ନୂଆଦିଲ୍ଲୀ,୨୦।୬: ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହେବା ପରେ ନରେନ୍ଦ୍ର ମୋଦି ଯୋଗ ଦିବସରେ ପ୍ରଥମ ଗସ୍ତରେ ଜମ୍ମୁ କଶ୍ମୀରକୁ ୩୩୦୦ କୋଟି ଟଙ୍କା ଉପହାର ଦେବେ। ଏହା ସହିତ ସରକାରୀ ସେବା ପାଇଁ ୨୦୦୦ରୁ ଅଧିକ ଲୋକଙ୍କୁ ନିଯୁକ୍ତି ପତ୍ର ପ୍ରଦାନ କରାଯିବ। ଯୋଗ ଦିବସର ମୁଖ୍ୟ କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ପ୍ରଧାନମନ୍ତ୍ରୀ ଦୁଇ ଦିନିଆ ଗସ୍ତରେ ଗୁରୁବାର ଶ୍ରୀନଗରରେ ପହଞ୍ଚିବେ।
ଗୁରୁବାର ସନ୍ଧ୍ୟା ୬ଟାରେ ଶେର-ଇ-କାଶ୍ମୀର ଆନ୍ତର୍ଜାତୀୟ ସମ୍ମିଳନୀ କେନ୍ଦ୍ର (SKICC) ରେ ଯୁବ ସଶକ୍ତିକରଣ, ଜମ୍ମୁ କଶ୍ମୀରକୁ ପରିବର୍ତ୍ତନ କରିବା କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଅଂଶଗ୍ରହଣ କରିବେ। ସେ ଏହି କାର୍ଯ୍ୟକ୍ରମରେ ଉପହାର ଦେବେ। ପରଦିନ ଯୋଗ ଦିବସରେ ସେ ସକାଳ ୬ଟାରେ ଯୋଗ ପ୍ରେମୀଙ୍କ ସହ ଯୋଗ କରିବେ।
ପ୍ରଧାନମନ୍ତ୍ରୀ ଭିତ୍ତି ପ୍ରସ୍ତର ସ୍ଥାପନ କରିବେ ଏବଂ ୧୫୦୦ କୋଟି ଟଙ୍କା ମୂଲ୍ୟର ୮୪ଟି ବିକାଶମୂଳକ ପ୍ରକଳ୍ପର ଉଦଘାଟନ କରିବେ। ଏଥିରେ ୫୦୦ କୋଟି ଟଙ୍କା ମୂଲ୍ୟର ପ୍ରକଳ୍ପ ଉଦ୍ଘାଟନ କରାଯିବ। ଏଥିମଧ୍ୟରେ ୧୫୦ କୋଟି ଟଙ୍କା ମୂଲ୍ୟର ୫୦ଟି ଜଳ ଯୋଗାଣ ଯୋଜନା, ୫୪ କୋଟି ଟଙ୍କାର ସଡକ ପ୍ରକଳ୍ପ, ୫୧ କୋଟି ଟଙ୍କା ମୂଲ୍ୟର ଉଚ୍ଚଶିକ୍ଷାର ଭିତ୍ତିଭୂମି, ପେଟିଏମ ସ୍କାନ ଏବଂ ୨୪ କୋଟି ଟଙ୍କା ମୂଲ୍ୟର ଜେନୋମ ଲାବୋରେଟୋରୀ ସାମିଲ ଅଛି। ଏହା ବ୍ୟତୀତ ସେ ୧୦୦୦ କୋଟି ଟଙ୍କା ବ୍ୟୟରେ ବିଭିନ୍ନ ପ୍ରକଳ୍ପର ମୂଳଦୁଆ ପକାଇବେ।
