ଛତ୍ରପୁର,୯।୭(ଦିଲ୍ଲୀପ ସାମଲ): ରୋଗୀଙ୍କ ନିରୋଗ ସ୍ବାସ୍ଥ୍ୟ କାମନା ନିମନ୍ତେ ଅଗ୍ରପୂଜ୍ୟ ମହାପ୍ରଭୁ ଶ୍ରୀ ଗଣେଶଙ୍କ ମୂର୍ତ୍ତୀ ଗୁରୁବାର ସ୍ଥାନୀୟ ଉପକଣ୍ଠ ଚିକିତ୍ସାଳୟରେ ପ୍ରତିଷ୍ଠା କରାଯାଇଛି। ଏହି ଅବସରରେ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ, ଚିକିତ୍ସାଳୟ ଅଧ୍ୟକ୍ଷକ ଡାକ୍ତର ଅଲେଖ ପ୍ରଧାନ ହିନ୍ଦୁ ସଂସ୍କୃତି ଏବଂ ରୀତିନୀତି ଅନୁସାରେ ପ୍ରତିଷ୍ଠା ଏବଂ ପୂଜାର୍ଚ୍ଚନା କରିଥିଲେ। ପୂଜା ସମାପନ ହେବା ପରେ ବିଧାୟକ ନାୟକ ଏବଂ ଅଧ୍ୟକ୍ଷକ ପ୍ରଧାନ ଚିକିତ୍ସାଳୟ ପରିସରରେ ଔଷଧୀୟ ଚାରାରୋପଣ କରିଥିଲେ। ଏହି କାର୍ଯ୍ୟକ୍ରମରେ ଚିକିତ୍ସାଳୟ ପରିଚାଳକ ଗଣେଶ ନାହକଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ଉପସ୍ଥିତ ଥିଲେ।