ନୂଆଦିଲ୍ଲୀ,୧୫।୮: ୭୯ତମ ସ୍ବାଧୀନତା ଦିବସ ଅବସରରେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଭାଷଣରେ ଭାରତରେ ସ୍ବଦେଶୀ ଲଢ଼ୁଆ ବିମାନ ଇଞ୍ଜିନ ବିକଶିତ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଏହାକୁ ପ୍ରତିରକ୍ଷା କ୍ଷେତ୍ରରେ ଆତ୍ମର୍ନିଭରଶୀଳତା ଦିଗରେ ଏକ ବଡ଼ ପଦକ୍ଷେପ ଭାବରେ ବର୍ଣ୍ଣନା କରି ସେ କହିଛନ୍ତି ଯେ ଭାରତକୁ ବିଦେଶୀ ଯୋଗାଣକାରୀଙ୍କ ଉପରେ ର୍ନିଭରଶୀଳତା ହ୍ରାସ କରିବାକୁ ପଡିବ ଏବଂ ପ୍ରତିରକ୍ଷା ଉତ୍ପାଦନ କ୍ଷେତ୍ରରେ ଏହାର ପ୍ରୟାସକୁ ଆହୁରି ତ୍ୱରାନୱିତ କରିବାକୁ ପଡିବ। ପ୍ରଧାନମନ୍ତ୍ରୀ ଦେଶର ଯୁବ ବୈଜ୍ଞାନିକ, ଇଞ୍ଜିନିୟର ଏବଂ ସମସ୍ତ ସରକାରୀ ବିଭାଗକୁ ଆହୱାନ କରିଥିଲେ ଯେ ଭାରତର ’ମେଡ ଇନ ଇଣ୍ଡିଆ’ ଲଢ଼ୁଆ ବିମାନ ପାଇଁ ଇଞ୍ଜିନ ମଧ୍ୟ ସମ୍ପୂର୍ଣ୍ଣ ସୱଦେଶୀ ହେବା ଉଚିତ।
ମୋଦି କହିଛନ୍ତି ଯେ ଭାରତର ନାଗରିକଙ୍କ ଝାଳ ଏବଂ ମାଟିରୁ ତିଆରି ଜିନିଷଗୁଡ଼ିକ ଭାରତର ଆତ୍ମର୍ନିଭରଶୀଳତାକୁ ମଜବୁତ କରେ। ସେ ଛୋଟ ବ୍ୟବସାୟୀମାନଙ୍କୁ ଦୋକାନଗୁଡ଼ିକରେ ସୱଦେଶୀ ସାମଗ୍ରୀର ଏକ ବୋର୍ଡ ଲଗାଇବାକୁ ଏବଂ ଦେଶରେ ତିଆରି ଉତ୍ପାଦଗୁଡ଼ିକୁ ପ୍ରାଥମିକତା ଦେବାକୁ ଅନୁରୋଧ କରିଥିଲେ। ସେ କହିଥିଲେ, “ଆମେ ବାଧ୍ୟବାଧକତାରେ ନୁହେଁ, ବରଂ ନିଜପଣ ସହ ସ୍ବଦେଶୀ ବ୍ୟବହାର କରିବୁ। ଏହା ଆମର ମନ୍ତ୍ର ହେବା ଉଚିତ।”
ପ୍ରଧାନମନ୍ତ୍ରୀ କହିଛନ୍ତି ଯେ ଆଜିର ଆଇଟି ଯୁଗରେ, ତଥ୍ୟ ଏବଂ ସାଇବର ସୁରକ୍ଷାର ଶକ୍ତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସେ ଭାରତରେ ଅପରେଟିଂ ସିଷ୍ଟମ, ସାଇବର ସୁରକ୍ଷା ଏବଂ କୃତ୍ରିମ ବୁଦ୍ଧିମତ୍ତା ଭଳି ପ୍ରଯୁକ୍ତିବିଦ୍ୟା ବିକାଶ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଏହା ସହିତ, ଆଗାମୀ ବୈଦ୍ୟୁତିକ ଯାନ ଯୁଗ ବିଷୟରେ କହି ସେ କହିଥିଲେ ଯେ EV ବ୍ୟାଟେରୀ, ସୌର ପ୍ୟାନେଲ ଏବଂ EV ଭିତ୍ତିଭୂମି ପାଇଁ ଆବଶ୍ୟକ ସମସ୍ତ ଜିନିଷ ଭାରତରେ ହିଁ ତିଆରି ହେବା ଉଚିତ। ସେ ବିଶ୍ୱାସ କରନ୍ତି ଯେ ଦେଶର ଯୁବପିଢ଼ି ଏହି ସମସ୍ତ କ୍ଷେତ୍ରରେ ନବସୃଜନ ଏବଂ ଉତ୍ପାଦନରେ ଅଗ୍ରଣୀ ଭୂମିକା ଗ୍ରହଣ କରିପାରିବେ।
ନାସିକ, ଯାହା ଏପର୍ଯ୍ୟନ୍ତ MiG ଏବଂ ସୁଖୋଇ ଭଳି ଲଢ଼ୁଆ ଜେଟ ଆସେମ୍ବଲି ପାଇଁ ଜଣାଶୁଣା ଥିଲା। ଏହା ଏବେ ଭାରତର ଆତ୍ମର୍ନିଭରଶୀଳ ପ୍ରତିରକ୍ଷା ଉତ୍ପାଦନର ନୂତନ ପରିଚୟ ହେବାକୁ ଯାଉଛି। ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ (HAL) ଏଠାରେ ଏହାର ତୃତୀୟ ହାଲୁକା ଯୁଦ୍ଧ ବିମାନ (LCA) ଉତ୍ପାଦନ ଲାଇନ ଆରମ୍ଭ କରିଛି। ଏହି ଉତ୍ପାଦନ ଲାଇନ ହେଉଛି ବେଙ୍ଗାଲୁରୁ ବାହାରେ ପ୍ରଥମ LCA ଉତ୍ପାଦନ ସୁବିଧା, ଯାହା ରଣନୈତିକ ଦୃଷ୍ଟିକୋଣରୁ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପଦକ୍ଷେପ। ବେଙ୍ଗାଲୁରୁରେ ପୂର୍ବରୁ ଦୁଇଟି LCA ଉତ୍ପାଦନ ଲାଇନ ଅଛି, ଯାହାର ମିଳିତ ବାର୍ଷିକ କ୍ଷମତା 16ଟି ବିମାନ। ଏବେ ନାସିକର 8ଟି ବିମାନର ଅତିରିକ୍ତ ବାର୍ଷିକ କ୍ଷମତା ସହିତ, ଭାରତ ଗୋଟିଏ ବର୍ଷରେ ମୋଟ 24ଟି LCA ର୍ନିମାଣ କରିପାରିବ।
