ବମ୍ବେ: ବିଶ୍ୱର ଅଧିକାଂଶ ଲୋକଙ୍କ ଆର୍ଥିକ ମେରୁଦଣ୍ଡ ଭାଙ୍ଗିଛି ମହାମାରୀ କରୋନା। ସେମାନଙ୍କ ମଧ୍ୟରୁ ଜଣେ ହେଲେ ବଲିଉଡର ଜଣାଶୁଣା ଗାୟକ ମିକା ସିଂହ। ଲକ୍ଡାଉନ୍ ଯୋଗୁ ଦୀର୍ଘ ୮ ମାସ ଧରି ତାଙ୍କୁ କୌଣସି କାମ ମିଳି ନ ଥିଲା। ସେ ଘରେ ରହି ରହି ଚିଡ୍ଚିଡା ହୋଇଥିଲେ। ତାଙ୍କ ଭଳି ଅନେକ ଲୋକ ଥିବା କଥା ଭାବି ସେ ନିଜକୁ ସମ୍ଭାଳିଥିଲେ। ହେଲେ ଏବେ ପରିସ୍ଥିତି ବଦଳିଛି। ମିକା ନିଜର ଆଗାମୀ ଫିଲ୍ମ ‘ସୟୋନୀ’ର ଏକ ଗୀତକୁ ନେଇ ଉତ୍ସାହିତ ଅଛନ୍ତି । ଡିସେମ୍ବର ୧୮ରେ ଫିଲ୍ମଟି ପରଦାକୁ ଆସିବ। ସିନେମାହଲ୍ରେ ଦର୍ଶକେ ଏହାକୁ ଦେଖିବେ। ମିକା ଏଥିରେ ‘ଏକ ପପ୍ପି’ ଗୀତ ଗାଇଛନ୍ତି। ଦର୍ଶକେ ଏହାକୁ କି ପ୍ରତିକ୍ରିୟା ଦେଉଛନ୍ତି ତାହା ସେ ଦେଖିବାକୁ ଅପେକ୍ଷା କରି ରହିଥିବା ମିକା ଏକ ସାକ୍ଷାତକାରରେ କହିଛନ୍ତି।