ଗୋପାଳପୁର,୧୭।୯(ନବୀନ ରାଜ ଆଚାରୀ): ବୁଧବାର ରଙ୍ଗେଈଲୁଣ୍ଡା ବ୍ଲକ ଅଧିନସ୍ଥ ମନ୍ତ୍ରୀଡି ପଞ୍ଚାୟତ ପାଲୁର ହିଲ ନିକଟରେ ଏକ ପେଡ ମା’କେ ନାମ୍ ୨.୦ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଜ୍ୟ ଖଣି ଇସ୍ପାତ ଓ ସଡ଼କ ପରିବହନ ମନ୍ତ୍ରୀ ବିଭୁତି ଭୂଷଣ ଜେନା ଶୁଭାରମ୍ଭ ଆରମ୍ଭ କରିଛନ୍ତି। ଆୟୋଜିତ କାର୍ଯ୍ୟକ୍ରମ ମନ୍ତ୍ରୀ ଜେନା କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶରେ ରାଜ୍ୟରେ ୭୫ ଲକ୍ଷ ବୃକ୍ଷ ରୋପଣ କରାଯିବ। ଏହି ଅବସରରେ ପାଲୁର ନିକଟରେ ବିଜୁ ପଟ୍ଟନାୟକ ଆଦର୍ଶ ବିଦ୍ୟାଳୟର ଛାତ୍ରୀଛାତ୍ରଙ୍କୁ ମା’ ନାଁ ରେ ଗଛ ଲଗେଇ ବାକୁ କହିବା ସହ ମନ୍ତ୍ରୀ ଜେନା ନିଜେ ମଧ୍ୟ ଗଛ ଲଗାଇ ଥିଲେ ଓ ଗଛର ଯତ୍ନ ନେବା ପାଇଁ କହିଥିଲେ। ୧୭୫୦ ବୃକ୍ଷ ରୋପଣ କରାଯାଇଥିଲା । ଏହା ପରେ ବିଶ୍ୱନାଥପୁର, ଚିକରଡା, ବଡ଼ କୁସ୍ଥଳୀ ଗ୍ରାମରେ ମଧ୍ୟ୍ୟ ବୃକ୍ଷରୋପଣ କରିଥିଲେ। ଏହି ବ୍ଲକର ଅନ୍ୟ ପଞ୍ଚାୟତମାନଙ୍କରେ ୨୫ ହଜାର ବୃକ୍ଷ ରୋପଣ କରାଯିବା ସହ ତାହାର ରକ୍ଷଣବେକ୍ଷଣ ଦାୟିତ୍ୱ ନିଆଯିବ ବୋଲି ରଙ୍ଗେଈଲୁଣ୍ଡା ବିଡ଼ିଓ ବିଶ୍ୱଜିତ ରାୟ ସୂଚନା ଦେଇଛନ୍ତି l ଏହି ଅବସରରେ ବ୍ରହ୍ମପୁର ରେଞ୍ଜ ଏସିଏଫ ମାଣିକେଶ୍ବରୀ ହାଂସଦା, ଏଇଇ ରାମ ଚଦ୍ର ନାୟକ, ସୁନୀଲ ପାତ୍ର, ରାଜେଶ ସାହୁ, ବ୍ରଜମୋହନ ନାହକ, ଗଙ୍ଗାଧର ଶତପଥି, ଭୈରବ ରଣା ଓ ଶତାଧିକ ଲୋକ ଉପସ୍ଥିତ ଥିଲେ।
