ସିକନ୍ଦରାବାଦ,୧୩।୧୧: ଦେଶର ୫ଟି ରାଜ୍ୟରେ ଏବେ ନିର୍ବାଚନ ଋତୁ ଚାଲିଛି। ଏହାରି ଭିତରେ ପ୍ରଧାନମନ୍ତ୍ରୀ ଲଗାତାର ଭାବେ ନିର୍ବାଚନ ସଭାକୁ ସମ୍ବୋଧିତ କରୁଛନ୍ତି। ଏଥିରେ ସେ ଭାରତୀୟ ଜନତା ପାର୍ଟି(ଭାଜପା) ପାଇଁ ଭୋଟ ମାଗୁଛନ୍ତି। ଏହି କ୍ରମରେ ଶନିବାର ମୋଦି ତେଲଙ୍ଗାନାର ହାଇଦ୍ରାବାଦରେ ଏକ ନିର୍ବାଚନ ରାଲିକୁ ସମ୍ବୋଧିତ କରୁଥିଲେ, ଠିକ ଏହିି ସମୟରେ ଏମିତି ଏକ ଘଟଣା ଘଟିଥିଲା ଯାହାର ଚର୍ଚ୍ଚା ଏବେ ସବୁଆଡେ ହେଉଛି।
ସୂଚନାଯୋଗ୍ୟ, ଯେତେବେଳେ ପ୍ରଧାନମନ୍ତ୍ରୀ ମୋଦି ଏହି ସମାବେଶକୁ ସମ୍ବୋଧିତ କରିଥିଲେ, ଏକ ମୁହୂର୍ତ୍ତ ଆସିଲା ଯେତେବେଳେ ତାଙ୍କୁ ତାଙ୍କ ଭାଷଣ ବନ୍ଦ କରିବାକୁ ପଡିଲା। ସେ ଦେଖିଲେ ଯେ ଜଣେ ଯୁବତୀ ଲାଇଟ ଟାଓ୍ବାର ଉପରକୁ ଚଢୁଛନ୍ତି। ପ୍ରଧାନମନ୍ତ୍ରୀ ବାରମ୍ବାର ତାଙ୍କୁ ତଳକୁ ଓହ୍ଲାଇବାକୁ ଅନୁରୋଧ କରିଥିଲେ ଏବଂ କହିଥିଲେ ଯେ ବୈଦ୍ୟୁତିକ ତାରଗୁଡ଼ିକର ଅବସ୍ଥା ଭଲ ଦେଖାଯାଉ ନାହିଁ।
ଯେତେବେଳେ ଯୁବତୀ ଜଣଙ୍କ ପ୍ରଧାନମନ୍ତ୍ରୀଙ୍କୁ କିଛି କହିବା ଆରମ୍ଭ କଲେ, ସେତେବେଳେ ସେ ତାଙ୍କୁ ହିନ୍ଦୀରେ କହିଲେ, ଝିଅ ମୁଁ ତୁମ କଥା ଶୁଣିବି। ଦୟାକରି ଓହ୍ଲାଇ ଆସ। ସର୍ଟ ସର୍କିଟ ହୋଇପାରେ। ଏହା ଠିକ ନୁହେଁ । ମୁଁ କେବଳ ତୁମ ପାଇଁ ଏଠାକୁ ଆସିଛି। ଏପରି କାର୍ଯ୍ୟ କରିବାର କୌଣସି ଆବଶ୍ୟକତା ନାହିଁ। ପରେ ରାଜ୍ୟ ସଭା ଏମପି କେ ଲକ୍ଷ୍ମଣ ପ୍ରଧାନମନ୍ତ୍ରୀଙ୍କ ଦ୍ୱାରା କୁହାଯାଇଥିବା ବାକ୍ୟକୁ ତେଲୁଗୁ ଭାଷାରେ ଅନୁବାଦ କରିବାକୁ ଅନୁରୋଧ କରିଥିଲେ।
