ବାଲେଶ୍ୱର ଅଫିସ, ୧୫।୧୦: ବିଜୁ ଜନତା ଦଳ ବାଲେଶ୍ବର ସଦର ନିର୍ବାଚନମଣ୍ଡଳୀ ପକ୍ଷରୁ ଭାରତର ପୂର୍ବତନ ରାଷ୍ଟ୍ରପତି ଭାରତରତ୍ନ ଡ. ଏ.ପି.ଜେ. ଅବଦୁଲ କଲାମଙ୍କ ଜୟନ୍ତୀ ପାଳିତ ହୋଇଯାଇଛି। ବାଲେଶ୍ବର ସହରର ଷ୍ଟେଶନ ଛକରେ ଥିବା କଲାମଙ୍କ ପ୍ରତିମୂର୍ତ୍ତି ସମ୍ମୁଖରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପୂର୍ବତନ କାଉନସିଲର ବିଶ୍ବଜିତ୍ ମହାପାତ୍ରଙ୍କ ଆବାହତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ବାଲେଶ୍ବର ସଦର ବିଧାୟକ ସ୍ବରୂପ ଦାସ ମୁଖ୍ୟ ଅତିଥି ଭାବେ ଯୋଗଦେଇ ଡ. କଲାମଙ୍କ ପ୍ରତିମୂର୍ତ୍ତିରେ ମାଲ୍ୟାପ୍ରଣ କରିବା ସହ ମିଜାଇଲମ୍ୟାନ୍ଙ୍କ ବାଲେଶ୍ବର ସହିତ ଥିବା ଅବଦାନକୁ ମନେପକାଇଥିଲେ। ସମ୍ମାନିତ ଅତିଥି ଭାବେ ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ା, ପୂର୍ବତନ ଉପନଗରପାଳ ମନୋଜ ରାଉତ, କାଉନ୍ସିଲର ମୀନା ମହାନ୍ତି, ଶୋଭା ମହାପାତ୍ର, କାର୍ତ୍ତିକ ସାହୁ, ସବିତାରାଣୀ ଦାସ, ସେକ୍ ଆୟୁବ୍, ପୂର୍ବତନ କାଉନ୍ସିଲର ସାକିର ଖାନ୍, ସଦର ବ୍ଲକ ବିଜେଡି ସଭାପତି ବସନ୍ତ ପଣ୍ଡା, ବିଜେଡି ଜିଲା ଏସି ସେଲ୍ ସଭାପତି ଶତ୍ରୁଘ୍ନ ମଲ୍ଲିକ, ଜୋନାଲ ବିଜୁ ଯୁବ ଜନତା ଦଳ ସାଧାରଣ ସମ୍ପାଦକ ଧୀରେନ ନାୟକ, ସଦର ବିଜେଡି ଯୁବ ସଭାପତି ସେକ୍ ଅନ୍ସାର, ଟାଉନ ଯୁବ ସଭାପତି ଉମାଶଙ୍କର ତିଆଡି ପ୍ରମୁଖ ଯୋଗ ଦେଇଥିଲେ ଥିଲେ।
