ନୂଆଦିଲ୍ଲୀ, ୪।୪ (ପି.ଟି.): ଚଳିତ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ରେ ମଙ୍ଗଳବାର ଖେଳାଯିବାକୁଥିବା ଗୁଜରାଟ ଟାଇଟନ୍ସ ବିପକ୍ଷ ମ୍ୟାଚ ଦିଲ୍ଲୀ କ୍ୟାପିଟାଲ୍ସ ପାଇଁ ସହଜ ହୋଇ ନ ପାରେ। ଗୁଜରାଟ ଜାଏଣ୍ଟ୍ସ ଦଳର କେନ୍ ଓ୍ବିଲିୟମସନ ଆଣ୍ଠୁରେ ଆଘାତପ୍ରାପ୍ତ ହୋଇ ଟୁର୍ନାମେଣ୍ଟରୁ ସମ୍ପୂର୍ଣ୍ଣ ବାହାର ହୋଇସାରି ଥିଲେ ମଧ୍ୟ ଗତଥରର ଚାମ୍ପିୟନ ଦଳର ସମସ୍ତ ବିଭାଗରେ ଅନ୍ୟ ବହୁ ଭଲ ଖେଳାଳି ରହିଛନ୍ତି। ସିଜନର ପ୍ରଥମ ଆଓ୍ବେ ମ୍ୟାଚରେ ଦଳ ମଙ୍ଗଳବାର ଫେଭରାଇଟ୍ ଭାବେ ପଡ଼ିଆକୁ ଓହ୍ଲାଇବ। ପ୍ରତିପକ୍ଷ ଦଳର ତୁଳନାରେ ଏହାରର ପେସ୍ ବାହିନୀ ବେଶ୍ ଉନ୍ନତ। ଅନ୍ୟପକ୍ଷରେ ଲକ୍ଷ୍ନୌ ସୁପର ଜାଏଣ୍ଟ୍ସ ଠାରୁ ୫୦ ରନରେ ହାରିଯାଇଥିବା ଆୟୋଜକ ଦଳ ଆଗାମୀ ମ୍ୟାଚ ପାଇଁ ଏହାର ରଣନୀତି ବଦଳାଇପାରେ। ଅନରିଚ ନୋର୍ଜେଙ୍କ ଅନୁପସ୍ଥିତିରେ ପେସ୍ ବାହିନୀରେ ରହିଥିବା ଭାରତୀୟ ବୋଲରମାନେ ସେତେଟା ପ୍ରଭାବୀ ମନେ ହୋଇ ନ ଥିଲେ। ଏହା ଦଳ ପାଇଁ ଏହା ଏକ ଚିନ୍ତାର କାରଣ। ଚେତନ ସାକାରିୟା ଓ ମୁକେଶ କୁମାର ଶୃଙ୍ଖଳିତ ବୋଲର। ହେଲେ ସେମାନଙ୍କ ବୋଲିଂରେ ବେଗ ଓ ବିବିଧତାର ଅଭାବ ରହିଛି। ପେସ୍ ବୋଲିଂକୁ ଭଲରୂପେ ଖେଳିପାରୁଥିବା ପ୍ରତିପକ୍ଷ ଦଳର ଭଲ ଫର୍ମରେ ରହିଥିବା ଶୁବମନ ଗିଲ୍ ଅବା ହାର୍ଦ୍ଦିକ ପାଣ୍ଡ୍ୟା ଉଭୟେ ଧମାକା ସୃଷ୍ଟି କରିପାରନ୍ତି। ଖଲିଲ ଅହମ୍ମଦ ପ୍ରଥମ ଗେମ୍ରେ ଭଲ ଖେଳିଥିଲେ। ମାତ୍ର ବର୍ଷ ବର୍ଷ ଧରି ତାଙ୍କ ଫିଲ୍ଡିଂ ଏକ ସମସ୍ୟା ଯୋଇ ରହିଆସିଛି। ଫିଲ୍ଡିଂ ସେସନରେ ସେ ସେ ଯେତିକି ସଂଖ୍ୟାରେ କ୍ୟାଚ ଧରିଛନ୍ତି, ସେ ତୁଳନାରେ ଅଧିକ ହାତଛଡ଼ା କରିଛନ୍ତି। କାଇଲ ମେୟର୍ସଙ୍କୁ ବାଦ୍ ଦେବା ଦ୍ୱାରା ଦିଲ୍ଲୀ ପାଇଁ ଓପନିଂ ମ୍ୟାଚ ମହଙ୍ଗା ସାବ୍ୟସ୍ତ ହୋଇଥିଲା। ଦଳରେ ଅନ୍ୟ ଜଣେ ବିଶିଷ୍ଟ ପେସ୍ ବୋଲର ଈଶାନ୍ତ ଶର୍ମା ରହିଛନ୍ତି। ତାଙ୍କୁ ଦଳ ବେସ୍ ପ୍ରାଇସ୍ରେ କ୍ରୟ କରିଛନ୍ତି। କେବଳ ଅଭିଜ୍ଞତା ଦୃଷ୍ଟିରୁ ତାଙ୍କୁ ଦଳରେ ନିଆଯାଇଛି। ତାଙ୍କୁ ‘ଇମ୍ପାକ୍ଟ ଖେଳାଳି’ ଭାବେ ଦଳରେ ନିଆଯାଇ ପାରେ। ତେବେ ଭଲ ଖବର ହେଲା ଦକ୍ଷିଣ ଆଫ୍ରିକାର ଉଭୟ ନୋର୍ଜେ ଓ ଲୁନ୍ଗି ଏନ୍ଗିଡ଼ି ଏଠାରେ ପହଞ୍ଚତ୍ ଯାଇଛନ୍ତି। ମଙ୍ଗଳବାର ସିଲେକ୍ସନ ପାଇଁ ସେ ଉପଲବ୍ଧ ହେବେ। ଦିଲ୍ଲୀ ମୁଖ୍ୟ କୋଚ୍ ଖେଳାଳି କମ୍ବିନେଶନରେ କିଛିଟା ପରିବର୍ତ୍ତନ କରିପାରନ୍ତି। ସେ ସେକାରିୟାଙ୍କୁ ବାଦ୍ ଦେଇ ଅନ୍ତର୍ଜାତୀୟ ଅଭିଜ୍ଞ ସମ୍ପନ୍ନ ମୁସ୍ତାଫିଜୁର ରହମନଙ୍କୁ ବୋଲିଂ ୟୁନିଟ୍ରେ ସାମିଲ କରିପାରନ୍ତି।
