ତେହରାନ୍ ,୯ା୩: ଫେବୃଆରୀ ୨୮ରେ ଇରାନ ଉପରେ ଇସ୍ରାଏଲ-ଆମେରିକାର ମିଳିତ ଆକ୍ରମଣ ପରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲୀ ଖାମେନେଇଙ୍କ ମୃତ୍ୟୁ ହୋଇଥିଲା। ଏହାମଧ୍ୟରେ ଇରାନ-ଆମେରିକା ଯୁଦ୍ଧକୁ ୯ ଦିନ ପୂରିଥିଲାବେଳେ ନୂଆ ନେତା ବାଛିବାକୁ ଇରାନ ସରକାର ଚୟନ ପ୍ରକ୍ରିୟା ଶେଷ କରିଛନ୍ତି। ଖୁବଶୀଘ୍ର ନୂଆ ନେତାଙ୍କ ନାମ ଘୋଷଣା କରାଯିବ ବୋଲି ଇରାନ ସଂସଦର ବରିଷ୍ଠ ସଦସ୍ୟ ଆୟାତୋଲ୍ଲା ମୋହଶିନ୍ ହାଇଦେରି କହିଛନ୍ତି। ଶତ୍ରୁପକ୍ଷକୁ ଠିକଣା ଜବାବ ଦେବା ଲାଗି ଆମେ ଉପଯୁକ୍ତ ନେତାଙ୍କୁ ବାଛିସାରିଛୁ ବୋଲି ସେ କହିଛନ୍ତି। ମୋଜ୍ତାବା ଖାମେନେଇଙ୍କୁ ସୁପ୍ରିମ୍ ଲିଡର ବଛାଯାଇଥିବାବେଳେ କେବଳ ଔପଚାରିକ ଘୋଷଣା ବାକି ରହିଛି।
