କରାଚୀ,୧୫।୧୦(ପି.ଟି.): ମିସ୍ବା-ଉଲ- ହକ୍ ପାକିସ୍ତାନ ଜାତୀୟ ଦଳର ମୁଖ୍ୟ ଚୟନକର୍ତ୍ତା ପଦରୁ ଇସ୍ତଫା ଦେଇଛନ୍ତି। ଜାତୀୟ ଦଳର ହେଡ କୋଚ୍ ଭୂମିକା ଉପରେ ଅଧିକ ଫୋକସ କରିବାକୁ ସେ ଏହି ନିଷ୍ପତ୍ତି ନେଇଛନ୍ତି। ଏ ନେଇ ପାକିସ୍ତାନ କ୍ରିକେଟ ବୋର୍ଡ (ପିସିବି)କୁ ଅବଗତ କରାଇଛନ୍ତି ବୋଲି ମିସ୍ବା ଗଣମାଧ୍ୟମକୁ ସୂଚନା ଦେଇଛନ୍ତି। ନଭେମ୍ବର ୩୦ ତାରିଖରେ ସେ ମୁଖ୍ୟ ଚୟନକର୍ତ୍ତା ପଦରୁ ଇସ୍ତଫା ଦେବେ।
ମିସ୍ବା ଉଭୟ ଚୟନକର୍ତ୍ତା ଓ ହେଡ୍ କୋଚ୍ ପଦରେ ରହି ଦୁଇଟି ଗୁରୁଦାୟିତ୍ୱ ତୁଲାଉଥିଲେ। ଗତବର୍ଷ ସେପ୍ଟେମ୍ବରରେ ସେ ଦୁଇଟି ଦାୟିତ୍ୱ ଗ୍ରହଣ କରିଥିଲେ। ଅଗାମୀ ଜିମ୍ବାଓ୍ବେ ଗସ୍ତ ପାଇଁ ଦଳ ଚୟନ କରିବି। କିନ୍ତୁ ଏହା ପରେ କେବଳ ମୁଖ୍ୟ କୋଚ୍ ଭାବେ ମୋ କାମରେ ମନୋନିବେଶ କରିବି ବୋଲି ସେ କହିଛନ୍ତି। ପିସିବି ପକ୍ଷରୁ ଚାପ ପଡୁଥିବାରୁ ଚୟନକର୍ତ୍ତା ପଦ ଛାଡି ନ ଥିଲି। ଦୁଇଟି ହାଇପ୍ରୋଫାଇଲ ପଦରେ ରହି କାର୍ଯ୍ୟ କରିବା ନିଶ୍ଚିତ ଭାବେ କଷ୍ଟକର। ହେଡ୍ କୋଚ୍ ହିସାବରେ ଶ୍ରେଷ୍ଠ କାର୍ଯ୍ୟ କରିବାକୁ ଚାହେଁ ବୋଲି ସେ କହିଛନ୍ତି। ଯିଏ ବି ମୁଖ୍ୟ ଚୟନକର୍ତ୍ତା ହେବେ ତାଙ୍କୁ ସମ୍ପୂର୍ଣ୍ଣ ରୂପେ ସହଯୋଗ କରିବି। ଗତ ବିଶ୍ୱକପ୍ରେ ପାକିସ୍ତାନ ବିଫଳ ହେବା ପରେ ପିସିବି କୋଚ୍ ମିକି ଆର୍ଥର ଓ ତାଙ୍କ ସପୋର୍ଟ ଷ୍ଟାଫ୍ଙ୍କୁ ପଦ ଛାଡିବାକୁ କହିଥିଲା। ଏହାପରେ ମିସ୍ବାଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା।
