇଛନ୍ତି କି, ବୋଲି ତାରା ପ୍ରସାଦ ବାହିନୀପତି ପ୍ରଶ୍ନ କରିଛନ୍ତି ।
