ଭୁବନେଶ୍ୱର,୯।୮: ଆରମ୍ଭ ହୋଇଯାଇଛି କୁଇଜ ମହାକୁମ୍ଭ ‘ମେଟଲ ମିଟ ୨୦୨୫’। ଦୈନିକ ଇଂରାଜି ଖବର କାଗଜ ‘ଓଡ଼ିଶା ପୋଷ୍ଟ’ ପକ୍ଷରୁ ପ୍ରତିବର୍ଷ ଆୟୋଜିତ ହେଉଥିବା କୁଇଜ ମହାକୁମ୍ଭ ‘ମେଟଲ ମିଟ’ର ଏହା ହେଉଛି ସପ୍ତମ ସଂସ୍କରଣ। ଏହି ଅବସରରେ ଧରିତ୍ରୀ ଏବଂ ଓଡ଼ିଶା ପୋଷ୍ଟର ସମ୍ପାଦକ ତଥାଗତ ସତପଥୀ କହିଛନ୍ତି, ‘ମେଟଲ ମିଟ’ର ଏହା ହେଉଛି ସପ୍ତମ ସଂସ୍କରଣ। ରାଜ୍ୟ, ଭାରତ ବର୍ଷର ପୂର୍ବରେ ଯେତିକି କୁଇଜ୍ ପୋଗ୍ରାମ ଆରମ୍ଭ ହୋଇ ବନ୍ଦ ହୋଇଯାଉଥିଲା, ସେତେବେଳେ ଓଡ଼ିଶା ପୋଷ୍ଟ, ଧରିତ୍ରୀ ଆନୁକୂଲ୍ୟରେ ମେଟଲ ମିଟ୍ ଆରମ୍ଭ ହୋଇଛି। କୁଇଜିଂକୁ ନୂଆ ଜୀବନ ଦେଇଛି ମେଟଲ ମିଟ୍ । ଏହା ସହ ଇଷ୍ଟନ ଇଣ୍ଡିଆରେ ଆଜି ମେଟଲ ମିଟ୍ ନିଜର ନାମ ପତିପାଦିତ କରିପାରିଛି ।
ଭୁବନେଶ୍ୱରରେ ଆୟୋଜିତ ଏହି ରାଜ୍ୟସ୍ତରୀୟ କୁଇଜ ପ୍ରତିଯୋଗିତା ଦୁଇ ଦିନ ଧରି ଅନୁଷ୍ଠିତ ହେବ । ଆଜି ପ୍ରିଲିମ ରାଉଣ୍ଡ ଥିବା ବେଳେ ଦ୍ୱିତୀୟ ଅର୍ଥାତ୍ ଆସନ୍ତା କାଲି ରବିବାର ଗ୍ରାଣ୍ଡ ଫିନାଲେ ଅନୁଷ୍ଠିତ ହେବ । ସକାଳ ସାଢ଼େ ୮ ଟାରୁ ରେଜିଷ୍ଟ୍ରେଶନ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଦିନ ୧୦ ଟା ବେଳେ ଆରମ୍ଭ ହୋଇଛି ଜୁନିୟର ରାଉଣ୍ଡ । କୁଇଜ ପ୍ରତି ଛାତ୍ରୀଛାତ୍ରଙ୍କ ଆଗ୍ରହ ବୃଦ୍ଧି କରିବା ସହିତ ରାଜ୍ୟରେ କୁଇଜକୁ ପୁନର୍ଜୀବିତ କରିବା ଉଦ୍ଦେଶ୍ୟରେ ୨୦୧୬ ରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା ତା’ର ଲକ୍ଷ୍ୟ ହାସଲ କରିପାରିଛି । ତେବେ ଚଳିତ ବର୍ଷ ଏହି ପ୍ରତିଯୋଗିତାରେ ମୋଟ ୮୪ଟି ଶିକ୍ଷାନୁଷ୍ଟାନର ଛାତ୍ରୀ ଛାତ୍ର ଯୋଗ ଦେଇଛନ୍ତି । ଜୁନିୟର ଗୃପରେ ୩୯ଟି ଟିମ ଯୋଗ ଦେଉଥିବା ବେଳେ ସିନିୟର ରାଉଣ୍ଡରେ ୪୫ଟି ଟିମ ସାମିଲ ହୋଇଛନ୍ତି ।
