ବେଙ୍ଗାଲୁରୁ,୨୫।୧ ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ମିତ୍ସୁବିଶି ଇଲେକ୍ଟ୍ରିକ୍ ପକ୍ଷରୁ କମ୍ପ୍ୟୁଟରୀକରଣ ସଂଖ୍ୟାଗତ ନିୟନ୍ତ୍ରକ(ସିଏନ୍ସି) ଜରିଆରେ ଏକ ପ୍ରଶିକ୍ଷଣ ଏବଂ ପ୍ରଦର୍ଶନ କାରାଭାନ୍ ‘ସିଏନ୍ସି-ଅନ୍-ହୁଇଲ୍ସ’ର ଶୁଭାରମ୍ଭ କରାଯାଇଛି। କମ୍ପାନୀର ଉକ୍ତ ଗାଡ଼ିକୁ ମିତ୍ସୁବିଶି ଇଲେକ୍ଟ୍ରିକ୍, ସିଏନ୍ସି ବୈଷୟିକ କେନ୍ଦ୍ର ପେନ୍ୟା ଶିଳ୍ପାଞ୍ଚଳ ପରିସରରୁ ପତାକା ଦେଖାଇ ଆରମ୍ଭ କରାଯାଇଥିଲା।
ଏହା ପ୍ରଥମେ କ୍ଷେତ୍ର ଏବଂ ପରେ ଅନ୍ୟ ଶିଳ୍ପକ୍ଷେତ୍ରକୁ ଅଗ୍ରସର ହେବ ବୋଲି କମ୍ପାନୀ ପକ୍ଷରୁ କୁହାଯାଇଛି। ମିତ୍ସୁବିଶିି ଇଲେକ୍ଟ୍ରିକ୍ ଇଣ୍ଡିଆ ୨୦୧୭ରେ ବେଙ୍ଗାଲୁରୁର ପେନ୍ୟାଠାରେ ଏହାର ସିଏନ୍ସି ଉତ୍ପାଦନର ସୁବିଧା ଆରମ୍ଭ କରିଥିଲା। ଫଳରେ ‘ମେକ୍ ଇନ୍ ଇଣ୍ଡିଆ’ ପଦକ୍ଷେପ ଏବଂ ଅତ୍ୟାଧୁନିକ ଉତ୍ପାଦନକୁ ଖାପ ଖୁଆଇବାକୁ ଚାହୁଁଥିବା ଶିଳ୍ପଗୁଡ଼ିକୁ ବୈଷୟିକ ସହାୟତା କରିବାକୁ ଏହା ଲକ୍ଷ୍ୟ ରଖିଛି। ସିଏନ୍ସି-ଅନ୍-ହୁଇଲ୍ସର ଦୁଇଟି ପ୍ରମୁଖ ସିଏନ୍ସି ନିୟନ୍ତ୍ରଣକୁ ନେଇ ଗଠିତ: ଏମ୍୮୦ ଯାହା ଆମର ଫ୍ଲାଗ୍ଶିପ୍ ଉତ୍ପାଦ ଏବଂ ଇ୮୦ ଯାହା ସୀମିତ ବୈଶିଷ୍ଟ୍ୟ ସହିତ ଏକ ଉତ୍ପାଦ ଯାହା ଏସ୍ଏମ୍ଏସ୍ଇ/ଏମ୍ଏସ୍ଏମ୍ଇକୁ ସହଯୋଗ କରିଥାଏ।
ଏ ସମ୍ପର୍କରେ ମିତ୍ସୁବିଶିି ଇଲେକ୍ଟ୍ରିକ୍ ଇଣ୍ଡିଆ ପ୍ରା. ଲିମିଟେଡ୍ର ଜିଏମ୍, ସିଏନ୍ସି ସିଷ୍ଟମ୍, ମାସାୟା ଟାକେଡା କହିଛନ୍ତି, ଆମେ ସିଏନ୍ସି ସହିତ ସଂଯୁକ୍ତ ରହିଛୁ। ଏହାକୁ ସୁନିଶ୍ଚିତ କରିବା ପାଇଁ ସ୍ଥାୟୀ ଟେକ୍ନୋଲୋଜି ଏବଂ ନୂତନ ଉତ୍ପାଦନ ପଦ୍ଧତି ସହିତ ଶିଳ୍ପକୁ ସଶକ୍ତ କରିବା ସହ ଦକ୍ଷ ଅପରେଟରଙ୍କୁ ନେଇ ତାଲିମ କାର୍ଯ୍ୟକ୍ରମରେ ବୈଷୟିକ ଜ୍ଞାନ ଓ ଯନ୍ତ୍ରୀମାନଙ୍କର ସହଯୋଗ ରହିବ ବୋଲି ସେ କହିଛନ୍ତି। ସେହିପରି ଆମେ ଆମର ସିଏନ୍ସି ଅପରେଟରମାନଙ୍କର ଦକ୍ଷତା ସ୍ତର ବଢ଼ାଇବା ପାଇଁ ଏକ ମେଟାଲ କଟିଂ ଶିଳ୍ପକୁ ମଧ୍ୟ ସମର୍ଥନ ଯୋଗାଇବୁ ଏବଂ ଭାରତ ସରକାରଙ୍କ ’ସ୍କିଲ୍ ଇଣ୍ଡିଆ ମିଶନ୍’ ଓ ’ମେକ୍ ଇନ୍ ଇଣ୍ଡିଆ’ର ବିଭିନ୍ନ ପଦକ୍ଷେପକୁ ମଧ୍ୟ ଗ୍ରହଣ କରି ଆସିଛୁ। ଆମେ ଭାରତୀୟ ଉତ୍ପାଦନ ଶିଳ୍ପକୁ ସହଯୋଗ ସହ ଦୀର୍ଘ ଦଶନ୍ଧି ଧରି ସମର୍ଥନ କରିଆସିଛୁ। ମିତ୍ସୁବିଶି ଇଲେକ୍ଟ୍ରିକ୍ ଇଣ୍ଡିଆ ସିଏନ୍ସିକୁ ଏକ ଉଜ୍ଜ୍ୱଳ ଭବିଷ୍ୟତ ଆଡ଼କୁ ଗତି କରୁଛି।
